حبِ احد غيري عسى الله يهنيك !
 

ارجوك ساعدني علشان اخليك
انا تعبت اسهر وافكر واحاتي

اعتقني ,, الله يعتق ايدي من إيديك
بروح ادور في حياتي .. حياتي

عمري ماهو بايجار ولا هو بتمليك
انا احبك لكن ... احب ذاتي

ماعاد باقي شي اعطيه واعطيك
ماعاد باقي مني الا .. سكاتي

حاولت اكون اكبر من الحق وارضيك
لكن رضاك .. اصعب من محاولاتي

كنت اتمنى اعيشلك منك وفيك
وصرت اتمنى ما تصير امنياتي

حبِ احد غيري عسى الله يهنيك
حبه .. ولكن لا تسوي سواتي

ماعاد يمديني واذا عاد يميدك
تعلم من اخطائي ومن صفاتي

اما انا ... اعرف ماني بناسيك
انا رجل مصنوع من ذكرياتي

لا عاد ترجيني ولا عاد ابرجيك
هذي حياتك .. وآنا هذي حياتي


سعّد علوش ,

صح ذوقك .. :)