ملتقى مدينة العيون - اخوي الميت جاني البارح

ملتقى مدينة العيون (http://www.aloyun.com/vb/index.php)

- ملتقى مجتمع العيون (http://www.aloyun.com/vb/forumdisplay.php?f=2)

- - اخوي الميت جاني البارح (http://www.aloyun.com/vb/showthread.php?t=58643)

اخوي الميت جاني البارح

البارح جاني في الحلم
اخوي اللي مات من سنه الله يرحمه
غصب علي اتذكره كل شوي
ياخوي ياحبيبي ياسندي ياعضيدي الغالي علي
اخوي اللي مخلي لحياتي طعم
انت كلشي عندي
اسراري عندك واسرارك عندي
اعلمك بكلشي وخواتي اللي اهم خواتي ماعلمهم
الله يرحمك ياولد امي وابوي
عندي اخوان غيره وخوات الحمد لله وماهم مقصرين
بس الله يرحمه كان غير
اهو اخوي واختي وابوي وامي
اهو دنياي كلها وماحد يعرف شفيني الا هو من نظره حتى من قبل اتكلم
محد مثله معاي الله يرحمه طيب ودود يدور اللي يسعدني ويسويه
مدلعني ومدللني الله يرحمه كان مع خواتي كلهم كذا
مخلي كل وحده تحس انه يعاملها كنه يخصها هي بالمعامله ذي
الدنيا شينه عقبه استغفر الله
اهو سندي واهو اللي لصار شي لي اطير اقول له
يعرف عني كلشي ومساندني وصاف وياي الله يرحمه
ماخاف وهو موجود وماحاتي وهو يمي
اشلون انساك وانت اللي ماعمرك نسيتني بعطفك وحنانك وفزعاتك
البارحه جاني يضحك ويسئلني عن نخلتي اللي زرعها لي وسماها بسمي
يوصيني اني اسقيها بيدي واوزع خيرها على الفقراء
حبيبي ياخوي والله العظيم اشتقت لك حيل
الله يرحمك ويغمد روحك الجنه

الله يخليكم تدعون له
ان شاء الله ماتفقدون غالي

الله يرحمه ويغفر له

الله يجمعكم في جنات الخلد

الله يرحمه يارب
والله يجمعك معه في الأخره
تصدقي له اختي /الدانه

اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . ...

الله يرحمه ويغفر له ويجعل قبره روضه من رياض الجنه

لاتنسي اختي اخوكي من الصدقه واكثري له الدعاء الله يجمعك معه في الجنه

الله يرحمه يارب
والله يجمعك معه في الأخرهاللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . ...

نسأل الله ان يرحمه ويجعل الفردوس الاعلى داره ومسكنه

الله يرحمه ويغفر له ويجعل قبره روضه من رياض الجنه

لاتنسي اختي اخوكي من الصدقه واكثري له الدعاء

الله يرحمه ويوسع قبره ويجعل الجنه داره

حبيبتي الدانه

خير مارأيتي ان شاء الله
عليك بكثرة الدعاء والصدقة عنه ,,,ولاتنسين وصيته لك بالحلم اهتمي بالنخله وجعليها صدقة جاريه له طول ما انتي عايشه ..
وجميعنا مصيرنا الموت
والله يجمعنا بالجنه..