ارجوا منكم الصراحه
 

السلام عليكم ورحمت الله وبركاته
ارجوا من اخواننا الاعزاء عدم حذف الموضوع والاجابه بكل صراحه لكي نفهم الموضوع
مارايكم في حركت موسى العساف ولماذا وهي ليس من عاداته هذه اللأشياء
الا وهي اشراك اخواننا فريق العميد في هذه الدوره قبل يومين من الدوره وسوف تصبح مجموعه فيها خمس فرق والثانيه اربع فرق اي لن تصبح دوره من مرتبه وهذا ليس كره لاخواننا فريق العميد بل لينجاح الدوره مع ان توجد هناك فرق معارضه لشتراك العميد بل وافق موسى بعدم اشراك فريق العميد وهذا ليس كره لفريق العميد بل لأن بعض الفرق اشركت بعض الاعبه من فريق العميد وقامو بتغطيت النقص الذي لديهم اما الان ليس لديهم الوقت الكافي للبحث عن لاعبه تسد النقص الذي لديهم وارجوا من اخواننا العضاء بعدم حذف الموضوع لكي نعرف السبب لموافقت موسى في البدايه ثم رجع في كلامه وارجوا من اخواني فريق العميد عدم سوء الظن لاني والله لايعلم احد سو الله عن حبي لفريق العميد و السلامعليكم ورحمة الله وبركاته

الله يعينكم ..

العميد اشترك ولا ..

ــــــــــــــــــــــــــــــــــــــ
ـــــــــــــــــــــــــــــــــــــ
ـــــــــــــ
ياعني ياحبيبي ياعشق الدرب ((الزبده)) موسى فاتح مجال للشترك في الدوره ماقفل الاشترك
ـــــــــــ
ــــــــ
طيب ممكن سوال
الحين انت ليش زعلان ....؟
بس انت ماتدري وش قاااال موسى صح
ارجو منك الرد في كل اللي كاتبه ــــــــــــــــــ
ــــــــــ
اخووووك ادريس العساف
ـــــــــــــــــــــــــــــــــــــــــ

الجواب عندي اخووي يا كوري الكوكب ...


هذا من فريق الاولمبي وابصم على الالف ..

وما اقوول ألا ..

لولا الحسد ما مات أحـــــــد ..

لايكون شايف انت لاعبت العميد تكملت عدد..

ووش ذه الفريق الي ماعنده احتياط..

وانا حسب الي سمعت انا موسى بيشترك بفريق الرشاده عشان يووازي المجموعتين..

انا اعرف اللاعبين اللي يقصد انه ماخذينهم ..

هو يقصد سعد السليم ( خريش)
و عبدالله العساف ( كيتا )

لانه الاولمبي خذووهم والحين توهقو ..

ما اقوول الا استريح ..

كلام اخووووي كوري الكوكب عين الصووواب موسى دايم يفتح الاشتراك الى اول يوم في الدوره ماهي اول مره يعني الحين تبي تلوم موسى

مثل ماقال اخوي سداح لولاالحسد مامات احد

هدوا ياشباب وإن كان فيه إعتراض على مشاركه العميد فهذا من حق الفرق الأخرى كون هذا الأمر أتى متأخرا ويلخبط أوراق الفرق الأخرى خاصه ممن ضموا لاعبي فريق العميد على سبيل الإعاره . وصحيح إن فريق العميد هو نكهه الدورات العيونيه ولكن على موسى أن يراجع حساباته بكيفيه طريقه تسجيل الفرق في الدورات.

وهذه النقطه تحسب عليك ياموسى . وتلافى ذالك في الدورات القادمه ولايزعلوا أخواني النمور وبالتوفيق لهم
وإني سعيد بمشاركتهم ولكن الحق حق .

وآمل أن الدوره ترتقي الى المستوى المأمول .

وتحياتي لكم يالنمور العيونيه

لاتعليق

ظلمتنا ياسداح
حنا صحيح اخذنا خريش وكيتا
وفوق كل شي الرجال قال مهو بقصده العميد
وحبيت اذكر لك انت مع الكوري 15 ان موسى في الاجتماع قالها بلسانه ماراح يشترك فريق زياده ولو دفع الف وخمسميئه وهذا الكلام قدام الافرقه كلها واتحدى احد ينكر الكلام ذه
والله ثم والله حنا ودنا العميد يشترك بس حسب الشروط ياموسى

والعميد فريقنا الثاني
وانتبه يا الكوري الفتنه اشد من القتل
ترى الرجال قالك ماهو بكره بفريق العميد بس الحق حق

هلا اخوي الكوري وإنشاء الله مابينا زعل بس معروف في نظام الدورات . إن اي فريق متأخر مايسجل قبل بدايه الدوره بيوم اويومين او ثلاثه وخاصه أن اللجنه المنظمه قد أعلنت عن شروط الدوره قبل أكثر من شهر تقريبا ويعني ذالك أن جميع الفرق مالها أي عذر .وكيف يتسجل فريق العميد أو غيره والفرق اكتملت وماودي افهم غلط حيال مشاركه!!!!!!!!!!! العميد !!!!!!!!!!!!!!!!!!!!! وخاصه أن أخي وعزيزي موسى تعهد أمام كل الفرق الحاضره في الاجتماع عدم السماح للفرق المتأخره عن التسجيل مهما كانت الأسباب وحتى لو تم دفع دبل المبلغ المطلوب للمشاركه وهذا مالم يحدث ولا أود أن اتطرق الى هذا الأمر كثيرا فأخواني الكوكابيين والنمور أعزاء على قلبي . وإن كان غيرتوا انظمه الدورات لايسعني إلا أن أقدم عزائي للفرق المشاركه وفي يقيني أن السماح لأي فريق متاخر بالتسجيل تسبب المشاكل وإنشاء الله تكون هذه الدوره نظيفه وبعيده عن المشاكل . وامل ان لاتفهم كلامي خطأ وبالتوفيق لجميع الفرق المشاركه

وتقبل ودي اخوي الكوري