ملتقى مدينة العيون - %":":% من عز نومي %":"%

هاي صبايا وشباب

أثناء تصفحي لجهازي لقيت قصيدة الصراحة أنا تأثرت فيه حيل

وربي أنها محزنة وهالقصيدة من كلمات الشاعر المعروف

فهد المساعد وربي يحفظه ولا يحرمنا من جديده

قروها وابدوا رأيكم في هالقصيدة

من عز نومي صحيت وشفت في عيني
دمعي تهادى على جفني وأنا غافي
سترت دمعي بكمي قبل يغريني
وأخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا الأوصاف هي أوصافي
امشي وأقول لطريقي لاتوديني
لعيون ناس تبي تدري عن الخافي
أمانتك خلها مابينك وبيني
خابرك يادرب خوت عمر وسنافي
ما ودي ناس تدري وش يبكيني
كرامة النفس ورث أبوي وأسلافي
أمشي وأحس الخناجر في شرايني
والبرد يمشي وراي وينعش أطرافي
وحيد والليل بردونه يغطيني
تقول كن البلد روح بهالسافي
الين ماوحيت له صوتن يناديني
صوتن اعرفها مثل ماأجهل وش خلافي
قمت أتلفت وأنادي لاتخليني
مااغيرهالصوت هذا صوته الدافي
ولمحت زولك من أقصى الدرب لافني
ماادري وش اقول بس حي هالفي
تعال شفت غيبتك كيف أثرت فيني
تعال شفني كيف اغرق عقب مجدافي
تعال خذ بي ورح بي من عنواني
تعبت اعد بك على جمرك وأنا حافي
تعال اقطف بصوتك زهرة سنيني
كل المواعيد عقبك شمعه طافي
تعال وأزرع خصل شعرك بكيفيني
بضمه لين أحس بليلك الضافي
تعال وش فيك خايف أنت ناسيني
قطعت صوتي عليك وطال ميقافي
حتى بديت اشعر أن الحب معميني
وان أنت حلمن عثا فيني وانا غافي
لكن امانة ترى اللي في كافيني
أن رحت منك كذا ما رحت متعافي
بصدق الحلم واحذر لا تصحيني
في خاطري كلمتين أن قلتها كافي
امانة الله عليك ان غبت عن عيني
لايكون قلبك مثل قلب زمن جافي
مع كل دمعة تذكر رعشة يديني
ومع كل ضحكة تذكر قلبي الوافي

والسموحة على القصور