|
يا غير مسجل شقالت أمك اليوم
كثير من أوقات نسمع من كبار السن الفاظ قديمة
يقولونها في مناسبات مختلفة خلال اليوم ففي فرحهم وحزنهم وغضبهم ومزحهم وانقاداتهم وتوجيههم وهم يدعون لك أو وهم يدعون عليك :wejo025: وكل شي له مقولة أو مثل أو حكمة خل أذنك مفتوحة زين مازين وإسمع شتقول أمك وشيقول أبوك وشيقول أي كبير سن تعال حط الشي اللي قال وإن كنت تعرف أو إسأل عن المعنى وأكتبه لنا |
ياحافظ ياعقايل الله قالتها الوالدة لي اليوم وأنا أسولف لها عن حادث صار قدامي وهذا دعاء تطلب فيه من الله الحفظ وعدم زوال العقل مما سمعته من مصيبة |
فكره حلوه بصراحه منك يا الدب
انا متاكد ان الفكره جاتك وانت ضارب بالخمس |
خالتي قالت شي يدل على ان اي واحد قام وتكبر وسوى حاله وتنكر مارده يرجع لاصله لو طال الزمن
البصل لـ طال طوله مارده لعكوره |
متابع مانبي هالكلام نبيك تشارك
الدانة هالمقولة أول مرة أسمعها بس معناها عميق جدا وربي |
هههههههههههههههههههههههههههههههههه
عمي يقول لولده هالمثل : أكل وراحة و ...... في البراحة ...... = إسأل أبوك أو أمك عنه المهم المثل دال على معناه من غير شرح وهو يقابل المثل اللي يقول أكل ومرعى وقلة صنعة |
يعطيك الصحة والعافية اخي الغالي ابو طلال
طرح جميل ومميز وممتـع جدا وقد يفيـد في جمع الامثلة القديمـة والتعـرف على معانيها المختلفة والمتنوعة .الف الف شكر وتقدير لك ولمجهوداتك القيمة . اذكر مثل دائما أمي تقوله لخواتي خبزا خبزتيه يالرفله اكليه معناه يقول ..انتي اخترتي وبغيتي تحملي نتيجة اختيارك شكري وتقديري لكل من تفاعل |
الطول طول نخله والعقل عقل صخله<<تحطيم
ههههه هذي المقوله ياما سمعناها والله ع الجرح هع |
موضوع تراثي حلو مرره.. اول ماشفته قلت بس هنا نحصد كل كلمه قديمه لها وزنها مثل مقولة والدة ابو طلال ربي يحفظها ويمتعها بالصحه والعـآفيه والصجه واللجه:p
بس شكلكم بتقلبونه امثـــــــآل <<بتخـآوي الحريم اللي يجون علشان تلقط كم كلمه :) |
صح يادمع السماء ماهو لازم يكون أمثال
مثلا أذكر وحدة الله يحفظها تقول لولدها ربي يخليه إذا نسى أو سوى شقاوة تقول له :wejo012: : أبو الطبيج وهي إختصار لجملة هي : أبو الطبيق اللي يطبق رقبتك :exs2029: ومابي أقول معناها لأنها واضحة :wejo010: |
| الساعة الآن 01:28 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون