جزاءالظالم
 

جزاءالظالم

الجهد والقلب تلاش والنظر
والفكر مره ومرات يغيب

راح حالي والعمر وقته قذر
والقدر فرق حبيب من حبيب

الاجل مكتوب مامنه مفر
لو سكنت امشيده جاك النصيب

ياالله الغفران والجنه مقر
اسالك ياالله عسى لي تستجيب

تلطف ابحالي وانا كلي صبر
راضي ابحكم القدر وانت الرقيب

احمد الله دوم ولهجاتي شكر
واتقرب بالدعاء والله قريب

ارفع الكفين في وقت السحر
وفي صلاه الصبح عسى ربي يجيب

ياولي الكون واسرار البحر
تسقي الظالم شري عقب الحليب

يبتليه ربي بلاوي في الظهر
يضربه نجم براسه في جليب

قلتهاآمين مايصوم الشهر
يشكي العله لعله مايطيب

يفقد الثنتين وألسان الذكر
يحمل الاسفار ولاطال الزبيب

ذا جزاء الظالم قبل يوم الحشر
ومن يحشر على وجهه كبيب

من ظلم يظلم على راسه حجر
بالسبع والسبع لين انه يغيب

الشاعر/سعود بن احمد العواد

صح منطوقك ياشاعرنا
لاهنت

صح لسانك