******** **** **** **** **** **** **** **** **** **** **** **** **** **** **** **** **** **** **** **** ****
للشعر وابيات القصيدة والايام
وللقافيه واحلام عاجز وزنها
ماهزني في قسوتي دمع الايتام
ولاهمني طيب المراجل وطنها
ماعشتها الدنيا على وهج الاحلام
ولازادني خافي الليال وعلنها
لاجيتها حطت على صدري اوسام
ولاقفيت ما كني تذوقت منها
احيان احس اني مع الناس قدام
واحيان غادي و اخلف الناس ظنها
واحيان اهيم بسالفه كلها اوهام
واحيان كلمة صدق واقطع رطنها
واحيان احب اللي تنكر للاحكام
عايش حياته ما درى الخلق عنها
واحيان احب اللي على الناس نمام
كل الكلام حروف لكن شحنها
واحيان ما للعاطفه فيني ما هام
عدت وقلبي سارح ما فطنها
واحيان اشوفك ياعظيم كالاقزام
واحيان اشوفك ياقزمنا طحنها****
حتى المصايب كاشطه بعض الارقام
عرّت لك اشجار الصداقه غصنها****
وابكي سواة اللي تقرر له اعدام
واضحك سواة اللي حظوظه ضمنها
وقتٍ كتبه الله على الحي ما دام
يتلا الفخر والجاه حفره سكنها
ماضي وولا وانقضت سيرة اعوام
واجسادنا الت لما خلق منها
محدٍ يشيل اوزار غيره بالاسلام
ان كان لك ونه على ذنب ونها
عشت الحياه افراح واحزان والام
وادفع من احلاها مرارة ثمنها