يالله بواديب حياك
 

سلام عليكم

واللهم صلي على محمد

وشلونك بو اديب


شوف هذا بيتين اذا اوكي زين واذا مو اوكي

عطني مده يوم واحد

لكن اذا اوكي نواصل وانا عارف انوه ركيك صح



حدي على الظالم قصاص---مثل السراب اللي يموت
وخر عن الساني رصاص---عجل ترى الوقت يفوت

لك مني ياقذافي سهام--من ليبيا اليا قندهار
لاتفكر تذوق المنام--زنقه زنقه دار دار


ملاحظه :: هل تكون اضبظ بالقذافي ولاياقذافي

سلام عليكم

اجل يعين ربي

والتعليمات نفس كل مره لاجديد

ويسهل ربي ماقصرت

وشقول في كلامك عدل ماقدر اقول فيه شي

يالله سلام

قال سلسال الذهـب : (والتعليمات نفس كل مره لاجديد - - اللي سويته مثل كل مره غنيتها ).

قال عبدالرحمن : لالالا يا سـلسـال مـو كـذا لا تخـتصـر الكلام .

1 - لازم تسـولف لي ( تعـرف معـنى تسـولف ؟ ) يعـني وسـع صـدرك وقـل لي شاللي تسـويه قبل ما تكـتب

أي شـي ، وتقـول لي عـن شـعورك سواء كانت النتيجة في صالحـك أو غـير صالحـك في كل الردود .


2- كل الفـقـرات اللي أكـتبها لازم تجـاوب عليها . . .

تـدري ليه أطـلب منـك ذلك ؟ . . لأنه مـهـم بالنسـبة لي عـلـشـان أقـيـس عـليه مـدى اهـتمامك

وحرصك أو اسـتعجالك أو ظـروفـك وغـير ذلك .

قال سـلسـال الذهـب :

ردي على الغايب عتاب -- حسب الظروف اللي يقول
مدري انا شيبه وشباب -- ماعرف ادبر لي حلول


وقال عبدالرحمن : جميل جميل أحـسـنت في المعنى والوزن . . بس اللي تحـته خـط مكسـور .

ياللـه حاول تـعـدل المكسـور- لا تهـمله - واكـتب بعـد بيـتين جـديدين وغـير القافية

علشـان أرد عليـك أبيات مثـلها .

ياللـه انا بانتـظــارك .

=

سلام عليكم

ان شاء الله راح اكتب كل الفقرات

اللي سويته رجعت غنيت نفس اللحن

وقلت اغير الشطر احسن وغيرته

وان شاء الله يضبط

ردي على الغايب عتاب -- حسب الظروف اللي يقول
بقول الك وهذا جواب-- ماعرف ادبر لي حلول

ملاحظه :اتوقع الواو اللي بعد الك تسوي ثقل اوكسر

وانتظرك وانتظر البيتين

عفاك الله

- جميل جميل يا سلسال .وكلامك صح ( حـرف الواو زائـد وكـذلك الألف اللي مع لك ) .

- الحـين صارت الأبيات موزونة .


قال عبدالرحمن : أنا قـلت لك يالغالي .. اكـتب يا سلسال انت بيـتين جـديدين

على نفس اللحـن وغـير القافية .

فإذا كـتبت بيـتين جميلين بدون كسـر أبشـر أنا أرد عليك حالا ً .


يالله أنا بانتـظــارك .

=