قلت السلام وقلت يالله مسا خير=لي عادة لاجيت قلت التحية
وخصها للي تمازوا عن الغير=للابه اللي نارهم دوم حية
لاهل العيون مكحلين النواظير= اهل الصعاب ومحتسين المنية
اهل الفعول الطايلة والمناعير=اهل الخصال الوافية والسجية
اهلالدلال مهيلات ومباهير=اهل العلوم الطيبة والحمية
ف عيوننا تلقى الفرح والتباشير=وبصدورنا دوم المشاعر سخية
ما بيننا عايب ولا نافخ الكير=ولابيننا من هو علومه ردية
تاريخنا نعزف علية المزامير=لوحة شرف ما دنستهاخطية
حنا لها وهي لنا ماهي للطير=طيب وكرم والعز والعنترية
والخامسةوقفاتنا بالمعاسير=واللي يجينا يبشر بخير جية
والسادسة حنا ملاذ المكاسير=واللي بلته من البلاوي بلية
والسابعة ما قد حسبنا المخاسير=من طيب نعطي ومجزلين العطية
والثامنه تنفذ جميع المحابير=في ذكرنا تحتاج مليون طية
والتاسعةحنا بحسب المعايير=حنا قضاة الكون لوبه قضية
والعاشره نرضى بحكم المقادير=نصبر ولا نجزع بنفس رضية
ذولا هلي مضرب مثل للمشاهير=اللابة اللي تلحق الكي كية
ابفتخر فيهم صباح مع عصير= لاصارهاذي لابتي ما علية
حسبتها ولابه عنا او تفاكير=لقيتهم في حسبتي مية مية
سلام مني ياهلي وكل تقدير=وزود على التقدير هاذي تحية

وعليك الســـلام ورحمة الله وبركـاته
شاعرنا/ سعود الدولة

ما يخرج من القلب يدخل الى القلب
وكلماتك هي نبض ينبض به كل قلب عاشق للعيون
واهل العيون شكرا لك على هذه الهدية الرائعة للبلد
صح لسانك وعتلا شانك
على القصيدة الرائعة منك وليست بغريبة عليك
دمت كما انت رائعا وراقيا

لك كل ود وأعجاب وتقدير

....