|
ساسال الذهب هلا بك وطير الشعر يرفرف على بابك . - فيه بعض من التنسـيقات يصـلح فيها بحرين يعني لحـنين يعني وزنين . لكـن الغالب اللي مثـل نظـمك هـذا ما يصلح فيه إلا بحـر واحـد للشـطرين يعني لحـن واحـد يعني وزن واحـد . . . فإذا وضـعت لك بحـرين في قصـيدة واحـدة في مثـل هـذا النسـق فكأنك تلبس ثوب نصـفه أسود والنصـف الآخر أحمر . . - أما بخـصوت الأبيات اللي كـتبتها : قلي على عمي وشلي--ربحي من اليوم جداره دمـي على عمي يقلي--غبن الغضي بعد جاره - اللي تحـتها خـط موزونة فقط . . وكذلك ترى الشـطر الأول على لحـن ، والشطر الثاني على لحـن آخر - طـعـني يا سلسال .. روح لقصـيدتي ( منديل المودة ) وكررها وااااااااجـد ثم اكـتب اللي تـقدر عليه على نفـس لحـنها . ياللـه أنا بانـتــظــارك . = </b> |
مرحبا يعني اللي فوق مو اوكي مايصلح قصيده
وقصيدتك طويله ومافهمتها خلني ع هذا ازين لي يالله يعين ربي نرتب وحده من جديد يعطيك العافيه |
قلبي من الضيق جالك--يشكي عن الناس احواله
وجدي على الطيب وصالك--كني انا اليوم قباله وصلي على مدى حبالك--بشري من الهم بداله |
سلسال الـذهـب يا هـلا بك ومرحبا . - ما ضـبط الوزن مازال مضطرب . . الظاهر أنك ما عرفت تضـبط اللحـن . هـذه أبيات باكـتبها الآن وابغـيك تجيب مثـلها على وزنها . يا ملتـقـى الشـعّـار..ودّ..الرسـالة ْ /// عـند المسا.. عـطـها بالاداب سـلسـال سلـّم عليهْ وقل عسى طاب فاله ْ /// عسـاه في مـيـــدان الأشــعـار جــــوال بانتـظــارك . = |
ابيات جميله تبي نفس الوزن والقافيه غير
خلني على الوزن اللي قبل يايضبط ياابطل شعر |
دربي من الشعر ماطلته--قلبي عن الزين قفلته
شعري حسب علمي مانلته--هذا كلامي هذا قلته |
جرحي من القلب عله--جفني من النوم صامِ
ضدي من العام كله--قلبي من العام ضــامِ طرقي من السيف سله--همي من سنين عامِ ويعطيك العافيه |
سلسال الـذهب يا هلابك والشعر بتمسـكه بمخـلابك . قال سلسال : دربي من الشعر ماطلته--قلبي عن الزين قفلته شعري حسب علمي مانلته--هذا كلامي هذا قلته جميل وحلو وموزون وجاي على اللحـن المطلوب . . بس البيت الثاني اللي تحته خط . ركيك في الوزن - طـبعا ً هو موزون لكن مو مثل اللي قبله . - طيب خـلنا نشوف الأبيات اللي بعـدها : جرحي من القلب عله--جفني من النوم صامِ ضدي من العام كله--قلبي من العام ضــامِ طرقي من السيف سله--همي من سنين عامِ اللـه اللـه ماشاللـه ماشاللـه جميلة وموزونة . . ذكرتني لحـن جمييييييييييل لهذا الوزن - جميلة جميلة والوزن مضبوط لكنه يخـتلف عن وزن الابيات السابقة . - تـنـبـيـه : أحسنت يا سلسال هذا انت كتبت على لحـنين مخـتلفين ممتاز .. بس أبغـيك ما تخـلط بينهم في قصيدة واحدة.. انتبه لهم وخـلك حـذر لأنهم متقاربين جـدا ً . يعـني يبي لك مسجل وتسجل كل واحد لحاله على لحـنه اللي يخـصه وتحـتـفظ بالشريط علشان ترجع له . . لا تعـتمد على الجوال يمكن يضيع أو يطير اللحـن . . نـفـذ اللي قلت لك من اليوم ولا تتهاون . - عاد شف جـرب مرة ثانية اكتب بيتين على اللحـن الأول ، وبيتين على اللحـن الثاني ياللـه خـلني أشوف .. لاتنسى التنبيه اللي قلت لك قبل اشوي ارجع له مرة ثانية قبل ما تكتب الأبيات الجـديدة . - عاد.. أبغـيك تعـلق على كل فقرة كتبتها لك في هذا الرد .. ولا تنسى علمني اش تسوي ، وش سويت ، علمني كل شي .. ولا تخـتصر الكلام أبغـيك تسولف لي على الراحة عـن كل شي . ياللـه عـزيزي أنا بانتـظـاااااارك . . لا تبطي . ******************** - أما هذان البـيتان اللذان كـتبتـُـهما أنا . . فنخـليهما للحـلقة القادمة لأنهما على لحـن جـديد . يا ملتـقـى الشـعّـار..ودّ..الرسـالة ْ /// عـند المسا.. عـطـها بالاداب سـلسـال سلـّم عليهْ وقل عسى طاب فاله ْ /// عسـاه في مـيـــدان الأشــعـار جــــوال = |
الله يوفقكم ان شاء الله
انتظروني وياكم |
مشكور صقار على التعاون بواديب انا مخلي صقار يرسلك الرابط لاني كنت برى البيت وخليته بالبلاك يرسلك الرابط تشوفه ومشكور صقار مره ثانيه الله يعينا عليك ياصقار عاد بتصير شاعر في النخل سلام عليكم بتقول تاخرت بقولك ايه كان عندي اختبارات وتوني معطل اليوم وعلشان كذا ماجيت الا متاخر واللي بديت فيه غنيت اللحن الاول وبنيت عليه وغنيت الثاني وبنيت علي مدري هم اوكي الفكره اني توني كتبتهم الحين الساعه 1:00وان شاء الله اوكي وانتظر رايك الاول وقتي على الشعر ناداني-- شقري من البيت بوزاني -شطري من البيت زاني تذرف من الموج اشجاني--تدري عن الساني حصاني الثاني زودي على الخيل خيلي--خيلي من الزين غزاله ترى التعب ماهد حيلي--ترى الذهب عصبً مناله عموما الله يعطيك العافيه |
سلسال الذهـب الله يحـييك أنت وصـقار زعـب قال سلسال : الاول وقتي على الشعر ناداني-- شقري من البيت بوزاني -شطري من البيت زاني تذرف من الموج اشجاني--تدري عن الساني حصاني قال عبدالرحمن : اللي تحـته خـط يخـتلف الوزن والباقي صح اللـه لسـانك قال سلسال : الثاني زودي على الخيل خيلي--خيلي من الزين غزاله ترى التعب ماهد حيلي--ترى الذهب عصبً مناله قال عبدالرحمن : اللي تحـتها خط غير موزونة . - الله يهـديك شـفت استعجلت وخربت الوزن في الأول والثاني . ياللـه عـدلها أنا بانتـظــارك = </b> |
بو اديب شلونك اليوم غير
ماكتبت شسالفه واللي موزون ولاخطا يعطيك العافيه لكن يالله سم زودي على الخيل خيلي--كيفي من الناس ناسي ويلي من الزين ويلي--وجدي على الارضِ راسي |
سلسال الذهب هلا بك والشعر على بابك قال سلسال : زودي على الخيل خيلي -- كيفي من الناس ناسي ويلي من الزين ويلي -- وجدي على الارضِ راسي قال عبدالرحمن : اللـه اللـه اللـه.. يا ليتك تسـمعـني وأنا أغـنيها . . جاية على لحـن جـميل جميل . صــح لســانك .. هـات مثـلها ..عـاد تكـفا..انتبه لا تكسـر الوزن عـلشـان ما تخـرب مزاجي وأنا أغـنيها . بانتـظــارك = </b> |
هلا بو اديب
ان شاء الله ماغير مزاجك وسم بدري من الليل ليلي--عصري من الباس قاسي عيني على العين ميلي--لبسي من الباس لباسي يالله فالي التوفيق وياك |
اقتباس:
|
| الساعة الآن 10:02 PM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون