|
صور قاعات كلية الآداب للبنات بالاحساء مع تقرير ينفي كشف الطالبات
بسم الله الرحمن الرحيم رصد ومتابعة / سعيد الدوسري ( الإحساء نيوز ) احتجت عدد من طالبات كلية الآداب التابعة لجامعة الملك فيصل في محافظة الإحساء في رسائل الكترونية بعثن بها لصحيفة ( الإحساء نيوز ) على نظام الساتر العاكس في ستوديوهات قاعات القاء المحاضرات المخصصة لإلقاء الدكتور محاضرته على الطالبات في مبنى الكلية الجديد الذي تم نقلهن له مؤخرا في حي السلمانية الجنوبية وكشفن لـ ( الإحساء نيوز ) أن الساتر العاكس ضعيف ويكشف الطالبات أثناء القاء الدكتور محاضرته في 10 ستوديوهات جديدة موزعة على ثلاثة مباني ضمن مشروع الكلية الجديد ، فريق المتابعات في ( الإحساء نيوز ) توجه الى مبنى الكلية الجديد بالتنسيق مع إدارتها لنقل الحقيقة بالكلمة والصورة وتجول في مباني الكلية الثلاثة وداخل قاعات القاء المحاضرات مصدر الاحتجاج برفقة فريق من إدارة المشاريع بجامعة الملك فيصل كان متواجد هناك أثناء زيارة الفريق وخلصت الجولة التي أمتدت أكثر من ساعتين الى أن كافة محتويات مباني الكلية الثلاثة الجديدة عبارة عن صرح علمي كبير أحدث نقلة نوعية واسعة في تاريخ الكلية منذ تأسيسها أذا ماقورن بفرعيها السابقين بالقرب من إدارة المرور وهيئة الهلال الأحمر ، ووقف فريق ( الإحساء نيوز ) على مصادر الشكوى في قاعات القاء محاضرات الطالبات والأستوديوهات المرفقة بها والتي يستخدمها المحاضر لإلقاء محاضراته على الطالبات وتنقل الفريق بينها بحرية مطلقة ولم يلاحظ أثناء الجولة مايؤثر على خصوصية الطالبات أوكشفهن أثناء تواجدهن في القاعات فترة القاء المحاضرات كما جاء في شكواهن الموجهة للصحيفة ، كما تم ملاحظة دقة التحكم في مفاتيح إضاءة القاعات بوجود غطاء زجاجي مقفل يتم التحكم فيه من خلال إدارة الكلية أو مشرفة القاعة قررت إدارة الجامعة استبداله بغطاء آخر من نوع " السلستيل " بعد عبث بعض الطالبات به وتكسيره لكي يتمكن من إضاءة القاعة بالطريقة التى تعجبهن وفي الوقت المناسب للشوشرة على زميلاتهن في القاعة . ومن جهته أستغرب وكيل جامعة الملك فيصل الدكتور محمد العمير ما أثير حول قاعات محاضرات الطالبات في مبنى الكلية الجديد ، ووصف إدعاءات بعض الطالبات بإمكانية كشفهن في القاعات بسبب ضعف الساتر العاكس بأنها إدعاءات واتهامات غير صحيحة ، موضحا أن ذلك لايمكن أن يحدث في ظل الجهود المبذولة من قبل إدارة الجامعة وتذليل كافة الصعاب التي تعترض الطالبات والمسيرة التعليمية ، وأكد الدكتور العمير ان المبنى الجديد يستوعب اكثر من 6 آلاف طالبة ويضم عددا من القاعات الدراسية المجهزة بأحدث الوسائل التعليمية مشيرا الى ان الجامعة دعمت المبنى الجديد للكلية بعدد من أعضاء هيئة التدريس وأحدثت نقلة نوعية في ذالك . مشيرا الى أن مباني الكلية لازالت تخضع للمزيد من التجهيزات وبعض الإضافات قبل الحكم عليها . وتمنى الدكتور العمير لكافة الطالبات التوفيق في مسيرتهن التعليمة والا ينساق بعضهن وراء الإشاعات المغرضة التى تؤدي الى البلبلة والفرقة . أترككم مع الصور من تصوير الأخ العزيز سعيد الدوسري http://www.hasanews.com/infimages/my...fbdc5a18bf.JPG مبنى الكلية 103 http://www.hasanews.com/infimages/my...fbdc6c89b7.JPG لوحة تنبيه من إدارة الكلية . http://www.hasanews.com/infimages/my...fbe417470a.JPG http://www.hasanews.com/infimages/my...fbe42cc201.JPG إحدى ستوديوهات قاعات المحاضرات المخصصة لإلقاء الدكتور محاضرتة على الطالبات . الحاجز الزجاجي بين الدكتور والطالبات إثناء المحاضرة . الحاجز الزجاجي يكون واضح في حالة إطفاء الإنارة داخل القاعدة. النوافذ مغطاه بشكل كامل لمنع دخول النور وكشف القاعة. الأبواب ايضا مغطاه بشكل كامل لمنع دخول النور وكشف القاعة. غطاء وحماية على مفتاح التحكم بالإنارة . مفتاح التحكم بالإنارة وقد تم كسر غطاء الحماية من قبل الطالبات. http://www.hasanews.com/infimages/my...fc08933c99.JPG http://www.hasanews.com/infimages/my...fc0f7ddf45.JPG المبنى من الخارج . باب دخول الدكاترة للقاعة من خارج المبنى . النوافذ مغطاه بشكل كامل من الخارج ولاتعكس داخل القاعات . داخل الحاجز الزجاجي الخاص بالدكتور أثناء القاء المحاضرة على الطالبات . لا يستطيع الدكتور رؤية داخل القاعة في حالة إطفاء الإنارة الداخلية. نقلاً من صحيفة الاحساء نيوز الالكترونية على هذا الرابط ..[/CENTER] |
حياك الله ياكوكتيل
جبت موضوع ينفي حكايه اخذت اكثر من حقها واللي عنده عقل ماينقله هنا وهناك بس لمجرد النقل وانت الان تسد هالاشاعه تحياتي لك وشكرا للنقل |
واضح أن الصور تخص قسم الدراسات الإسلامية ..
أنا عندي زوجة أخوي تدرس بالكلية قسم ............ .. تقول إنها يوم جات تشارك أشر عليها الدكتور ،، وعندي وحدة ثانية ثقة .. تقول كل ماقامت لف الدكتور وجهه يطالع جهتها ,, وسألوا الدكتور تشوف ؟؟ قال : لو أشوف مادخلت عليكم ... اتمنى انهم يختبرون المباني كلها مو قسم الدراسات فقط .. ،،،،،،،،،،،،،،،،،،،،، بصراحة يشوفون وإلا مايشوفون هذا في ذمة أصحاب الكلية وهم المسئولين عن ذلك أمام الله تعالى .. ودرء المفسدة مقدم على جلب المصلحة ,,ياليت يشيلونها ويفكون الناس منها .. ومش عدلة البنات يقعدون على أعصابهم .. يشوف وإلا مايشوف .. الله يستر على بناتنا في الدنيا والآخرة .. ــــــــــــــــــــــــــــــــــ |
http://www.hasanews.com/infimages/my...fc17143bad.JPG
الحاجز مفتوح من فوق .. معناه أن هناك إضاءة تخرج قليلا من المكان اللي فيه الأستاذ وبالتالي أي بنت تكون جالسة في المقدمة يكون عليها جزء من النور وبالتالي تكون مكشوفة .. والله مايندرى عنهم //// ومانبي نظلم أحد .. |
مستحيل الدكتور يشوف القاعه كلها ظلمه وماحد يقدر يتحكم بالاضاءه الا المسؤلين لو يشوف كان دقق على كل حركه تصير داخل القاعه !! وشوق صدقيني الدكتور يسمع مصدر الصووت لان الحاجز هو اللي يفصل بين القاعه و الدكتور وكل اللي يصير بالقاعه يسمعه من غير مايشوف .وهالشكل من القاعات مستخدمه في بعض من الجامعات في الاحساء وش معنى الكلام ماطلع الا على كليه الاداااب !!!!!.. الموضوع صار واضح مالا دااعي كل ذا التشويش والاشاعات |
ملاك أنا أعرف أنك من طالبات الكلية هذي ..
وكلامي هذا السابق ... وعندي وحدة ثانية ثقة .. تقول كل ماقامت لف الدكتور وجهه يطالع جهتها .. قامت وربي بدون اصدار أي حركة ولا صوت لنعالها (الله يكرمك ) وفيه دكتور جديد سألته المشرفة يادكتور تشوف قال اي وبعدها قال : لا ماأشوف ..(كلام وحدة اعرفها معرفة شخصية حاضرة الموقف ) |
طيب مافيه حريم يحاضرون ؟؟؟؟؟؟
عندنا فائض جبار من المتخرجات جالسيين |
يعني معقوله بيحرصون ع قسم الدراسات والاقسام الثانيه لا !! المباني كلها بتصميم واحد وهي اول الدراسه كانت مرقمه فقط
يعني ماحددوا الاقسام الا في النهااايه ....! الدكتور ماراح يشوف الا في حالتين اذا كان الزجاج عادي مو عاكس او اذا افتحوا الاناره وكل ذا مو موجود ..! والله ياشوق ان البنات في المحاضره يختبرون الدكتور يشوف اولا وياكثر الحركات اللي سووها تلفت الانتبااه والدكتور عيونه ماتحركت ومستمر في الشرح !!! والصور اللي نزلها اخونا تثبت هالشي .. |
ربي يسلمك على النقل
|
شكرا على التوضيح
|
الحقيقه بدال مانطور نرجع ورا ماسمعنا هلمشاكل من قبل فب المبنى القديم نسمعها الحين وتكنلوجيا وصلت مستوا كبير ولجماعه على المنيم وتضليل متشفون النه تخلف الدوله ماتقصر لاكن الله يهديهم ويشيفون ماهو المنيم \وتضليل \وليت مطفي\ شلخبطه وين احنا فيه يكشف ثم يكشف ثم يكشف ولي رضاها عليهم بيرضاها ان يكون الحاجز المذكور حاجز صالت بيتهم على الشارع اوحتى غرفته على داخل البيت مستحيل ومافيه الى الخوانه مابالك الغريب تراها نفس الشى مش مقبوله حرام وكلام فاضي الله حسيبهم[
|
بصراحة هذا الشئ يحتاج الكثير من الاهتمام
بصراحة كشف ما يجب ان يكون مغطى حرام اذا لازم وبكل اهمية النظر في ها الموضوع والله يستر على بناتنا بصراحه احس ان الصور كاشفة ومسئلة إضاءه وما إضاءه هذا لا يحل القضية هذا المشكلة يعين رجال في مكان نساء في عندنا بنات ومتخرجات وامتياز لكن مع الوقف مثل الي تروح لمستشفى تدخل على دكتور مع وجود الدكتوره الله يستر عليهم بس |
طيب حتى لو كان هذا الساتر غير مكشوف اليس من حق الطالبات المتابعه مع الدكتور عبر الملزمه او الكتاب
اكيد انه في اشياء ومعلومات لابد لنامن تدوينها او تأشير او غيره :sm135:... يعني كيف نقدر نعمل كل هذا في الظلمه !!!:sm221: انا الحمد لله لست من طالبات هذا الكليه لكن والله نقلا عن صديقتي انها تقول ان بعض البنات يعانون حقا من هذه المشكله لدرجة انهن يقمن بتشغيل اضاءة الجوال لكتابه مايريدون ,وايضاًاحداهن جايبه معاها ليت صغير(بجلي)وجالسه في الخلف تدون ماتريد وغيرها تخبرنا ان النوم يلعب فيهم لعب :sm6:(اكيد ظلمه مانلومهم :sm286:)وغيرها وغيرها قسم اني سمعت اشياء تموت ضحك عبر هذا الموقف لكنني اكتفي بذلك(شيء مضحك الصراحه لكن وش نقول >>> العلم نور يانااااااس العلم نور لكن !!! مانبي ندرسه في الظلمه .... :sm55: |
اقتباس:
|
انا امس شايفني دكتور ==
اولا تصويرهم هذاا كان بالليل ... ثانيا من قال ان اللمبات ممنوع احد يشغلها ومغطاه والله في قاعات لافيها غطا ولا شئ ولا اثر لغطى عشان نقول البنات فاتحينها وتجي المراقبه تجننا تشغل اللنوور قبل لايجي الدكتور القاعات الي يصير بابها ورا صحيح انها بتكون امنه بس الي بابها جنب الدكتوور مره فاضحه اصلا دايم لما نطل من عنده لما تكون غرفته زي فيها زاويه مايله ويكون الباب مفتوح نشوووف البنات يصير واضح ولازم ينفتح باب القاعه اولا مليون بنت تجي تفتح الباب وتمشي لا بعد امس في بنت جلست تتزين ع الباب لانه عاكس صورتها والبنات يصرخووون سكري سكري ماعرف ايش يسموونها هذه؟؟؟؟؟ وصعب يقفل الباب لان في بنات يطلعوا لضروره في بنات يتاخروا لضروره وكل مافتحوا الباب الدكتوور شاااف اصلا الدكتور جلس بالارض قال عشان افك نفسي وماتقولون لاتشوووف لابعد مره قالوله لف وجهك بنفتح الباب هع هع مارضا قال طفشت قال احسن لكم تفكوا الحاجز وتجلسوا بعباياتكم المشكله ان المراقبه بس يقول الدكتور خلااااص تطلع وتفتح الباب والبنات كلهم يطلعوووون والدكتور يشوووف البناااااااااااااات زي ماصار امس نسينا الباب ومافي الا كم بنت جالسين يسالون الدكتور وانا بقيت بعدها لما شبع وشاف وجاء بيطلع قال بنات ع فكره انا شايفكم من ورا الازاز !!!!!!!!!!!!!!!!!!!!!!!!!!!!!!!!!!!!! واول اسبوع كان بعضهم يبينون وشافهم الدكتور حتى بالظلام فدبلووو القزاز والمشكله ان الدكاتره مصاااخه مثلا مررررا اول يوم البنات نسووا مشغلين اللمبات جاء الدكتور وقال انا شايفكم وترا مو كلهم يقولوا بعضهم يجلسوا ينبسطوا البنات صرخووا ونزلوا تحت الطاولات قالوله اطللللع يجي ينزل راسه عليهم يطالعهم ويقول ها؟؟؟؟؟؟؟؟؟؟؟؟؟؟ يقولوا اطلع عشان نقدر نسكر اللمبات لاامل لمن تنادي == ترا بعض الدكاتره يمشووون وراا الصوووت ويطالعون مكان البنت والله عندنا دكتور يطالع البنت بعيووونها مرررررررا يخرع بس اضن كذا يتخيل ويمكن قاعات وقاعات ماعرف هو النظااااام حلووو بصراااحه وطالعه الكليه حلوووا واحسن من التلفزيون الاول == بس يبي له شوووية حرص مثلا طلبوا مفتاح للباب واقترحوا ستتااره ومفاتيح الاضاءه مو كلها مغطيه وبصراحه في دكاتره يرتبكون لما يطالعوا نفسهم خخخخ كانه مرايا والله واضح الارتباااك سوري طولت وشكرا |
| الساعة الآن 03:33 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون