|
سلام عليكم مساء الخير اسف ع التاخير لاني كانت عندي ضروف شوي توني راجع واللي بديت فيه غنيتها ومدري كني استعجلت او ماغنيتها زين وهناك وهنا وجات هالابيات يعني المرات الجايه يبيلي اني ما اتعجل وان شاء الله هذول اوكي والله يقويك ابكي على مرير امروه--ورمشي على العين ذاري جرحي من القلب ياقوه--ليت البكى يطفي ناري-ليت البكى يرد جاري واللي تبيه يشعل ضوه--كني على الضيق شاري |
سلسال الــذهـب يا هلا بك والشعر على بابك - الحمد لله على سلامتك ..حسـبت أنك خلاص زهـقت ومليت ! ! لكن أحـسـن يوم جـيت .. حـياك اللـه . قال سلسال : ابكي على مرير امروه -- ورمشي على العين ذاري جرحي من القلب ياقوه -- ليت البكى يطفي ناري- واللي تبيه يشعل ضوه -- ليت البكى يرد جاري كني على الضيق شاري قال عبدالرحمن : اللي تحـته خـط موزون والباقي مكسور . ليش كذا يا سلسال ؟.. من اللي قال لك اكتب وانت مستعجـل ؟ - شـف يا سلسال..الآن أبغـيك تروح قـسم الشعر وبتحـصل قصـيدتي جديدة وهي على نفـس اللحـن ( وإذا جازت لك احـفظها غـيب ) ..وأبغـيك تقراها وتكررها مثـل ما علمـتـك من أول.ثم تجي وتـعـدل أبياتك اللي كـتبتهم أوزنهم عـدل على اللحـن . ياللـه عزيزي أنا بانتـظـارك . = |
الله يسلمك عمي بو اديب انا مارحت شفت القصيده الجديده ابي اوزنها على نفس القصيده اللي قبل انا اتحدى نفسي كذا احسن انا اذا عجزت من اللحن بقولك عمي هذا اللحن تعبني لكن اليوم حاولت مو ع السريع يعني بركاده وجات كذا معي غنيتها ومنا ومناك وطاط وبيب وهذا ماحصل معي بو اديب نسيت اقولك يعطيك العافيه يذرف من الدمع بامروه --رمشي على العين يذري جرحي من القلب ياقوه -- خذني على وين مدري خلي على الريق يانوه-- مدري من الزين يدري |
سلسال الـذهـب مرحبا مرحبا - أقـول يا سلسال . تراك أفلحـت في الـوزن لجميع الأبيات لكـــن أنـبـهـك على شـي مهـم وهـو : أن الأشـطر الأولى ( يعني النصـف الأول للأبيات ) يخـتلف وزنها عن وزن النصـف الثاني . - شــوف اللي باللون الأحمر يخـتلف عـن وزن اللون الأخـضر . يذرف من الدمع بامروه --رمشي على العين يذري جرحي من القلب ياقوه -- خذني على وين مدري خلي على الريق يانوه-- مدري من الزين يدري - ياللـه هات بيـتين جـديدين يا عزيزي الشاعر. بانتـظــارك . = |
مرحبا عمي
بس ودي اعرف هل يضر الاختلاف الاوزان وهذا الابيات ان شاء الله انهم اوكي وشاكر لك قلي على عمي وشلي--ربحي من اليوم جداره دمـي على عمي يقلي--غبن الغضي بعد جاره |
ساسال الذهب هلا بك وطير الشعر يرفرف على بابك . - فيه بعض من التنسـيقات يصـلح فيها بحرين يعني لحـنين يعني وزنين . لكـن الغالب اللي مثـل نظـمك هـذا ما يصلح فيه إلا بحـر واحـد للشـطرين يعني لحـن واحـد يعني وزن واحـد . . . فإذا وضـعت لك بحـرين في قصـيدة واحـدة في مثـل هـذا النسـق فكأنك تلبس ثوب نصـفه أسود والنصـف الآخر أحمر . . - أما بخـصوت الأبيات اللي كـتبتها : قلي على عمي وشلي--ربحي من اليوم جداره دمـي على عمي يقلي--غبن الغضي بعد جاره - اللي تحـتها خـط موزونة فقط . . وكذلك ترى الشـطر الأول على لحـن ، والشطر الثاني على لحـن آخر - طـعـني يا سلسال .. روح لقصـيدتي ( منديل المودة ) وكررها وااااااااجـد ثم اكـتب اللي تـقدر عليه على نفـس لحـنها . ياللـه أنا بانـتــظــارك . = </b> |
مرحبا يعني اللي فوق مو اوكي مايصلح قصيده
وقصيدتك طويله ومافهمتها خلني ع هذا ازين لي يالله يعين ربي نرتب وحده من جديد يعطيك العافيه |
قلبي من الضيق جالك--يشكي عن الناس احواله
وجدي على الطيب وصالك--كني انا اليوم قباله وصلي على مدى حبالك--بشري من الهم بداله |
سلسال الـذهـب يا هـلا بك ومرحبا . - ما ضـبط الوزن مازال مضطرب . . الظاهر أنك ما عرفت تضـبط اللحـن . هـذه أبيات باكـتبها الآن وابغـيك تجيب مثـلها على وزنها . يا ملتـقـى الشـعّـار..ودّ..الرسـالة ْ /// عـند المسا.. عـطـها بالاداب سـلسـال سلـّم عليهْ وقل عسى طاب فاله ْ /// عسـاه في مـيـــدان الأشــعـار جــــوال بانتـظــارك . = |
ابيات جميله تبي نفس الوزن والقافيه غير
خلني على الوزن اللي قبل يايضبط ياابطل شعر |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون