ملتقى مدينة العيون - & من كثرٍ مآشفـت بحياتي أنـذآل ...بديـت اشـك ان النـذآله ..فضيلــه &

ملتقى مدينة العيون (http://www.aloyun.com/vb/index.php)

- أحآسيس جميلة وهمسـآت دآفئه (http://www.aloyun.com/vb/forumdisplay.php?f=7)

& من كثرٍ مآشفـت بحياتي أنـذآل ...بديـت اشـك ان النـذآله ..فضيلــه &

إن كنت تنشد يالمسيكي .. عن الحال
........................ مالي على .. كتمانها عنك .. حيله

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

طاحت ، ولاْوفق من حناياك منزال
..................... وابطلبك .. يابدر ( تكمى ) المخيله

ان قيل ترعد .. قلهم : صوت زلزال
.................. وان قيل تبرق .. شف لها ادناة حيله

مابي .. تناقلها هل القيل والقال
..................... .. وتصير من بعد القصيره .. طويله

يابدر .. !!

يابدر .. ماني عال .. لو صحتي عال
.................... .. شفني من الصدمات نفسي عليله

اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )
سبحان منهو يابدر غيّر الحال ..!!
.................... .. وحط الجفا بين الخليل .. وخليله

هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!

المال ..!!

المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!

للرائع / خلف المشعان

ممـآ رآق لــي أرٍجوٍ ان تعجبكــم .. :)

شكرا لك ع القصيده الرائعه..
لاعدمنا الجديد اختي..
دمتٍ ودام وجودك..

http://www.aloyun.net/photos/15873.gif http://www.aloyun.net/photos/15873.gif
من كثر ماشفت بحياتي من انذال ....!!
...................... .. بديت اشك ان النذاله ... فضيله
ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

قصـيده راائعه من عضـوه رااائعه
سلمت ع الإختيــار الذوق
مهـرة العيــون
ولا هنت
مع كل الــود
http://www.aloyun.net/photos/15873.gif

رائعه من روائع خلف مشعان العنزي

صح الله السانه

وهالشاعر احبه حيل

خاصه بقصيدته دن حجيله

:)

صحت اناملك ونقلك الرائع يامهرة العيون

ياليت مهره تسمحين لي بالاضافه هذي

لنفس الشاعر

دن حجيله ..

على هذا الراابط :
http://www.phroon.com/upload/file13/23122478723.rar

الله يعافيك غاليتي الفارسه اسعدني تواجدك
الرائع وتالقك .. لكِ ودي

الله يعطيك العافيه اختي احسآس شرفتي صفحتي واسعدني تواجدك
الرائع لآحرمني الله منك ومن تألقكـ . لكِ ودي

الرائـع والتميزٍ تواجدك اخوي موٍت المشـآعرٍ الله يعطيك العافيه
وسلمت يدآآك .. مسموٍح أخوي والله يعافيك على الرابـط لآحرمنآ
الله تألقك وتميزٍك .. لك تقديرٍي .

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

....

هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!

اي والله انا اشهد ماقال الا الصدق ..
صح لسانه وعلا شانه ..
وتسلم يمناك يالغلا ..
ع القصيده الرائعه ..
احسنت الاختيار ..
لاعدمنا تألقك الدائم ..

يسلمو على الابيات هذي

تقبل مروري