|
|
لاذكرتك..تذكّـرت القمر والشمـوع
وانشرح خاطراللي..عاش رحلة ضياع يعلم الله ماني مشتكي..مـس جـوع لكن الشوق يجبرني..علـى الاندفـاع أنت ياللي سلبت..العقل والقلب طوع ويش ناوي تسوّي؟؟ياحسين الطبـاع والله إنك خذيت من الجمال..ألف نوع مابقـى لـلأوادم يالغضي..مـتـاع ايه أنالاذكرتك..أعـرف إن الشمـوع تنطفي في غيابك..وابتدئ بالضيـاع |
تكفى..تكلّم..قول..وش ودك تقول!!
من قبل لاشمسي..وشمسك..تلاشا من قالها:لك؟؟كيف بنساك؟؟معقول!! أقسـم.. قسـم بالله ..كلاّوحاشـا ياخي تراني بالفعل..منك مذهـول واغض طرفي..لك غـلا واتحاشـا وإلا تراني..عنك ..ماني بمسـؤول لاقايـد الثـوره..ولانـي ببـاشـا لكن..تريـدأقـول؟؟والله لاقــول شفها..عروق القلب..ماتت عطاشا |
سهيرالعين..وظروفه تعوقـه يطالـع ساعته..ماهوبرايـق لذيـذ الزاد..عيّـا لايذوقـه ولايجلس بمجلاسه...دقايـق دموع العين..عبراته تسوقـه ويخفيها عن عيون..الخلايق سلام الله عليك يالصفات الخلوقه سلامي واحترامي له .. حقايق |
اي والله بضايق من رحيلك
ولا تخلي طيبك عني سبيلي ولاتحسسني دموعك يطفي غيابي .. شموعك جيتك انسان ضعيف طفل .. عيونه كفيف قلت انوّر فيك.. ليلي وغصب عني انهد .. حيلي |
عادتي صدق المشاعر
وانت ي يابن الناس شاعر تدري باللي وسط روحي وماجهلت ابدا ً ...جروحي غالي وقلبي يـــودك غالي وقلبي يـــودك |
طيّـب واقـدر طيبيـن الحمـايـل والمدح للاهل المدح واجب ومفروض ومن لاكسـب علـم الفخروالجمايـل هذاك حبله بيـن الاجـواد منقـوض وانـا اليامـن قلـت عنـدي دلايـل اكشف بسحرالقافيه سـر وغمـوض والعفـن لوجنّـد جميـع الوسـايـل تلقـاه بقلـوب المناعيـر مرفـوض |
يالمقفي ما لدّيت لخـلاف .. تطنيـش وين انت رايح وانت .. وين انت عايش مرّار في دربك .. سـوات المطاريـش اتعبت رجلـك .. والركايـب عطايـش ما خاف ذيبك .. من ضواري وتهويش كشّـر لبـارودٍ .. بنـابـه وقـايـش ما همّك العيشه .. ليا صـار بتعيـش تابـع ورا التابـع .. لتابـع كدايـش وشلون يالعاقـل .. مداهيلـك الطيـش مير العجب .. عقلك فلا هـو بطايـش ما يذبحك .. رمش العيـون البشايـش ما يطربك .. مزمـار ودقّ المهابيـش ما يطربك .. كود المـزون الرشايـش يا محيّر العقّـال .. حيّرتهـم ليـش؟! يا مجنّب الجهّـال .. ومهمـل ولايـش يالشاعر اللي .. نبّش القـاف تنبيـش يا مجدد المعنى .. ليـا صـار بايـش لا ما عسرك القاف .. لكن على ويـش تفتح لقافك بـاب .. وتفتـح درايـش ويا مغنّي ما لدّيت لخلاف .. تطنيـش غنّيت جرحٍ .. كل مـا صـار شايـش |
أيام عمري كلها هـم وشقـاء وش اسوي جعل ربي بس يعين لو بغيت اسـلا قلبـي ماسـلا واعذابي عيا حضـي لا يزيـن اتمنى أعيش لحظـات الهنـاء كل ما سجيت عاودني الحنيـن اتصبـر والصبـر زاد العنـاء انقضى عمري وانا بهمي حزين اطلب الله ارتجي صبح ومساء بالأمل صابر على هم السنيـن |
نخيت آنا ابيـات القوافـي وجنـي
ورسمت انا الخطة واحكمت الابيـات ودي اترجم بـس بيوتـي عصنـي بشرح لك احساس الغلا بلمح لحضات ليـا بعـد حيـي وطيبـك عجبنـي ومن يلحقة فرز الوغي قول هيهـات حرك خفوق الطير بفخر(ن) هزبنـي من كوكب الزهرة حتي قمـر سـات |
يمـه الا مـن المنايـا خذتـنـي تكفيـن يمـه لاتصيحيـن فرقـاي المـوت حـق ودنيتـي فاختتنـي خذيت منها ومـن الايـام مكفـاي يمـه الا منـه خواتـي بكتـنـي وعيني تساوبه نهـاري وممسـاي وجدران قبري يابعـدي طوقتنـي والدود دلى ينهش العظـم وحشـاي بـس ارفعـي يديـك ياملهمتنـي وادعي تشيييل اكتاب الاعمال يمناي |
| الساعة الآن 08:16 PM. |
|
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون