لا تسقي العير
 

لا تسقي العير

لا تسقي العير قبلك يتركك ويروح
بعدين تندم ولا جاب الندم فاده

أحذر تشرب احمارك والحبل مفتوح
تموت في البر ما مروك رواده

بعض الرجاجيل مثله بالردى مقبوح
كلب تربيه يعضك لا فقد عاده

ياكثر نكاره المعروف والمصلوح
ياكل وينكر يذبحك كثر زباده

يشره مايشره قوي الوجه مرشوح
ينسى الجمايل وينسى فزعه ازناده

رجال اسمه ولكن كالحطب واللوح
مثل المعاميل قهوه مابها أقناده

بعدين بعدين في يوم البكا والنوح
كل يحصل نصيبه قدر زواده

ماعاد ينفع لاجل الاجل بالروح
بالخير والشر يحاسب كل عباده

الشاعر/سعود بن احمد العواد

صح منطوقك
قصيده رائعه

ياكثر نكاره المعروف والمصلوح***ياكل وينكر يذبحك كثر زباده

صح بدنك