|
أين كبارية العيون أين رجالها الآن مايحبون إلا أنفسهم مايحبون التطورات لمدينة العيون أين الغيره على مدينتهم
(بسم الله الرحمن الرحيم)
(الحمدلله والصلاة والسلام على رسول الله وعلى آله وصحبه أجمعين) (مع التحية إلى شباب ورجال أهالي مدينة العيون المعروفين في كل مكان) السلام عليكم ورحمة الله وبركاته. وبعد. حبيت أتكلم عن تطوير مدينة العيون من جميع النواحي بشكل عام؟ التي تضررت منها جميع المسلمين والمسلمات مع أطفالهم . ولاحظت على كبارية البلد ورجال الأعمال في العيون مايحبون التطور لمدينة العيون ولا يتكلمون مع المسؤلين ولا يخاطبونهم بخصوص تطوير مدينة العيون. بل يتكلمون لمصالحهم الشخصية فقط عن بيع أسهم وأراضي وسيارات وغيرها. ماعندهم غيره على مدينة العيون همهم أنفسهم نفسي نفسي وهذه مدينتهم معروفه. (حسبي الله ونعم الوكيل) وأفيدكم عني أنا شخصيآ أنني سبق كتبت في الجرايد من أجل تطوير مصلحة مدينتنا الغالية . (مدينة العيون) وليس مدحآ في نفسي (لا) بل فيني غيره على مدينتي المعروفة وبدون راتب مكافئة بل أعملها لوجه الله سبحانه وتعالى هذا يكفيني عن المال نهائيآ. وهو للأجر والثواب من عندالله سبحانه وتعالى. ياأهل العيون إللي معي واللي ضدي كلــــــــكم تمونون علي وأنا أنتظر منكم أرائكم وَوجهة نظركم هذه مافيها زعل وكلمة الحق تنقال وبدون زعل وبدون مجاملات ، بس تمنيت أني ماأزعل أحد فيكم بكلامي هذا، وهذا موا من أخلاقي وتربيتي ، ومهما أختلفت الاراء لاتفسد للود قضية هذا مجرد موضوع حبيت أناقشه مع أهل ديرتي ونتبادل الاراء فيما بينا من غير تحيز وتنافر وياليت نكون قلب واحدآ ويد وحده لنطالب بتطوير مدينة العيون عامة فقط ، (والحساوية مهب أحسن منايطالبون بتطوير مدنهم وقريتهم وينفذ طلبهم بشكل سريع) وش رأيكم في كلامي صحيح أم غير صحيح أفيدوني جزاكم الله خير الجزاء وجعلها في موازين حسناتكم أنتم فيكم الخير والبركة ياأهل العيون. وموفقين بإذن الله لكم مني أجمل مليون تحية ياشباب العيون أنتم رجالها. والسلام عليكم ورحمة الله وبركاته . |
انا ابي اعرف الكلب ابن الكلب الي حاطينه على وزاره المواصلات منو ؟؟ ( سامحوني على ها الكلمه انا في غربه ولا تجيني الا اخبار وفيات وحوادث مليت ونفسيتي ضربت )
يالله يارب تخفس عياله او اهله في تقاطعات العيون عشان تبرد قلوووب العالم شوي وعقبال مانشوفه يبكي دم ترى صبرنا كثير ومابقى لنا الا الدعاء عليهم عشان نفتك منهم ويجينا الاحسن منهم ... اخوي احمد السبيعي واصل بدون فواصل |
اخوي احمد السبيعي واصل بدون فواصل
|
احمد السبيعي
ماشاء الله عليك تسعى دائما لرقي مدينتك وكتاباتك ان دلت دلت على حرصك وحبك للعيون واصل ابداعك بارك الله فيك |
احمد رجال اعمالنا فاضين بس يحسدون بعضهم بعض فقط
وين يجينا المطار |
صادق يا احمد ما اشوف غير سعود الفضل بس من مطوري العيون واتوقع من حساباته الخاصه
اي والله والحساويه اهم الي فلينها واحنا احق منهم مشكور على الموضوع |
يا اخي أحمد السبيعي العيون تحتاج منا التضحيه بكل ما
نملك ..العيون مظلومه من كل النواحي نريد أصلاح وتطوير الشوارع الرئيسيه لمداخل العيون...كل يوم ضحيه في ها الشارع ..حسبي الله ونعم الوكيل في ها الحراميه اين اصلاح المجاري وشوارع الصره..تعرف انا ايش ودي ودي أجيب رئيس البلديه وكل مساول عن الاهمال هذا ومسكهم وربطهم في الصره اسبوع كامل..يمكن يجيهم اشوي احساس من الاحساس المفقود عندهم... ونريد تطوير المستشفى الاماني في العيون ..المستشفى المنهوب ونريد مركز الاحوال المدنيه ..العيون كبيره وتحتاج المركز ونريد توسيع خط العقير المعروف عندنا بخط الموت ..وان يكون في هذا الخط نقطه لهلال الحمر..ونقطه لامن الطرق ..ولكل يعرف ان هذا الخط يرتاده الكثير من الناس من أجل الترفيه ونريد اصلاح الحديقه العامة من أجل الاطفال..ويوظف فيها أبناء العيون سوكرتيه براتب معقول مش راتب 800 ريال او 1500 ريال لا لا براتب لا يقل عن 3000 ريال ..وكيذا نضمن سلامة الحديقه من ايدي العابثين... لكن ما حد ضر العيون الا الذين يسمون انفسهم انهم وجهاء المدينه..ولله لو في مخلصين من ها الي يسمون انفسهم وجهاء لشفنا العيون غير وأحسن من كذا لكنهم أصحاب مصالح...وهم الي امخربين على أهل العيون وهم ربع مع الاحساويه المنتفعين منهم ..هم مكلين العيون مع الحساويه الذين من أشكالهم أخي أحمد هل تريد الصراحه ..اول ما نبدا في الانتقاد ليس في الحساويه بل با الذين يسمون أنفسهم اعيان العيون فهم خراب العيون بدرجة الاولى..هذي هي الصراحه لكن من يتقبل الصراحه في هذا الزمن... اخي أحمد نحن نريد مثل هذا الذي في الصوره..انظر في الاسفل http://img370.imageshack.us/img370/336/51651005zg1.gif |
السلام عليكم ورحمة الله وبركاته اخوي احمد حبيت اقولك بس ان كبار البلد ور جال الاعمال كلهم موجودين بس وش تبيهم يسون يطورون لك البلد ويضبطونها وعندك ناس الحمد لله همج واغبياء وعقولهم صغيره كل ماسوت البلديه شي او رجال الاعمال جاو وكسروه وخربوه . واكبر دليل روح شوف لوحات الاعلانات كيف سواها اللي كاتب عليها واللي شايل الانوار اللي داخلها ايش التخلف هذا. وتبغى كبار البلد ورجال الاعمال يسوون لك شي اقولها بالفم المليان ضبط عيال بلدك بعد تعال تكلم عن الكبار والتجار وش الفايده البلديه تسوي وتضبط واللي عندك يجوون ويكسرون . بس والله ياليتك تروح افقر واصغر القرى وشوف كيف صحيح فقراء ومساكين بس عقولهم احسن من عقول عيال ديرتك روح شوف لوحات الاعلانات شوف الحدايق اللي عندهم مع انها صغيره بس والله تسوى الحديقه اللي عندنا بالف مره . وفي النهايه اتمنى منك انك ماتتكلم على كبار البلد او رجال الاعمال ( للمعلوميه انا مو واحد منهم علشان ادافع عنهم انا اقول الحق ولا هم موجوديين وفيهم الخير) قبل لا تتكلم عليهم ضبط عيال البلد وابشر بالخيرررررررررر. مع اطيب التحايا اخوك/ الفدرالي |
بارك الله فيك ياحمد السبيعي وواصل من ابداعك وغيرتك لي مدينه العيون
|
اقتباس:
كلآم سليم :) |
| الساعة الآن 03:14 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون