ألا ياطير
 

ألا ياطير

ألا ياطير وش صحاك بدري
عسى ماتشتكي بلوى غبينه

تنوح الورق وأنعاها يجري
يجر الشوق ويبح كنينه

جرحني ياحمد قنديل ذري
جميل بالحسن نور مدينه

قابلته ياحمد صدفه يشري
نهب قلبي وخلاني سجينه

شرح قلبي قبل شرح المقري
وسرحني بلا عقل وسكينه

طعن قلبي بنظراته وفري
على الشريان وألحق به تنينه

خفيف الدم معموله شمطري
يفوق الورد في لونه وزينه

حبيبي لا مشى والوقت عصري
تشوف البرق يبرق من جبينه

أتيه واتبع البارق تحري
أثر نور القمر لافي زبينه

بلاي ورع تعند وأستقري
على الشريان أرساله سفينه

تعرف الحب وعن بلواه تدري
أبي منك النصيعه والعوينه

حاولت أجوز وأعلنها تبري
ولكن بالحشا باقي حنينه

أحب الزين واعشق مايسري
وأحب اللي يبادلني رطينه

حياتي من حياة الشوق عمري
حمر حنا زهى راحة يمينه

نقش اسمه على صدري وخبري
أبو أربع وعشر من سنينه

يجيني في خيال النوم يسري
وضم الزين والريحه خنينه

الشاعر: سعود بن احمد العواد

صح ألسانك
قصيده قمه في الروعه والجمال

صح بدنك ماقصرتي