|
تنبية لكل أعضاء الملتقى
السلام عليكم
يا إخوان بارك الله فيكم أود تذكيركم بشي لصالحكم الدنيوي والآخري وهو أن بعض الناس يكتبون في المواقع أشياء فيه قذف وسب ويمكن تكفير هذا الأمر فيه إعتداء على أشخاص يكتب أسماؤهم من أشخاص يحسبون أنهم في مأمن بأن يكتبون هذه المشاركات بأسماء وهمية أو معرفات رمزية . وهذا ظلم وجرم شرعي وقانوني ومن الناحية الشرعية الله كفيل بهم لأنه يراهم ويعرفهم وسينتقم منهم بكل تأكيد ومن الناحية القانونية أقول لمن يكتب خلف الأجهزة ويظن أن ليس لأحد المقدرة بمعرفته وهذا طبعا خطأ لأن بلاغ واحد للشرطة كفيل بأن تقوم الحكومة بإحضار الكاتب خلال وقت قصير جداااااا أو بلاغ في هيئة الأمر بالمعروف والنهي بالمنكر أو بلاغ في هيئة الإتصالات وبوابة الإنترنت السعودي هل تعرف أن هناك شي في السعودية شي إسمه الشرطه السعوديه الالكترونيه هو جهاز أسسته الحكومة لإستقبال البلاغات من الناس لأي شي يرون أنهم ظلموا فيه أي مخفر للشرطة في أي مكان يستقبل هذه البلاغات ومن يريد ان يعرف أكثر عنها فقط إكتب في قوقل شرطة الانترنت في السعودية وشوف أن الشرطة قاموا بتتبع كل من قام بعمل شي يخالف النظام وقد تم التبليغ عنه اللي سرق إيميلات جابوه اللي هكر على مواقع جابوه اللي يقذف خلق الله جابوه اللي يكفر الناس جابوه اللي يتجسس على أجهزة الناس جابوه أي شخص يقدم بلاغ رسمي على أي شخص سوى شي مخالف بيجيبونه وهو سهل جدا للحكومة وفيه ناس مسوين حالهم أذكياء يروحون في محلات إنتر نت ويكتب اللي يبي ويقول أن الحكومة ماراح تصيده لأن المكان عام وهذا من قصر نظرهم غلط وفيه أدلة في العيون على كلامي والناس ماهي عرضة لكلام واحد مايخاف الله لأن لهم حق ورب العباد كافل حقهم لأنهم ظُلموا والحكومة لها يد قوية جدا في كشفهم وردعهم فياشباب ربي يحفظكم لا تودي نفسك لخرابها مع الله ومع الحكومة ومع الناس |
والله انك صادق يابوطلال هالفئه من الناس انتشروا كثير وانتشر الي يكتبونه من سب وقذف واتهام بالباطل بدون حسيب ولارقيب ونسوا الرقيب الاكبر سبحانه وتعالى انه قادر بعظمته وجلاله انه يفضحهم او يبتليهم باعظم المصائب المصيبه صارت تنتشر هالاشياء باسرع وقت خصوصا مع وجود الواتس قصص واكاذيب ونشر كلام باطل بهالواتس او حتى لو كانت صدق لاتكون الفضيحة هي الحل الاول والاخير ونشر القصص والخلافات والاحداث في وسائل الاتصالات والمصيبه كل المصيبه انهم يكتبون اخر الرساله دعاء على الي مايساهم في نشر هالرسالة وفيه من الجهال من ينشرها خوفا من ان يصيبه الدعاء جزاك ربي خير بوطلال على هذا المقال الطيب والذي يستحق النشر للمصلحة الدينية والدنيوية وفي ميزان حسناتك يارب آمين |
القذف والسب أمر مرفوض , والتحاور والتناقش بعقل هو الرقي والأدب .
بعض الناس يضيقون من تصرفات بعض الناس ولا يجدون غير المواقع للتنفيس وهذا غلط . وفيه ناس يستحقون التوبيخ لكن ما فيهم فايدة وامرهم عند ربهم . واتمنى من ابو طلال إذا شاف تجاوزات في الردود في ملتقى العيون فعليه أن يحذر العضو ويقوم بحذف مشاركته , إبقاء الرد المخالف معناه إن الملتقى راضي عن التجاوز. موضوع في محله وهادف . الله يصلح الجميع . |
وازيد على كلامك اخوي بو طلال حتى لو كان خارج السعوديه راح يتم تتبعه والقبض عليه من خلال الانتربول وحتى الي يسوي نفسه ذكي ويغير الـ ip بالبرامج هذا ماينفع لن هيئه الاتصالات مسيطره على كافه اتصالات الـ vpn معلومة مهمه لهاذي النوعيه من الناس : مسامحه الناس لك وعدم تقديم بلاغ رسمي على الاشياء الي تسويها مايعني ان الحكومه ماتقدر تجيب راسك :155: |
|
الله يجزيك خير ..
تنبيه هام ، والمفروض الواحد مايعاند ويسوي هالأشياء ولايصير جبان ،، إذا عندك شيء قوله للشخص المعني ولاتتخفى .. |
وَ مَا مِن كَاتبٍ إلاَ سَيَفنىَ .. وَ يبقي الدَهرُ مَا كَتَبتْ يَدَاهُ
فلاَ تَكتٌبْ بِكفِكَ غيْرَ شيءٍ .. يَسرّكَ فيْ القيَامَةِ أنْ ترَاهُ انشهد |
وانا اشهد ياتباريح فديتك ويعطيك العافية ياابوطلال تراك جبتها صح بارك الله فيك وابدعنا بجديدك
|
| الساعة الآن 03:30 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون