|
وينكم ياكبارية العيون عن تطوير مدينتكم الغالية
(بسم الله الرحمن الرحيم)
(الحمدلله والصلاة والسلام على رسول الله وعلى آله وصحبه أجمعين) (مع التحية إلى أهالي مدينة العيون) السلام عليكم ورحمة الله وبركاته. وبعد. حبيت أتكلم عن تطوير مدينة العيون من جميع النواحي بشكل عام؟ ولاحظت على كبارية البلد ورجال الأعمال في العيون مايحبون التطور لمدينة العيون ولا يتكلمون مع المسؤلين بخصوص تطوير مدينة العيون. يتكلمون لمصالحهم الشخصية فقط عن بيع أراضي وأسهم وسيارات. ماعندهم غيره على مدينة العيون همهم أنفسهم نفسي نفسي. (حسبي الله ونعم الوكيل) وأفيدكم عني أنني سبق وكتبت في الجرايد من أجل تطوير مدينتنا الغالية (مدينة العيون) وبعدها جاني تحقيق وأهانوني وقالوا لي ليش رجال كبارية العيون ورجال الأعمال مايتكلمون بمطالبة مدينة العيون ليش أنت أصغرهم تكتب وتتكلم وتزعج المسؤلين. وقلت لهم كبارية العيون ورجال الأعمال ما شوف أحد منهم يطلب تطوير العيون كلهم همهم مصالحم الشخصية في بيع الأراضي والأسهم والسيارات ومحلاتهم التجارية من كل شي. ياأهل العيون إللي معي واللي ضدي كلــــــــكم تمونون وارائكم وَوجهة نظركم في محل تقديري واحترامي ، بس تمنيت أني ماأزعل أحد فيكم بكلامي وهذا مو من أخلاقي وتربيتي ومهما أختلفت الاراء لاتفسد للود قضية. هذا مجرد موضوع حبيت أناقشه مع أهل ديرتي ونتبادل الاراء فيما بينا من غير تحيز وتنافر وياليت نكون قلب واحدآ ويد وحده ؟ وش رأيكم في كلامي صحيح أم غير صحيح. وبدون مجاملة و موفقين بإذن الله لكم مني أجمل تحية |
كلامك صحيح اخوي احمد ولكن وين اللي يقدر
ينادي المنادي ولاحياه لمن تنادي واسال الله ان يوفقك فانت خير مثال للرجل المخلص لمدينته وكان الله في عونك واليد الواحده لاتصفق وتقبل مروري اخوي احمد |
وش اقترحاتــك علمني يا استاذ احمد
|
الله يعطيك العافيه
|
كلامك ميه بالميه
انتهت مصلحة البلد اهم شي المصلحه الشخصيه والا با لله عليك ذي شوارع وحديقه زي الناس . اصلا ابن العيون غير والا هالحساوي هذا ماله حب للبلد اطلاقا وهو رئيس البلديه حسبي الله ونعم الوكيل ولا رئيس جاء وعنده امانه بس ياويلهم من حساب رب العالمين يمهل ولا يهمل |
العيون يوجد فيها رجال يعتبرون من اغنيا الشرقيه .... والله يزيدهم ويرزقهم المال الحلال وفي بعضهم مانفع عياله فكيف نطلب منهم ينفعون العيون .....والله قهر ناس اعطاها الله المال ويبخلون على اولادهم ..المهم انا اقترح انشاء صـندوق لجمع اموال من المواطنين وتخصيصها في مشروع معين حتى الانتهاء منه ... لو الواحد يتبرع بريال في اليوم احسن من يصرف الريال في شي ماله فايده...لوكل شخص تبرع بريال واحد في اليوم اتوقع يوصل المبلغ في اليوم الواحد 16 الف ريال ولا يقل عن هاذا المبلغ ...ويمكن يكون اكثر ...... ويكون الصندوق عند ناس ثقه .... وتستخدم طريقه الاكترونيه في جمع الاموال ...<<<< يعني كل شخص يكتب عدد الاموال الي تبرع فيها....بكذا لايستطيع احد سرقه شي من الصندوق ...... هاذا الاقتراح ما اتوقع في امل يطبق .....بس فكره بسيطه يمكن يطبقها احد في الايام القادمه ويبدع فيها ......<<<<<هاذا رد على السريع بروح اللحق البيتزا قبل ماتحترق هع هع مشكور ولاهنت |
فرجال اعمال العيون لا يهمهم سوى مصالحهم ولاتهمهم مصلحة العيون يعطيك العافيه يا احمد لانك ترغب في المصلحه العامه وتريد تطوير العيون الى الاحسن لكن لاحياة لمن تنادي واليد الواحده لاتصفق وما نقول الا "الشكوى لغير الله مذله" |
اقول ما همهم غير بطونهم والمفطحات ونصب الاراضي والتزوير
|
اقتباس:
بس وين اليد الوحده ماتصفق شـكــ وبارك الله فيك ـــرا لك على مرورك معاي ماقصرت . |
اقتباس:
شـكــ وبارك الله فيك ـــرا لك على مرورك معاي ماقصرت. |
اقتباس:
شـكــ وبارك الله فيك ـــرا لك على مرورك معاي ماقصرت |
اقتباس:
وكل واحد بجيه يومه ويعرف الحقيقة والندم ماينفعهم وكلامك كله صح ماقلت شي خطاء ماقصرت بيض الله وجهك. |
اقتباس:
وقلت كلمة الحق تنقال بدون خوف منهم بارك الله فيك وجزاك الله الف خير الله يجعلها في موازين حسناتك ماقصرت معاي بيض الله وجهك ومن يعز عليك ياالغالي. ثانيآ:أتمنى من رجال الأعمال وكبارية البلد والفاعلين الخير أن يطبقون كلامك الخاص للصندوق ولو بريال واحد من كل شخص من كل يوم وبعدها تتطور العيون بأحسن مايكون في الشرقية. |
اقتباس:
ماقصرت بيض الله وجهك ومن يعز عليك ياالغالي وكلامك كله صحيح في محله وموفق بإذن الله لك مني أجمل تحية . وكلمة الحق تزعل عندهم والمدح فيهم والمجاملة لاتزعل إن شاءالله يجيهم عقاب من الله أو بلوه تبليهم بأذن الله. |
كلامك صحيح وكلنا فينا غيره لبلدنا وكن اللي تقول عنهم اكباريه البلد من صباح الله خير وهم مداومين في البلديه وذلك لترتيب مصالحهم
ياالعنابي كيف تبي عنده امانه والاكباريه اول من يداومون عنده في المكتب وانت اعتقد تعرف ذلك ليش .................................................. .....؟ الله يهديهم ويصلحهم ان شاء الله |
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون