|
بالله عليكم هذا يصير
ألسلآم عليكم ورحمة الله وبركاته: مساء الخيرات ع الجميع ياجماعة الخير انا عندي موضوع وحابه الكل يشارك ويبدي رايه انا عندي مشكله واكيد الكثير يعاني منها وهي ارتفاع اسعار السواقين الي بالعيون مثلا ابي اروح مستشفي العيون الي بالصراه يقولي ب 20 ريال وين حنا فيه والله انا رحت الجبيل والرياض واسعارهم زينه مو مثل هنا مع انهم مو تكاسي نفس الي عندنا اقرب مثل من البيت للمستشفي ماياخذ الا 10 او 15 اذا كنا اكثر من وحده اما هني بيحسب النفر ب10 رايح و10 جاي وغير كذا لما يروح للسوق ابياخذ 70 او 80 علي ايش هذا ومو الكل ابيقدر يدفع عني انا ادفع لاني مظطره عشان المواعيد للمستشفيات الله يشفيني ويشفي مرضي المسلمين فابي رايكم في هذا الموضوع وياليت ايوحدو اسعار السواقين للاقل طبعا وشاكره لكم ابي رايكم في الموضوع ولكم جزيل الشكر |
وعليكم السلام
هلا أختي انا مع كلامك بالضبط بكل شئ قلتيه بصراحه السواقين صاروا يلعبون علينا اتمنى حل للمشكله هذي |
الموت كله من الهنود ،،،
لا ورمضان جاي ومناسبة العيد الأسعار بتزيد .. إذا أخوي مسافر ،، نضطر أحيانا .. بس نتعامل مع سعودي كويس بصراحة ،،، الله يعينكياأم غيث ويشفيكم يارب ــ |
هلا اختي موهوبه شاكره لك مرورك العطر وتعليقك بصراحه السواقين صاروا يلعبون علينا وفي هذي صدقتي اختي بس هنا ياختي العزيزه يوم سائلته قالي هذا كفيل يعني كفيله هو الي يحدد السعر الله يعين بس لو حنا قاطعناهم راح يعرفو ان الله حق |
اقتباس:
لاني ماعرف حد بس الي اعطوني هذول السواقين والله احسهم صايرين يرفعو الاسعار مثل التجار مثلا ابي اروح الاحساء مول قالي 100 ريال شاكره لك اختي وجزاكي الله كل خير |
ماااالكم الا اعيال ديرررتكم وش كثرهم
ماعلي الهندي عليهم من زووود (دهنكم في مكبتم))) امثالهم كثير **[motr]عارف العيد [/motr]ومن [motr]الزيد ومن الماضي [/motr][motr]وبو احمد مشهور ب حمووودي [/motr][motr]واخو غازي الكليب اللي بالروضه[/motr] واكيد في بعد كثير جدد في سااحة المشاوير والتي اجهلها لكن في الطوارئ تحتاجهم وربي يرزقهم جميع ويوفق لكم بس في بعض الهنود من جد محترمين للي لهم كفيلين من جد محترمين مو شيل وقط بهالسوق وارجع بلا هاللهنوووووود اللعبوووو عالحريم,,,بس هم اللي مايبووون سعوودي عشان الصووت يخذون راحتهم مايدرون ان الهندي يشيل اعلووومهم ويبثها ربي يحميكم ويحفظكم |
آلله يعينكم يآرب
سسلآمتك مآتشوفين ششر .. |
سلامتك وماتشوفي شر وعلى اجر ان شاء الله انا ماجربت السواقين والصراحه احس انه غالي والله يعينكم |
الحل من وجهة نظري:
1/ مجادلته على السعر بشكل جاد و حاد 2/ مقاطعته منك و من اللي يروحون معه ( بلغيهم , و يجادلونه ) 3/ التشهير فيه بأن ما أحد يركب معه نهائيا 4/ إتخاذ هذا الأسلوب معه و مع أمثاله 5/ عليكي بعيال البلد و ان شاء الله فيهم الخير طبعا في البداية هذا صعب, بس تبغى شوية و قت و صبر و بعدين العيون من كبرها علشان يأخذ عشرة على المشوار ( إلا إذا رايحة أكثر من مشوار و أكثر من محل على التوالي ) و شكرا |
مالك الا اعيالك ،، اخوانك،،، زوجك،،،،، ابوك |
أمممم .. بالعيون أححس مو مسستآهلةة .. بس برآ أظن ععآدي.. يعني 70 أو 100 ععلى أنو بيوديتس وينتظر ههنآك.. وبيتححمل نققول من الععصر لِ الليل .. يعني ععآدي.. الله يعينتس ويششفيتس.. تققبلي مروري.. |
سلامتك ماتشفين شر واحنا مثلك نعاني من هاالمشكله والله يعينا ويعينك يارب
|
أم غيث موضــــــــــــــــــــوع حلو بارك الله فيك
بصراحه الحريم هم اللي عودوا الهنود على هالأسعار كل وحده تعطيه عشره مثلا لما يوصلها لصالة الأفراح والقهر انهم جماعه لالا وفوق كذا الصاله بالعيون يعني تخيلي 10 حريم وكل وحده 10 ريال يطلع حسابه 100 ريال حسبنا الله ونعم الوكيل لو في الهفوف مو مشكله الحل الوحيد ان الحريم يسوقون ويخدمون أنفسهم لابنغالي ولا غيره ههههههه |
أنا رأيي لو تتركون الدواجه من عرس الي عرس ومن سوق الي سوق من دون سنع ومن دون حاجه بتنحل مشكلتكم واقصد الجميع بالذات اللي عندها عيال يعني بدال ماتحط العباه علي الراس ودواجه من العصر الي اخر الليل من بيت الي بيت (يعني بذمتكم مره ترجع بيتها من فوق الساعه 12 بالليل ) !!!!!! يعني هالكمخه رجالها وينه !!؟؟ اكيد في الاستراحه!!!المفروض والواجب تقابل عيالها وتعلمهم وتربيهم احسن من انه يربيهم دوار البلديه ولا انا غلطان !!!!والواجب هالعله الاب يدري عن عياله وين يروحون ومن يصادقون لانه مسؤول عنهم يوم القيامه مثل ماقال سيدنا وحبيبنا المصطفي عليه افضل الصلاه والسلام ( كلكم راعي وكلكم مسؤؤول عن رعيته )ويننا عن كلام المصطفي !!!!!!
اما من ناحيه البنت والله البيت استر لها والمفروض ماتطلع الا بمحرم ولا تطلع الا للحاجه القصوي وتمسك ارضها احسن لها لكن يقول الشاعر ( اسمعت لو ناديت حيا ولكن لاحياه لمن تنادي )!!!!!! اغلب هاالجيل الحالي خربان سواء بنات ولا شباب والله يستر من الجيل اللي بعده. الله يستر علي الجميع |
السلام عليكم ورحمه الله وبركاته حبي العيون مشكوره او مشكور ويعطيكي العافيه وكلامك صحيح مافيه احلي من ولد ديرتنا علي الاقل بكون مرتاحه وانا معه مب اقوله روح يمين يروحلي شمال الله يرزقهم جميع ان شاء الله شاكره مرورك |
| الساعة الآن 03:16 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون