|
للشباب انواع تعال وشوف ؟؟
للشباب أنواع تعال وشوف ؟؟ ؟؟ الشباب وش يسوون عند الاشارة النوع الاول : وهو الذي يستغل وقته ويرتب سيارته ويفتح دروج سيارته ويعفط في الفواتير ويرميها في الشارع وفجأه ماتدري الا وهو ناقز في المرتبه اللي ورا يرتبها .. ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف .. . النوع الثاني : وهو اللي تقول ان وجهه توه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح وشوي ويقص اظافر يده وماتدري الا واهو مرفع رجله ويقص اظافر رجله هذا اذا كان معاه مقص اظافر والا ماعنده مشكله يقصها باسنانه ( قمة النظافه ) !! النوع الثالث: وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !! وعاد شوف الرقص كيف ؟؟؟ النوع الرابع: وهو عكس اللي قبله وهو اللي يشغل شريط اغاني(اى اغنية قديمة) وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!! النوع الخامس: وهو اللي تقول توه مكتشف انه ابو وماتسمع غير هواشه على بزرانه اللي مالين سيارته وماتدري الا وهو ساحب العقال ومخرب التشخيصه (يستعمل اساليب التربيه الحديثه) ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! النوع السادس: وهو اللي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون) مسوي جو اجنبي!! (على فكرة سمعت ان بعضهم يحط مناكير على اظافرة واللون احمر وكلام ثقة بعد حسبي الله ونعم الوكيل) النوع السابع: وهو اللي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشوارما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!! النوع الثامن: وهو اللي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع واللي جنبه طفشان ومشتغل مسجات بالجوال !! النوع التاسع: وهو اللي سيارته زحمه مو ناسي ولا ماخلى ثوب ولا شماغ ولا بدله ولاجزمه الا ومركبها (الله يكرمكم)) معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!! النوع العاشر :قابل للتشفير) : وهو من يوقف عند الأشاره وهو بس يقز في هذي السياره وهذيك وعاد انواع الفنون لما تكوون السياره اللي جنبه فيها بنات وانواع الترقم والمغازل ويتميلح حتى لو كان شكله شين ومو هذاك الزود اهم شئ تناظره البنت لناظرته عطته اهتمام برد قلبه ... منقوووووووول .... .................................................. . |
يعطيك العافية مهرة الخيال على الموضوع
اشواااا اني مو منهم ههههههههههههههههه |
بسرعه بو طلال ولا العيون
يعطيك العافية مهرة الخيال على الموضوع
|
http://www.aloyun.net/photos/6804.gif باب الليل ... تشرفت بمرورك ..
|
http://www.aloyun.net/photos/6804.gif اخوي ابو عبدالله ...تشرفت بمرورك ..
|
هههه أنواع عديدة وأساليب مختلفة نسأل الله العافيه وباقي نوع ماذكرته !
ع العموم يعطيك العافيه على الموضوع الطريف ونتمنى جديدك دائماً . |
|
الله يعطيك العافيه أختي مهرة العيون ... وسلمت يداك ... أسعدني تواجدك في صفحتي ...
|
والله فضايح الشباب هنا
غيروا الموضوع الى فضايخ شبابية تسلمين |
هههههههههه
طلعتي الفضاايح الله يجزااكِ خير ؛ ) يسلمو على روعة النقل لا عدمنااكِ |
أسعدني كثيراً تواجدك بصفحتي اخي الردار ... مع احترامي الكبير لك ... الا أن هذا من واقع الحال ... لاهان احساسك ..تسلم يعطيك العافيه ...
|
تسلم اخوي نصراوي العيون .... هذا من ذوقك الطيب ... تشرفت بتعليقك ..يعطيك العافيه ...
|
شدعوه عاد
كاهذا يطلع منا وماندري انكم تراقبون يالبنات يمه منكم والله ينخاف منكم تدرين عاد انا واحد من ذولا الشباب وكنج وصفتيني صح لووووووووول مب قايل منو انا فيهم |
يعطيك العافيه اخوي فقير الفريج على المرور ... الاعتراف فضيلة ولو لم تصرح من أي نوع .... مع احترامي ...
|
السلام عيكم ورحمة الله وبركاتة . . .
الحين انتي حرمة لية جاية وتنقلين كلام حق رجاجيل . . النسوان مالهم الا سوالفهم بس متخصهم سوالف الرجاجيل وبس . . اخوكم العازف 6666. . . . !! |
| الساعة الآن 09:18 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون
