|
( صالون حلاقة بتكلفة مليون يورو في العيون )
بسم الله الرحمن الرحيم
( صالون حلاقه بتكلفة مليون يورو فى العيون ) صالون الحلاقة الواقع شرق مدرسة ابن المقرب الابتدائية بالعيون ( الخاص بمغسلة السيارات الذي يفتح من الجنوب ) تميز هذا الصالون بديكورات فائقة الجمال وإكسسوارات رائعة وواجهه رخامية جميلة جداً , يوجد فيه جهاز كمبيوتر لمشاهدة التلفزيون ومناظر, كما يوجد فيه إناره تتلألأ من جميع الجهات , مغاسل الصالون من الرخام الإيطالي , والخلاطات ذات جوده عاليه , مريات الصالون تميزت بأزياج برونزية , بوابة الصالون من الزجاج الكامل , لوحاته الخارجية ( كتابيه باللون الاصفرالفاقع ) كما تميز الكرسي الذي يجلس فيه الزبون بتدليك الجسد و بأسيات من الجلد الأسود الأصلي0 وعندما كتبت هذا العنوان أردت أن أوضح فقط بأن هذا الحلاق كأنه جاء بتصميم من أوربا , وللمعلوميه تقابلت مع صاحب الحلاق و تحدثت معه كثيراً وعن تكاليف الصالون فقال لي ( إن الصالون هو الوحيد على مستوى العيون وربما على مستوى منطقة الاحساء من حيث التكاليف الماليه ومن حيث المظهر الجمالي وربما لاتصدق كم كلفنى هذا المحل الصغير انظر مثلاً الى الكرسي جئنا به طلبيه من جده بقيمة قدرها (40,000) الف ريال وتصميم الرخام كلفني ما يقارب (140,000 ريال ) وانظر الى الإاناره من النوع الفرنسي وغير تكاليف البوابه والخلاطات والإكسسوارات والفوط المعقمه وانواع الاطياب والعطورات ومكائن الحلاقه الألمانيه الصنع علماً بأن المحل مساحته صغيره ولست في هذا المقال لأضع إعلان تجاري للمحل او كم كلف من مبالغ ماليه , ولكـــن لأ بين بأن مدينتنا تستحق مثل هذه المشاريع واكثر ؟ الى اللقاء............................ |
شاهدته وتأملته والصراحة هو تحفة من نواحي عدة والصراحة الاخرى اني استأت منه من ناحية أنه يمكن الإستفادة من هذا المبلغ في مشروع أحسن من هذا المشروع من حيث عدد الزباين وتنوعهم وان هناك مشاريع أخرى يكون فيها الزباين من كل الطبقات الاجتماعية ومن كل الفئات العمرية ومن كل الأجناس اما هذا الصالون فلن يكون رواده الا القادرين على الدفع والراغبين في الحلاقة عني انا من النوع القديم أعتمد على نفسي في الحلاقة فثلاثين ريال مش بسيطة في كل مرة احلق عندي في البيت كل اللوازم للحلاقة وماني من الناس اللي يحلقون عند حلاقين |
ابو طلال
شكراً على مرورك , عرفنا انك من النوع القديم ., يعني شايب يابوطلال هههههههههههههه |
هههههههههههه
لا ياجرادة الذوق عمره مايكون قديم انا احب شي اسمه قديم بس بذوقي انا بذوق هذا العصر وانا من الناس الواجدة في العيون صارت تحلق لنفسها في البيت لعدة اسباب وهي معروفة للكل |
السلام عليكم ورحمه الله وبركاته
قديمك نديمك لو الجديد اغناك الاخ ابو طلال محق في كلامه والعيون واهل العيون في حاجه ماسه الى هذا المبلغ ممكن يوظف به 2 او3 شباب من العا طلين عن العمل لو استغل في محل تجاري او مشروع حيوى يفيد البلد واهلها شكرا للجمع سلامى علكم يا ربعي الطيبين |
اقتباس:
مع تحياتي واشواقي المحروم |
اقتباس:
ولك خالص حبي واحترامي تحياتي |
ما شاء الله
من جد تكلفه قويه ممكن اسأل سؤال س///كم بيكون قيمة الحلاااااقه في ذالحلاااااق.... اجمل التحاااايااااا |
الحمد لله أن ما على وجهي إلا ذا الشعرتين يعني كلها مغطت يد و نتفهم
بس يا أخ جراده ليتك تكلمت عن بعض المشاريع اللي تحتاج لها العيون و الشي المؤسف أن مدينة بهذا الحجم لا تمتلك أسواق تغطي إحتياجات سكانها و الشي الآخر التجار اللي حطين لهم كم قوطي و كرتون في ذا المحلات وعاملين شنبات رفعين الأسعاربفارق ريال و يمكن أكثر عن الأسواق اللي حن نعرفها ليه ؟ و الله مش عارف .......... |
عشان اني دايم خارج العيون هذا المحل ماشفته انا من قبل بس بروح اتفرج عليه لأني اصلا ما احلق الا عند ابراهيم الهندي
|
كم الحلاقه عنده؟؟؟
العيون تستاهل كل خير |
المحروم ؟[/align][/size][/color]اعدام سلطان الحب لاعب الشطرنج نوخذة العقير اسير العيون لقد اسعدني مروركم واشكركم على ذلك , واحب ان اذكر شياً جميلاً وهو 0 لماذا ننتقد ولانشجع مثل هذه المشاريع ونحاول ان يتكرر مثل هذا المحل محل تجاري آخر مشابه ؟ |
لالالالالالالالالالالالالالالالالالالالالالالالالا لالالالالالا تعليق الى اشعار اخر والله يازين حلاق بو خمسه وبعدين انا وش اسوي قيمته مليون والا ملايين جيب لي حلاق مايحلق اللحيه واحطك على عيني وراسي اما كذا اسمحلي هذه اعتبرها دعايه للمحل من خلال المنتدى وسع صدرك الصراحة راحه |
طيب وحلاق انبو اللي جمب البوفية
لو تسوي معة مقابلة وتسأله عن الكرسي والموس حقة والمحل كلة صدقني بيقولك كلفة وكلفة |
هههههههههههههههههههههههههههههههههه
تبون الصراحه هذا المحل اول مافقتح كثير الي تكلموا عنه وانا من فضولي رحت ودخلت وتفرجت عليه الصراحه اول مادخلت حسيت اني في اوروبا لانه بمعنا الكمله فخم لكن الي زعلني ان يوم قالي الوالد توني جاي من عنده وقلت له كم حلقت قالي 45 ريال انا زعلت بقوووووووه قلت له لو معطيني 35 ورحت تحلق في اي حلاق مو افضل <<<< ههههه مايفكر الا بالفلوس بس نظرتي ان العيون محتاجه لهيييييك اشياء لين متى واحنا نروح الهفوف ولا المبرز عشان ناخذ اغراضنا ليه مايصير في العيون مشاريع مثل كذا يعني الواحد ليلة عرسسه << طبعا افضل ليله وين يروح غير الهفووووف ويضبط اغراضة وكل شي اما الحين اكثر الي بيعرسوووون عند هذا الحلاق صحيح يكلف 200 ريال تقريبا لكن وهو مرتاح لانه في العيون طبعا انا اشجع مشاريع مثل هيييييييك وموضوعك ياجراده ترتريب ههههههه مشكور |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون