|
لماذا لايعترف الشاب العيوني بالرومنسيه؟هل تنقص من رجولته امآ مآذا؟
السلام عليكم ورحمة الله وبركآته هذا أول موضوع لي ويآليت ألقى تفآعل موضوعي عن شبآب العيون ورومنسيتهم أو أقول شخصيتهم مع زوجآتهم خوآتهم يعني الجنس النآعم ليه دآيم يآشبآبنآ نشوف منكم جفآ لاتنكرون !! يعني مايصير مشآعرنآ كآ أنآث معروف عنآ الرقه والنعومه والحالميه تسفهونهآ وتعآملونهآ بجفآ لو وحده تبي تتغزل بزوجهآ فكينآ بس ولاعمي تو متزوج يصارخ لزوجته هي انتي تغطي =بالله وش هالأسلوب ولا عروس بعد مع ان واضح الأعجاب بعينه فيها ليه مشاعركم الحنونه ماتظهرونها الا في بعض المواقف اذا انتي ياخوي يازوجي مابدلتني المشاعر من يبادلني؟؟ ليه الصراخ دايم طبعكم واوف ردكم!! خاطري مره تودونا مكان من نفسكم بدال ماحنا نزن على راسكم حياتكم بر بحر ومافيه وقت لأهاليكم معليش اغلبكم طابع العصبيه فيه يعنني شخصيه ماتدرون ان البنات صارو يطلبون من الله يرزقهم بشاب غير مهوب من العيون مثل انا كنت بالمشغل قالت ماخذه من وين عبالها عيوني قلت لا انا من برا قالت ياحظك وش لك بالعيون يصارخ ومايبي غير يعبي بطنه الحياه معه تطفش وترد الثانيه اي والله صدقتي وخذ الكلام اللي يذم فيكم وصلتو الحريم لهالحال !! تعجبني هيبتك ورزتك كرجال يالعيوني بس مايعجبني انك تزودها على حساب مشاعرنا !! يعني بعضكم حتى لارد على زوجته قدام ربعه اوف هالغثه اتصلت؟؟ ورده خير متصله؟ وهو بالبيت شوي ويذوب عليها يعني بتنقطع منك يد ولا رجل لو قلت هلا حبيبتي؟ رديت بأسلوب لبق بينقص من رجولتك ماقلنا تغزل فينا قدام الله وخلقه بس احسن من سلوكك انا زوجي جينا لدوار وماسك يدي عرفوني بنات من العايله شفتهم قالو وربي محظوظه لو ازواجنا قالو لنا تبون تفشلونا نمسك يدكم برا ليه مهوب زوجتك؟حلالك؟مسوي شي غلط انت المره لامسكت يد زوجها تجبره مايطالع غيرها وتملك قلبه حتى بعض شبابنا صار يتمنى يتزوج من برا قال ابي وحده تدلعني تهتم فيني؟ انت عطيت بنات ديرتك فرصه ؟ عطيت خواتك فرصه لحنانك ومزحك وضحكك معهم؟؟ كيف ماتبونهم يتاثرون وانتم ماتقدرون مشآعرهم؟ وبالنهايه الموضوع لنقاش لااكثر واتمنى محدن يجرح سلام |
ردي بيكون بعدين
بس لاحد يعمم أها بس هع |
فخر%سبيع وعليكم السلام ورحمة الله وبركاتة أولا: حياك ربي بالملتقى ونورتينا موضوعك حلو وبتلاقين التفاعل إن شاء الله لإنه موضوع مهم أنا لي عودة بإذن الله قريبة للمشاركة بهذا الموضوع |
وعليـــكم السلام ورحمة لله وبركاتــة
كلام وواقــع صحيح جــداً انا أول ماقرأت عنوان الموضوع استوقفني .. لماذا الشاب العيوني لايعترف با الرومانسية ؟ يوم قـرأت الموضوع كاملاً نعم كلام سليم وصحيح ومبدأ مشاعري عاطفي غايب عن الشاب العيوني . قلت بعد كيف تبونا نصير رومنسين وش يعرفنا با الرومنسية حنا اصلن يوم قرأت الموضوع كاملاً طلع الوقع صحيح وسليم ؟ !! نعم الشاب العيوني لايعترف با الرومنسية المساحة الأكبر منهم لايعترف با الرومانسية ولا يريد ان كون رومنسي الا في اوقات كا أغلب الرجال ( خاصة جداً ) سواء لزوجتة او لأختة او بنتـــة او اي احد من محارمة لاتصلت عليك قولها هلا وغلا تفضلي فلانة قول لها وش ها الاتصال الحلو قول لها امري يا فلانة :) المشكلة فيك انت كاشاب . ماتبي ترد عليها بكلام حلو وماتبي تعطيها وجة ليش وش عشانة ماتبي تقول اعرف ! همك تروح للبر وللبحر وللتفحيط والا تلعب كورة والا هياسة في الشوارع ولاجيت البيت ماتبي الا تلط في الأكل وترقد رقدت عليك طوفة :( شوفو مشاعرك جامدة صايرة مثل الصخر واما معا ربعك لا صاير وش حلوك الكشرة شاقة الوجة نصفين وفي البيت لا صاير عبوس تغزل فيها في اكلها في اي شي تسوية تغزل وش يردك ماسويت شي غلط اهديها قصيدة او هدية حتى من بو ريالان اهم شي معبر للبنت راعيت المشاعر المحتبسة والأنوثة المكبوتة :011: .. كنت واقف معا احد الشباب تكلم عن ها النقطة خصوصاً يقولي وهو شاب توة عقد قرانة يقول شوف فلان ليش مايتكلم معا زوجتة في السيارة احسة مثل الجبل لايتكلم ولا يقول شي ! .. وفي موقف مختلف وصورة مناقضة للصورة الأولي وتكلم عن شخص اخر قال ذا شكلة رومنسي معا العلم ان شكلة لايوحي بتاتاً انة رومنسي مطلقاً يسولف معا زوجة ويهرج معها ويمزح معها .. قلت له سو مثلة مانبي كلام بس :) رجال بتركيبتة النفسية والعقلية والزمنية عايش وقت وحياتة بين بر وبين بحر وكورة مايتغير بسهولة حاولو معة ولو طالت المدة راح يتغير مو ذريعة للشاب العيوني ولكن نبحث له عن عذر ! انا اشوف ناس في مستواهم التعليمي التربوي بس مو بين علية الرومنسية اقلها لو با الشكل ليش ماعرف ولله ؟ وهذي عليكم با الشباب العيوني وليست لكم ! ..__ فخر سبـــيع __.. سأختلف معك ومعا اغلب البنات تقريبا ً . البنات ولكل بنت : انتم انفسكم تبغون الرجل العيوني يصير رومنسي كامل الحق لكم في ذا الشي وانا مؤيد لكم ولكن انتـو شجعو ازواجكم واخوانكم خلوه يتغزل فيكم اذا تغزل رد علية بنفس الغزل على الأقل اما تسكتون والا تضحكون بيسكت الرجل ولا راح يقول شي :( مدحي فية مثل ماتبين هو يمدحك ووضحي له ان لزم يتغزل موب تقولين مالت مايعرف شي وساكت ووضحي فتحي معه الموضوع مافيها اي شي وأنا مؤيـــد للموضوع بشكل كامل وبدون تحفظ فخــــر سبـــيع .. الشكـــر لك على الموضوع المهم المتـألق جداً للرجل العيوني خاصة وللرجال بشكل عام تقبلي اخــتلافي ونقدي الصغيرين يسعــد قلمك وطرحك الشكر لك |
اقتباس:
وننتظر جديدك ولك التحيه |
من خلال ماتابعته من المشاكل في بيوت الناس
من خلال الصحف والتلفزيون وأحاديث المجالس أن أكثر شي يجعل الحريم تتبع طريق الشياطين هو أنها وجدت من يكلمها بإسلوب لم تجده عند أخوها أو أبوها أو زوجها ما أقول أنهن معذورات بترك العفة والإرتماء في أحضان الشياطين لكن هذا الأمر سهله لهن إخوانهن وأبائهن وأزواجهن لو أن حكومة إسلامية فتحت خمارات في بلدها ودخل فيها الناس وسكروا من نلوم ؟ هل نلوم الناس أو الحكومة ؟ الملام هم جميعا ولكن الحكومة أكثر لوما بحكم أنها لم تراعي ولم تباري |
اقتباس:
خخخخخخخخ محدن عمم بنتظآرك |
اقتباس:
الله يحييك ويبيقيك حلوة أيآمك بنتظآرك عسوله |
اقتباس:
مشكور على تفآعلك وصرآحتك أخوي بآلعكس حتى بختلافك أنآ معك أذا نبي الششي لازم بعد نسعى له ونتحمل نتآيجه بس أتمنى آلشآب العيوني بعد يسآعدنآ |
المرأه مرآه عاكسه لكل ماتصادفه
فكونوا لطفاء تكن لطيفه معامله المرأه بلطف تحقيق لوصيه الرسول - رفقا بالقوارير - - استوصوا بالنساء خيرا - be kind to women http://dc14.arabsh.com/i/02831/snrrcqise3q9.gif |
اقتباس:
كلآمك مره عجبني بس بوضح بعض النقط انآ مآعممت ان شبابنآ كلهم نفس الطبع لا الحمدلله فيه شباب من العيون ثقفو نفسهم وبنو حياتهم على شي يسعدهم أنآ أتكلم عن الأغلبيه من شباب العيون وبالنسبه للبنآت بالعكس ربي رزق كل بنت بهالصفات بعضهم ماتستغلها وبعضهم تعتبر هالصفات شي تافه فتطنشه وبعضهم ماتعرف كيف تستغله ولا كيف الطريقه الصحيحه وبالنسبه لزوجتك بالعكس مفروض تفرح ان هالشي بدر منك انت وصدقني اللي قالت لها غيرانه لاأكثر فآلمفروض ماتتأثر أبد بعض الحريم أذا زوجها مقصر وشافت زوج صديقتها ولا اختها ولا اي وحده من القهر تجلس تعطي للبنات أفكار غلط!! وتعتبر ان هالحركات والسوالف تافهه!! فيتأثرون بعض الحريم للأسف !! أشكرك أخوي على تفآعلك ... وبضيف شي لآتحسبون ان بنآت العيون بعد كاملات لامقصرات وبيجي دورهم بموضوع انآ كل أسبوع اذا ماصارت لي ظروف بستلم حوا وأدم العيون:115: |
اقتباس:
صحيح كلآمك لكن صآر هالعذر مره تآفهه حتى لو زوجي خآني أنآ مآ أروح أخونه أنآ وحده لي دين وأهل أفكر فيهم قبل مآ أقدم على هالفعل للأسف بعض البنآت وازعهم الديني مره ضعيف على أي سبب خيآنه ومكالمات وغيره حتى لو مالقيت الحب ولا الحنان من زوجي او اهلي احتسب الأجر عند الله المهم كل وحده تحاول تجذب أهلها او زجها لها بكل الطرق اذا مانفع معهم تذكري الأجر من الله والعوض ماله داعي الخيانه والطرق المنحرفه كل مره نسمع قصص خيانة الزوجه لزوجها لآنه خآنها وللأسف هي أم قبل كذا خلي عيالك يتشرفون انك أمهم أنك البطن اللي حملهم لاتخلينهم يلعنونك ليوم الدين لعرفو بسواتك وربي ماراح يهتمون بعذرك أن أبوهم خانك لا بيقلون رجال مايعيبه شي !!!! بآلنهآيه أشكرك أخوي على آلتفآعل .... |
اقتباس:
ولكمو أخوي.. مشكور على آلتفآعل والكلام الجميل.. |
وعليكم آلسلآم ورحمة الله وبركآته
هلآ بفخر سبيع آنآ آعتقد آن من آسبآب شُحّ آلرومآنسية لدى آلشآب آلعُيوني آلمُجتمع آلمُحيط به وآلبيئة آلتي تعآيش فيهآ فآلمُجتمع آلعيوني نستطيع آن نصفه بآلمُجتمع آلقَبَلي نوعاً مآ وآلشآب آلعُيوني تهمُّه نظرة المُجتمع له في آلدرجة الأولى فلآ يعترف بآلرومآنسية لآنهآ لدى آلبعض تُمثّل (عيب) وآنآ آقصد عندمآ تكون على مرأى من آلنآس وليس في آلمنزل كلُّ شيء آصبح عيب عيب عيب وآلرجل في آلمُجتمع آلعيوني حريص على إخفآء رومآنسيته مع زوجته خآرج آلمَنزل لآنه يَخآف آن يُطلَق عليه مُسمَّى ( مدَمَّغ ) ههههههههه هذه آلكلمة آصبحت كآبوس لدى بعض شبآبنآ في آلشآرع لآيُريد آن يُمسك بيد زوجته خشية آن يرآه آحدهم فيُقآل عنه ( مدمَّغ ) وقد يكون بينهمآ مسآفة طويلة وذلك خشية آيضاً آن يُقآل عنه ( مدمَّغ ) آمآ من يُكلم زوجته على آلجوآل بأسلوب خشن ويُقللّ من إحترآمهآ آمآم آصحآبه ويُعدّ هذآ من آلرجولة وفرض آلشخصية على آلعكس فإنه قد آهآن نفسه بإهآنة زوجته وآلتي هي بمثآبة سكَنُه و نصفه الثآني آين نحن من " عآمل آلنآس كمآ تُحب آن يُعآمِلوكَ " آين نحنُ من قدوتنآ وحبيبنآ آلمُصطفى عندمآ كآن يُمآزِح أم آلمؤمنين عآئشة رضي الله عنهآ وكآن يُنآديهآ يآ عآئش , ويآ بنت آبي بكر , ويآ بنت آلصديق وكآن يتلطَف مع زوجآته ويُضآحكهن وكآن يُسآبق عآئشة في بعض سفرآته أليس هذآ يُعد من آلرومآنسية وآلتلطُّف مع آلزوجآت ! آقول لكل أخّ وزوج آنت كمآ تزرع سَتَحصد إن عآملت آختك , أو زوجتك , أو آبنتك بقسوة وعدم إحترآم فتأكد بأنك ستحصد ذلك في تعآملهآ معك وكمآ آنّ آلشآب يفتقد للإحترآم في مُحيط آسرته وبين آخوآنه فإنه سيفتقده مع زوجته مُستقبلاً فَفآقِد آلشيء لآيُعطيه ~ * فَخر سبيع رآقني طرحك وصرآحتكِ في آلنِّقآش كلّ آلشكر لرقي فكرك وجمآل حرفك وآتمنى آن يجد هذآ آلنقآش صدآه لدى شبآب مدينتنآ لقلبك :118: ~ |
السلام عليكم ورحمة الله وبركآته وعليكم السلام ورحمة الله وبركاته هذا أول موضوع لي ويآليت ألقى تفآعل حياك الله.... والحمدلله وجد التفاعل موضوعي عن شبآب العيون ورومنسيتهم أو أقول شخصيتهم مع زوجآتهم خوآتهم يعني الجنس النآعم لست من فئة الشباب... ولكن اذا سمحتي لي أن اشارك في هذا الموضوع. ليه دآيم يآشبآبنآ نشوف منكم جفآ لاتنكرون !! هذه صفات تنطبق على البعض وليس الكل. يعني مايصير مشآعرنآ كآ أنآث معروف عنآ الرقه والنعومه والحالميه تسفهونهآ وتعآملونهآ بجفآ لو وحده تبي تتغزل بزوجهآ فكينآ بس بعض الازواج هداهم الله يعتبر الكلام الرومنسي لزوجته... تقليل من هيبته وشخصيته. ولاعمي تومتزوج يصارخ لزوجته هي انتي تغطي =بالله وش هالأسلوب ولا عروس بعد مع ان واضح الأعجاب بعينه فيها يالغالية و والله انك غاليه فـــــ أنت أخت من اخواتي المسلمات. بعض المواقف تجبر الشخص انه يسوي أشياء هو مايبغيها بس تصير غصب الموقف الذي ذكرتيه هذا صار من باب الغيرة... وكل رجل مسلم له غيرة على محارمه نسائهم عندهم كالجواهر الثمينة الي مايبغون احد يصيبهم ويمسهم بضرر.... حتى لو بالنظر. عَنِ الْمُغِيرَةِ بْنِ شُعْبَةَ رَضِيَ اللَّهُ عَنْهُ ، قَالَ : بَلَغَ النَّبِيَّ صَلَّى اللَّهُ عَلَيْهِ وَسَلَّمَ أَنَّ سَعْدَ بْنَ عُبَادَةَ رَضِيَ اللَّهُ عَنْهُ ، يَقُولُ : لَوْ وَجَدْتُ مَعَ امْرَأَتِي رَجُلا لَضَرَبْتُهُ بِالسَّيْفِ ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ : " أَتَعْجَبُونَ مِنْ غَيْرَةِ سَعْدٍ ، فَوَاللَّهِ لأَنَا أَغْيَرُ مِنْ سَعْدٍ ، وَاللَّهُ أَغْيَرُ مِنِّي ، وَمِنْ غَيْرَةِ اللَّهِ تَعَالَى أَنَّ اللَّهَ تَعَالَى حَرَّمَ الْفَوَاحِشَ مَا ظَهَرَ مِنْهَا وَمَا بَطَنَ ، وَلا شَخَصَ أَغْيَرُ مِنَ اللَّهِ تَعَالَى ، وَلا شَخَصَ أَحَبُّ إِلَيْهِ الْعُذْرُ مِنَ اللَّهِ ، فَمِنْ أَجْلِ ذَلِكَ بَعَثَ الْمُرْسَلِينَ مُبَشِّرِينَ ، وَمُنْذِرِينَ ، وَلا شَخَصَ أَحَبُّ إِلَيْهِ الْمَدْحُ مِنَ اللَّهِ تَعَالَى ، وَلِذَلِكَ وَعَدَ الْجَنَّةَ " . قَالَ الشَّيْخُ رَحِمَهُ اللَّهُ : وَيَجُوزُ أَنْ يَكُونَ مَعْنَى قَوْلِهِ : " لا شَخَصَ أَغْيَرُ مِنَ اللَّهِ " ، أَيْ : لا يَنْبَغِي لِشَخْصٍ أَنْ يَكُونَ أَغْيَرَ مِنَ اللَّهِ ، فَمَعْنَاهُ ، أَيْ : لا يَكُونُ الْعِبَادُ الَّذِينَ هُمْ أشخاصٌ أَغْيَرَ مِنَ اللَّهِ الَّذِي لَيْسَ بِشَخْصٍ ، لأَنَّ اللَّهَ تَعَالَى لا يُوصَفُ بِالشَّخْصِ ، تَعَالَى اللَّهُ عَنْ ذَلِكَ عُلُوًّا كَبِيرًا . وَيَجُوزُ أَنْ يَكُونَ مَعْنَاهُ كَأَنَّهُ يَقُولُ : لَيْسَ مِنْ حَقِّ مَنْ يَتَرَفَّعُ ، وَيَعْظُمُ قَدْرُهُ ، وَيَشْرُفُ مَرْتَبَتُهُ أَنْ يَكُونَ لِشَرَفِهِ فِي الرُّتْبَةِ ، وَعِظَمِ قَدْرِهِ ، وَتَرَفُّعِهِ عَلَى غَيْرِهِ ، وَأَنْ يَكُونَ أَغْيَرَ مِنَ اللَّهِ تَعَالَى ، وَاللَّهُ تَعَالَى جَلِيلٌ عَظِيمٌ ، رَفِيعُ الْمَكَانِ. والمرأة الي يصرخ عليها زوجها او اخوها...من باب الغيرة.. ممكن تزعل منه... بس لوفكرت انه ماصرخ عليها الا انه يغار عليها وهذا من حبه لها راح يختفي زعلها منه وراح تعذره هناك غيرة محموده وغيره مذمومه. وهناك الكثير من الزوجات يتمنيين أن ازواجهم تغار عليهم. بل البعض عادي عنده لو كشفت زوجته وجهها عند رجل هندي او غيره من العماله الاجنبية. ليه مشاعركم الحنونه ماتظهرونها الا في بعض المواقف اذا انتي ياخوي يازوجي مابدلتني المشاعر من يبادلني؟؟ اذا لم يبادلك هو اول لم يبتدي فابتدئي انتِ... وبادري ومع الاستمرار يبادرك إن شاء الله. وماشيء يدوم على حاله ابد. ليه الصراخ دايم طبعكم واوف ردكم!! هذه مشكلة اغلب الناس بدول الخليج وطبعهم الجفاء ويتأثرون بالبيئة الصحراوية الي عايشينها. هذه ظاهرة علمية نفسية. خاطري مره تودونا مكان من نفسكم بدال ماحنا نزن على راسكم البعض من الشباب يفضل الخروج مع شباب مثله علشان يكون اكثر حريه معهم واقرب الى نوعيته والبعض منهم خاطره يودي اهله بس مايمتلك السيارة او الفلوس علشان يقدر يخليهم يمبسطون بالطلعة والبعض منهم اشخاص انانيين يمتلكون كل شيء بس العجز والانانية تمنعهم. حياتكم بر بحر ومافيه وقت لأهاليكم هو في غير البحر والبر لو تحصل للبعض منهم الفلوس كان سافروا. معليش اغلبكم طابع العصبيه فيه يعنني شخصيه اغلبهم يفتكر أن المعارضة او انه قادر ينطق كلمة لا معناها قوة الشخصية. ومن مكملات الرجولة. ماتدرون ان البنات صارو يطلبون من الله يرزقهم بشاب غير مهوب من العيون يالغاليه الشباب هم ...هم في كل مكان ويتنوعون ويتغيرون على حسب هم مايغيرون انفسهم. مثل انا كنت بالمشغل قالت ماخذه من وين عبالها عيوني قلت لا انا من برا قالت ياحظك وش لك بالعيون يصارخ ومايبي غير يعبي بطنه الحياه معه تطفش وترد الثانيه اي والله صدقتي وخذ الكلام اللي يذم فيكم وصلتو الحريم لهالحال !! مو معناتها اذا اخذت البنت رجل من برا العيون بتتوفق معه... ومو معناته اذا اخذ رجل من بر العيون بنت بيتوفق معاها . هي يالغلا مسألة توفيق من رب العباد ولا هناك الكثير من أبائنا واجدادنا تزوجوا من ديرتهم وتوفقوا معهم... وفيه كثير من الشباب والفتيات الي تزوجوا من برا ديرتهم وماتوفقوا الله الي يكتب للانسان التوفيق. قال تعالى: إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ {الرعد:11}، قال السعدي : إِنَّ اللّهَ لاَ يُغَيِّرُ مَا بِقَوْمٍ من النعمة والإحسان ورغد العيش، حَتَّى يُغَيِّرُواْ مَا بِأَنْفُسِهِمْ بأن ينتقلوا من الإيمان إلى الكفر ومن الطاعة إلى المعصية، أو من شكر نعم الله إلى البطر بها فيسلبهم الله عند ذلك إياها.. وكذلك إذا غير العباد ما بأنفسهم من المعصية، فانتقلوا إلى طاعة الله، غير الله عليهم ما كانوا فيه من الشقاء إلى الخير والسرور والغبطة والرحمة. انتهى. تعجبني هيبتك ورزتك كرجال يالعيوني بس مايعجبني انك تزودها على حساب مشاعرنا !! بعض الرجال والنساء يعتني بمظهرة دون جوهرة؟! يعني بعضكم حتى لارد على زوجته قدام ربعه اوف هالغثه اتصلت؟؟ ورده خير متصله؟ وهو بالبيت شوي ويذوب عليها بعض الرجال مايحب احد من اهله يكلمه لو كان عند الرجال و بعض النساء هداهن الله تتصل بكل وقت على الزوج حتى لإتفه الاسباب وفيها نساء تشك بازواجها وتحب تعرف التفاصيل عنه وبكذا يطفش هو منها الرسالة من الجوال تفي بالغرض عن المكالمة فأذا الزوجه عندها شيء وتبغي تبلغه زوجها وهي تدري ان عنده رجال الافضل انها ترسل رساله وهو بعدها يتصل عليها. يعني بتنقطع منك يد ولا رجل لو قلت هلا حبيبتي؟ رديت بأسلوب لبق بينقص من رجولتك ماقلنا تغزل فينا قدام الله وخلقه بس احسن من سلوكك يالغاليه كلمة حبيبتي كلمة رومانسية صعبه يقولها الزوج عند الرجال ممكن استبدالها باي كلمة وحتى لو المرأة ماسمعتها منه عند الرجال يكفيها تسمعه منه وهي في بيتها ومو مهم الناس تدري عنها انه يحبها اهم شيء هي تدري وبس. تخيلي لو قالها زوج لزوجته وهو جالس في مجلس الرجال ممكن هذا يؤدي الى بعض التعليقات عليه وبعدها يكرهه هالكلمة وبالتالي تنحرم زوجته منها او ممكن يسمعه رجل غير قادر على الزواج مما يجعله يحسد هذا الرجل المتزوج ... وهذا شيء وارد بحياتنا. انا زوجي جينا لدوار وماسك يدي عرفوني بنات من العايله شفتهم قالو وربي محظوظه لو ازواجنا قالو لنا تبون تفشلونا نمسك يدكم برا ليه مهوب زوجتك؟حلالك؟مسوي شي غلط انت لنا في رسول الله صلى الله عليه وسلم أسوة حسنة فكان يتكلم مع زوجاته بوجود بعض من اصحابه. ومثال على ذالك قصته مع زوجته صفيه رضي الله عنها عندما جات اليه وهو معتكف في المسجد. المره لامسكت يد زوجها تجبره مايطالع غيرها وتملك قلبه والله يا أُخيتي لو احتويتي الرجل او ضمتيه قدام العالم كله وهو في نيته يطالع النساء راح يطالعهم ولو من ثقب أبرة المسألة هي : مسألة وازع ديني وتربية نفسية. حتى بعض شبابنا صار يتمنى يتزوج من برا قال ابي وحده تدلعني تهتم فيني؟ انت عطيت بنات ديرتك فرصه ؟ عطيت خواتك فرصه لحنانك ومزحك وضحكك معهم؟؟ فاقد الشيء لايعطيه؟؟؟ ومهما اخذ من داخل البلد او خارجها واذا هو ماعطى غيره هالشيء ماراح يعطونه االشيء الي يبتغيه منهم وحتى لو عطوه الي يبتغيه... لكل انسان طاقه من التحمل... فبتالي راح يتوقفون عن اعطائه . كيف ماتبونهم يتاثرون وانتم ماتقدرون مشآعرهم؟ يالغاليه مسألة التاثر ترجع للبنت على حسب خوفها من الله ووجودالوازع الديني . لو افترضنا ان البنت افقدت ابوها وزوجها واخوها وابنها ... هل هذا السبب يعطيها الحق في الإنحراف والتأثر بالفساد. يبقى وجود الله في حياتنا هو الأساس وهو الأهم. وبالنهايه الموضوع لنقاش لااكثر واتمنى محدن يجرح موضوع يستحق النقاش. واحسنتِ الاختيار. سلام وعليكم السلام ورحمة الله وبركاته واسأل الله أن يرزقك سعادة الدنيا والأخرة. آمين. |
| الساعة الآن 03:23 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون