وقت مستقطع
 

الى اخي الحبيب, دعني احلق بك في اجواء الشتاء الرائعه ,ان الوقت الذي نمر به هذه الايام القادمه لها طعم خاص ولذه في النفس. تخيل معي لو انك جالس على عرقوب مرتفع ( طعس) والجو غائم و المطر يرش رش على خفيف و قدامك( الضويه )النار و حطب رمث او غضا والمعاميل( الدلال ) على النار وصبيت لك بيالة( شاي حطب) على كيف كيفك محكم والنفس طيبه ولا هنا خلاف والامور زينه, وجاك ضيف مايخطرلك على البال والخاطر شوفه يسر النفس ,راعي سواليف طيبه وعلوم رجال فيها ذكرخير وصدق مشاعر ومحبه, تشرح الصدر وتوسع الخاطر, ودك تطير من الفرحه وتغرد مثل الاطيار, هذي الجلسه اللي ماتقدر بثمن ولامال والوقت اللي قضيته في سعاده ,اضن انه قليل يمر على الواحد مثله خاصه هذي الايام الغريبه العجيبه ,يوم زين ..و يوم الله اعلم به, الزمن يرحل وتبقى الذكرى الجميله دوم في الاذهان..... سلام وتحيه.

ياسلام عليك والله
وانا اقراء الموضوع اتخيل المشهد قدامي
الحقيقه ماخليت شي استمتعت جدا
الجلسه اللي تقول عنها مبطي عنها انا
ان شاء الله نلحق مابقى من ايام ونجلس جلسه تماما مثل اللي تقول عنها