ملتقى مدينة العيون - الحلقة الثالثة من حكايات لا تنسى مع ابو سعد محمد الحصحوص

نكمل معكم الحلقة الثالثة من حكايات لا تنسى مع الوالد محمد الحصحوص والسوالف أصبحت مشوقه ونود أن لا يتوقف الشيخ أبو سعد عن الحديث

http://www.aloyun.net/index.php?action=getfile&id=23534

http://thumbs.bc.jncdn.com/214225fbc...cd899bf_lm.jpg
http://thumbs.bc.jncdn.com/dea16ca2e...610179b_lm.jpg

الحلقة الثالثة
سلام عليكم
ومساكم الله بالخير..
شلونكم يا عيالي أن شاء الله أنكم طيبين وبخير...عسى ما تكون سوالفي جابت لكم الملل ..

نكمل معكم سالفتنا

ونقول الحمد لله والصلاة على رسول الله صلى الله عليه وسلم.

بعد ما قدمنا التابعيات لمكتب سليمان العليان

http://thumbs.bc.jncdn.com/08d96500b...5e014a2_lm.jpg
مكتب العليان (جي، سي ، سي) في الخبر انذاك

وعطونا اما 40 أو 45 ريال للواحد.وأخذنا الفلوس..
وقلت لهم أن خصموها عليكم زين وإن نسوها لا تقلون شي.
جلسنا حول الشهرين وبهدها ( فنش ) حمد بخيت وجلست لحالي..
وفي يوم قلت لريس العمل هو واحد (امريكي) . :
أنا أبغي (زام) آخر ليل .
قال: ليه؟ والكلام بينا عن طريق المترجم.
قلت: أنا لي هدف.
قال: وش هدفك؟
قلت: بحط لي (دكان) لا طلعت الصبح أروح سوق( القطيف) وأجيب بضاعة.
لأنه ما كان في( البدراني) شيً يذكر العالم تروح القطيف( تتقظى).
قال الأمريكي: (قود) ممتاز وانا ودي ان العمال ما يرحون( للقطيف) ويحصلون بضاعتهم هنا. والخشب حق (الدكان) علي.
وقال واحد غامدي: وانا اللي أسوي(الجبره)قلت: نجحت لا جاء الخير جا كله.
وبعد أسبوعين و (أنهدو) علينا الجماعة يطلبون الشغل؟
محمد سعود ، أحمد العويس ( أبو جمعة)، شافي البريك وغيرهم صرنا حوالي 12 نفر هـناك.
وحولنا أهل الجبيل (خوالد) ونعم فيهم رجال ثلاثة أيام ما نطبخ كله عندهم- حق الضيافة... رجال ونعم فيهم.وكلنا معهم في خيام.
اما العمال.. قالوا :
زين والله نوفر المشوار للقطيف لو الشي بريال وهنا بريالين أحسن لنا.
وما شاء الله 500ريال راس المال وصار المحصول في الشهر 1800ريال ، صرت تاجر...
وصارت جلستي وقهوتي في (الدكان).
وشغلنا وش هو (بيب) الزيت الكبير ننظف (السنة) حقته ( بالبروش ) والزيت ولا تعبنا دخلنا في (البيابات) و(رقدنا).
وجلست ثمانية شهور في البدراني ما تعديتها إلا أروح القطيف وأجي..وفي يوم دخلت سوق القطيف، إلا وهذه (حملة السليم) جاية في السوق.
أعيال السليم ومعهم علي الفالح العمر و عثمان الكليب و علي أخوه والظاهر خليفة الصالح الكليب كان عنده بعير..
أنا شفتهم وعرفني علي الفالح.
وقال : محمد !!! أخوك /فهد ( يدورك) وأنت هنا.؟
وأنا طول المدة اللي راحت ما نزلت العيون من يوم طلعت ورحت أبقيق أول مره.
تقدر تقول لي سنة ونص ما جيتها وأخر مره شفت فهد أخوي يوم يجي لبقيق قبل عشرة أشهر.
أييييييييه......
يوم قال الكلام هذا وطرت علي العيون قلت لازم أروح أشوف أهلي وربعي
بس كيف أترخص من الشغل فلازم أسوي حيلة عشان يرخصون لي
هذا وأنا أفكر وجات الفكرة أني أسوي مكتوب كنه جاي من العيون لي وفيه خبر ان ابوي توفى
وأروح لواحد معنا في الخيام أسمه (ناصر) وهو رجال يكتب..
قلت: يا ناصر أكتب؟
قال: وش أكتب؟
قلت: أكتب لي (خط) وقل فيه:.
من العيون إلى محمد بن سعد الحصحوص.
يصل لمكتب سليمان العليان.
أن أبوك توفى ( وأنا أبوي وين من مات الله يرحمه) وتعال وأحصل على ميراثك من أبوك.
.وقلت : يا ناصر (وده) للمكتب.
المراد....جلست كم يوم ( احتري) يقلون لي جاك خط..ما جاني أحد.
وأروح بعد ثلاثة أيام للمكتب .
قلت: مافيه مكتوب جاء من العيون لي؟
قال: فيه واحد باسم محمد الحصحوص.
قلت: هذا أنا.
قال : تعرف تقرا ؟
قلت: لا أنت افتحه و أقراء علي.
ويفتح المكتوب ويقرا علي ويوم وصل لخبر الوفاة..وقف..
قلت: وش فيك سكت؟
قال: هاه.
قلت : كمل ليه ساكت ..المكتوب فيه شي؟
قال: أبوك (يطلبك الحل) وأخوك فهد يقولك (حول ) العيون عاجل عاجل.
وأنا (أجود) القميص اللي علي وأشقه وأصيح يالمسلمين يا المسلمين اه ه على أبوية أبوية راح..
وقام الرجال يصبرني ويقولي أذكر الله..الله يرحمه .
قلت: أنا بحوّل العيون.
قال : أنتظر شوي يجي الريس ويعطيك (معاشك،) والسيارة بتروح لأبقيق بتودي معاشات العمال في (قز تراب) أنت (ولّم) نفسك وتروح معها.
وأنا ما عندي إلا فراشي وأقوم وأسوى حراج على الدكان اللي ما عاد فيه بضاعة..ويبدأ المزاد وجاب لي فوق الفين ريال.وباقي فيه (أقلال) تمر القطيف بس.
وأركب مع السيارة رايحين أبقيق ومرينا على (غونان) ووصلنا (قز تراب) وحولني السواق ..
وقال: بودي المعاشات للعمال، أنت حول هنا ان لقيت سيارة ولا وأنا راجع في دربي أشيلك .
شوي وذاك (الدوج الحمر) والرفارف سود.

http://www.sptechs.com/emarket/thumb.../item73090.gif

ويوم (بند)
قال: وش أنت يا ولد؟
قلت: رجال.
قال: من أين جاي؟
قلت: من البر.
قال : وين تبغي؟
قلت: (كامب )العيون في ابقيق.
قال: من العيون أنت؟
قلت: ايه ، وبروح لأبوي حمد بن سعيد.
ولا هو أخو حمد بن سعيد أسمه راشد بن سعيد وأنا عرفته من يوم صار وجهي بوجهه..
قال: انتوا ياهل العيون كل الناس منكم وتعرفونهم ؟
وأركب معه و(سيده) على (كنب) العيون..إلا وهذا سالم العيد و سالم الحربي..
قال سالم العيد وين؟
قلت : العيون.
قال: حول هذه السيارة بتروح العيون مع أهل (الأوف)، وأخوك أحمد (وياهم)...
شوي ونركب معهم ونمسك الخط..ودخلنا العيون ونزلنا ودخلت بيت أبوي.الله يرحم أبوي وأمي ومرت أبوي بعد بنت السعدون الله يرحمها ونعم المرأه كانت حنونه علي أقدم من عيالها عندها ولاجا العيد كانت تقول لفهد أخوي يا فهد اشتروا لمحمد أخوك ثياب (سواحلي).جعلهم الجنة يا رب.
وأسمع صوت( لولايش) إلا أختي متزوجه من أحمد المرشد القرناس.
عاد يا عيالي ها لحين يوم رجعت للعيون..بسولف عليكم عن العيون أول...
بيت أبوي في فريج السليم(الفريج الجنوبي).اللي كان عند أخوي أحمد (الشيخ).
والناس أول في تعب وكد وجهد وخوف الواحد يخاف على نفسه وماله وأهله..وأهل العيون ذيابه من عمرهم وهذا ما يمنع ان الواحد يحرص و اللي قبلنا بنو سور يحوط العيون من كل الجهات وكل جهه فيها (دروازه) وحراس.
ودراويز العيون أربع دراويز..
هذه وحده وهي الكبيره عند السوق مدخل الديره

http://thumbs.bc.jncdn.com/1c08598c5...d958af8_lm.jpg

وين بيت (صالح السلمان الفجري الغريب) هذه عند عتبة بابه جنوبي (عين ريس)

http://thumbs.bc.jncdn.com/bbdb465e9...ad06fc7_lm.jpg.

ومقابل العين مسجد عين ريس وكان يصلي فيه عبد الرحمن حمد الربيع ،وكان (يوفي) على الناس وبعد كان (يملّك) بالمعاريس وبعد كان مطوع السليم(محمد بن عبد العزيز السليم) و يوسف حمد الدولة والشيخ خالد المطاوعة كلهم يملكون بالناس.

وثاني الدراويز عند المدخل الشرقي مع النافذ اللي يوديك للمسجد الجامع

http://thumbs.bc.jncdn.com/0dd066c67...4117f11_lm.jpg

وكان يصلي فيه الشيخ حمد المطوع وبعده الشيخ خالد ، اللي يخطب الجمعة بالناس ويصلي العيد وكانت صلاة العيد أول عند عين مرشد ، بالطليلة

http://thumbs.bc.jncdn.com/922a3ebec...bd1ad94_lm.jpg

جزء من طليلة ومقبرة طليلة
وبعدين راحو أخر الصراة طريق القطار.(مقابل بيت أحمد الخالد السليم)

http://thumbs.bc.jncdn.com/bba09da37...3ba7360_lm.jpg

موقع صلاة العيد على طريق القطار

تطلع الحريم والرجال والبزران ، اللي يمشي واللي على حماره ..أيه يالله حسن الخاتمة..أيام راحت.
والمسجد الجامع كان له منارة وكان اللي يأذن فيه( حمود المذن ) حمود الفزيع ابو عبد الله اللي يشتغل في البلدية ،ولا رقى المنارة وأذن باقي المساجد يأذنون بعد وكان يسمعه اللي في القطار...

والدروازه الثالثة جنوب مسجد مطوع السليم بين بيت سالم المياح و مطوع السليم.
http://thumbs.bc.jncdn.com/7af2e77c1...11cecbe_lm.jpg

.ومسجد السليم توه مسوينه ذاك الوقت.

http://thumbs.bc.jncdn.com/0b2fdd35e...bd32fd8_lm.jpg

والدروازه الرابعة عند بيت الثنيان اللي كان ورشه قبل شمالي الديرة.

http://thumbs.bc.jncdn.com/d3d411cc0...aee3aa9_lm.jpg

وهالدراويز عملت وقت الحروب وهي من برجين طول الواحد منهم عشره أذرعه وأبوابها كبيره تفتح مع الفجر وتسكر بعد (صلاة الأخير) ويدخل عليها الماشي واللي راكب حمار او بعير ما ينزل يدخل فيهم ..أنا لحقت عليها كلها.
وعلى كل دروازه مسؤل من أهلها وقدام البوابه جلسة يمين ويسار البوابة.
وأخر دروازه طاحت درواة الشرق اللي مدخل الجامع من شرق..الله كأني أشوفه الحين).
وكل الدراويز يوضع فيها (نعش) اثنين او ثلاثة إلا دروازة السليم كان فيها مجلس (مربعة) والناس تجلس فيها.

وكان عند بيت سالم العثمان الجاسم
http://thumbs.bc.jncdn.com/668c93265...e3f99c4_lm.jpg

اليوم برج يقال له برج (مشعل) ومشعل هذا هو ابو صالح المشعل اللي في( الحصيمة) وكان يرقبون من عليها وكان رفيع.
أيه الله أيام...و(طليلة) هي مقبرة الناس أول الناس ما تدفن إلا فيها وطريق( العقير) اليوم جزء من المقبرة أول.
http://thumbs.bc.jncdn.com/b8fba56d0...dbad92c_lm.jpg

الرشادة
أما( الرشادة) دفنو فيها وقت الطبعة تعرفون الرشادة مرتفعة والطبعة أستمر المطر فيها سبعة أيام ليل ونهار وما وقف وأنا توي صغير عمري9 سنوات والناس في الديره طلعو سوا لهم (كرفيات) في( الرفاع) وكان أول طعوس ما فيها شي.
وتشوف الناس تطلع من الديره وهي تسبح سباحة وكان الله يرحمهم علي العثمان و حمد العثمان الكبيسي يسبحون من الديره إلى الصراة عند بيت سالم الهزاع(الشمري) جعلهم الجنة عندهم مثل القارب يشلون الناس وأغراضهم ويطلعونهم فزعه وحب لثواب الله... يجزيهم خير بالجنة.
وفريجنا رفيع لكن طلعنا خوف يطيح علينا السقف من كثر المطر..والمزارع ما يعرف الواحد نخله من نخل جاره من كثر الماء اللي وصل للسعف وفي هالسنة ماتت أمي ودفنوها في الرشاده و سالم البخيت الصالح بعد.

تدرون نكمل معكم الأسبوع الجاي أن شاء الله
يالله سلام عليكم.

وهنا نورد لكم معاني بعض الكلمات التي وردت في حديث أبو سعد

( فنش ) فصل استقال وهي كلم أنجليزية finish
( زام ) فترة أو وردية عمل
( تتقظى ) يشتري
( قود ) جيد وهي بالأنجليزي good
( الجبره )السوق
( أنهدو ) أتوا وقدموا
( بيب ) ماسورة وهي كلمة أنجليزية pipe
( السنّة ) الحفر والنتؤات الموجودة في راس الماسورة والتي يربط بواسطتها امع آخر

http://dunham.thomasnet.com/ImgMediu...e%20thread.jpg
( البروش ) فُرشاة يدوية وهي كلمة أنجليزية brush
ولتنظيف المواسير يستخدمون من الفُرش ذات الأسلاك معدنية
http://www.ultimatehandyman.co.uk/DI...wire_brush.jpg

(ا لبيابات ) جمع كلمة بيب مواسير
( يدورك ) يبحث عنك
( خط ) رسالة
( وده ) أرسله
( احتري ) أنتظر
( يطلبك الحل ) كلمه تعنى الوفاة ويطلب من المستمع ان يسامح المتوفى
( أحوّل ) أذهب إلى العيون ونقول بعد ( أنزل ) أي أروح العيون
( أجود ) أمسك
( معاشك ) مرتبك
( ولّم ) جهز -أستعد
( أقلال ) القلة :
وجمعها (قلات) أو (جلات) أو (قلال) وهي الأوعية التي يوضع فيها التمر، وتسمى وهي فارغة بـ ( الظروف )، ويبلغ طول سفتها 7 أبوع أو 14 متراً، وتتسع لـ 32 كيلو من التمر، واذا وزن التمر ووضع في القلة تسرج من أعلى أي تربط بهيئة معينة حتى يمكن التعرف على نوعية التمر الموجود بها دون أن تفتح، وبعد أن يؤكل ما بها تكبس على بعضها من أعلى إلى أسفل وتستخدم للجلوس عليها وتسمى ( خصفة )

( حملة السليم ) حملة كانت على الجمال تنطلق من العيون إلى القطيف وكان أكثرهم من أسرة السليم ومعهم غيرهم من أهل العيون
( قز تراب ) أسم لأحد مواقع حفر الزيت
( غونان ) مركز غونان وهو أول مبنى رسمي يوصل بين الظهران وبين العضيلية والاحساء وموقعه بين العزيزية وشاطئ نصف القمر
( الدوج الحمر ) دودج ( بالإنجليزية: Dodge ) هي شركة سيارات أميركية تأسست عام 1900 في ديترويت، ميشيغان تحت مسمى شركة الإخوان دودج. أول سيارة أنتجت بالكامل من قبل الشركة كانت عام 1914.كلمة دودج تعني خدعه وتمتاز دودج بواجهتها اللتي تميل إلى التوحش والتي تمكن ناظرها من ان يميزها عن اي شركة سيارات أخرى تقوم دوج
( بنّد ) توقف وهي مأخوذه من كلمة أنجليزية band وتستخدم في النت كثير نقول عطاه باند يعني وقفه
( كامب ) حي من الأحياء السكنية أو موقع تجمع سكني وهي كلمة أنجليزية camp
أي المخيّم لأن سكناهم قديما خيام ومن ثم صنادق وعقب بيوت ومع كل المراحل بقيت مسماها الأولاني
( الأوف ) الإجازة وهي مأخوذة من الأنجليزية off
( سواحلي ) ثياب قديمة للمناسبات نوعية خاصة لجودتها
( لولايش ) صوت تخرجه النساء بواسطة الفم ويكون عند المناسبات السعيدة. بالمصري زغروطة والكويت يبّاب
( دروازه ) بوابة
( يوفي ) يقرا القران الكريم على المريض
( يملّك ) يعقد النكاح
( عين مرشد ) من عيون المياه الشهيره بالعيون هي تقع بجانب مقبرة طليلة .
( صلاة الأخير ) صلاة العشاء
( مربّعة ) مجلس مربع مفتوح السقف
( الحصيمة ) حي من أحياء العيون
( طليلة ) من مناطق العيون القديمة ويقال أنها هي العيون القديمة قبل الديره
( العقير ) ميناء تاريخي
( الرشادة ) منطقة من مناطق العيون وهي مرتفعة وتقع غرب بلدية العيون
( كرفيات ) طاولت أو منصات مرتفعة
( الرفاع ) اسم يقصد به الجزء الشمالي من حي المعيزل
( أترخص ) أستأذن

أي كلمة لم تعرفوا معناها ولم نوردها في الشرح علموني وأنا أخبركم