|
موضوع رائع وفكره مميزه..
شكراً لك ايتها المتألقه |
ما شاء الله
فكره جميله |
الشكر كل الشكر لكل من مر على موضوعي ..
وادلى برايه هنا .. سلم فكركم وماخطته يداكم .. اسعدتني ردودكم الرائعه .. والمشجعه لي .. بارك الله فيكم ... |
سيمسك المايك عضو استطاع ان يكسب احترام الجميع ..
اسمه كان له بالغ الأثر.. في هذا الصرح .. ردوده مشجعه .. ورائعه.. وله وقفات .. لاتنسى .. نجده هنا وهناك .. يناقش ويبادل .. ويجادل ويمازح.... هل عرفتم من هو .. ؟ مقدمتي لاتفيه حقه .. فهناك أناس لا تفيهم حقّهم إلاّ أبجدية خاصة بهم.. يعني اللي يبي يدخل قلبه.. وبيحبه من قلب .. يعزمه على مندي لحم او اي شي ..المهم اكل .. :) مشها لنا عاد .. انه المشرف العام ... ( ابو طلال ) http://www.tashtube.com/try/files/nx...5i340780ya.gif فله أن يتفضل ويمسك المايك ..
|
مندي لحم
اممممممممممممممممممممممم خلاص وافقت أمسك المايك بس عقب المندي أبتدي راجع ............. |
سلام يا أحبة
مالقيت شي أفضل من أني أتحدث عن الملتقى هذا الصرح اللي منه تعلمنا الشي الكثير ومن خلاله وتعرفنا على أناس لي الشرف أني أتعامل معهم والتعامل اللي أقصده هو وجودنا مع بعض ومشاركاتنا اللي نحطها في الملتقى من مواضيع وردود لكن أريد التحدث شي لعله خافي على البعض من الأعضاء أن الملتقى يمر بأوقات ركود وهذا أمر طبيعي أن يحدث فلكل منتدى أوقات ركود لكن مايميز الملتقى هو وجود أعضاء قادرين على سد الفراغ يكون هناك غياب أحيانا لكثير من الرموز في الملتقى يكونوا متواجدين أحيانا لكنهم غايبين من ناحية المشاركة عادي واحد عنده حالة ملل وحالة طفش وحالة كسل مايبي يشارك ، وده يشارك لكن ماهو قادر لكن مع هذا الركود نجد أن واحد من الأعضاء أو مجموعة منهم نشطوا وصاروا شايلين الملتقى على كتافهم لوحدهم راح أذكر بعض من هذه المواقف في بداياته كان الملتقى نشط إلى حد ما إلى أن جاء الأخ الجار < سميته من ذاك الوقت عمود الملتقى فصار الملتقى في القمة تحول الملتقى تحول كامل وقتها أخونا الجار غاب فترة فخفت وهج الملتقى وقتها بدأ التوهج من جديد من شخص آخر وهي المشرفة ذكريات وبعد مدة من الذبول جاء الأخ أبو محمد ( النورس ) وجاء النشاط يدب من جديد وبقوة عجيبة في هذه الأثناء خرج لنا الأخ عاشق الجنان بأفكار ورؤى ومواضيع عيونية جدا رائعة أنعشت الملتقى وتلك الفترة كان موجود الأخ ابن المقرب والمشرفة اماني العمر والاخ السندباد وأخونا أبو سلمان والقاضي والفضي وأخبار العيون وجرادة و saad194 ومن ثم اختفى هذا التوهج بعدها جاء دور روح العيون الذي سار بالملتقى لوحده ليخرج لنا اعدام ، المحروم ، صمت الجروح ، سيف العيون ، أسيف الجزيرة ، العيون 2005 بعدها يرجع لنا الجار ويرجع الملتقى يصعد للقمة من جديد ولا أنكر من وجود العنصر النسائي العجيب في تلك الفترة وهم ، دلع العيون ، crazy girl ، شوق ، وغيرهن من اللي يشاركون عشر او عشرين مشاركة ثم يختفين لكن مشاركاتهن كانت رائعة وقوية جدا الملتقى يفقد بريقه زي أي منتدى في النت لكنه في قلوب محبينه يبقى غالي وعزيز جدا مثل الألماس حين تعلوه طبقة من الغبار ويفقد بريقه يأتي لنا من بين الأعضاء شخص يبعد تلك الطبقة ليرجع ذلك البريق الأخاذ من جديد عشق الملتقى يا أحبة أبدي وهذا ملموس ومشاهد كثير والملتقى الآن من أفضل فتراته وإن غابت عنه قمم من الأعضاء فهناك قمم أخرى تأتي |
نصيحة قالها لي شخص كبير في السن ما أعرفه وإحنا في باص النقل الجماعي في بداية عملي بعد التخرج ، بعد ما تكلمنا وحكينا وكل شخص ارتاح للآخر .
قال : ياولدي عامل الناس بأخلاقك أنت وليس حسب أخلاقهم لأنك إن عاملت الناس حسب أخلاقهم راح يصير لك أكثر من الف خلق ولكن عامل الناس كلهم بخلقك أنت ، الناس فيهم الغشاش وفيهم الطيب وفيهم النساي وفيهم المغرور وفيهم اللي على قد عقله وفيهم الماكر وفيهم وفيهم وفيهم فإن واجهتك مشكلة مع أحد الناس عامله بخلقك أنت ماتشوف اللي قدامك شلون هو وتروح تسوي زيه إن كان طيب اتعامل معاه بالطيب وان كان مغرور اتعامل معاه بالغرور ......... تعال نشوف حياة الرسول عليه الصلاة والسلام لأنه يعامل الناس بأخلاقه هو لا حسب تعاملهم معاه وراجع السيرة النبوية تلاقي كلامي صح . وهذه نصيحة أنقلها لكم كما نقلها لي الشايب في باص النقل الجماعي . |
مشكور والله يعطيك العافية ابوطلال
|
طيب وهذه نصيحة واحد انجليزي معاي في الدوام وهو كبير المشرفين على المهندسين والموظفين بعد ماشافني متململ من العمل
لأنه تم إسنادي بعمل ما أحبه ، وطبعا هذا العدم الحب خلاني أزهق بسرعه ، ما أهتم في إنجاز العمل كما يجب ، ما أصدق القى فرصه عشان امرر العمل لغيري ، تحين الفرصه للخروج من العمل . جاني هذا الأنجليزي وقال لي أنت لك سنة في العمل وأنا لي 30 سنه 15 سنه في بريطانيا و15 في السعودية وهذا أنت بين عليك أنك تعمل من غير نفس لأنك ماحبيت عملك ولم تتكيف معاه وأنا لي ثلاثين سنة ما احب عملي هذا لكني تنقلت بين مناصب كثيرة لأني تكيفت معاه ماكان حلمي أني أعمل هكذا عمل لكن حظي جابني له ولايمكن أني القى عمل آخر لذا تكيفت وغصبت نفسي أن أجيده وأن أبدع فيه وأن أكون كما يطلب مني من مبادرة وتمكن فخذها مني نصيحة أنك إن طلب منك عمل ولو لم تكن تحبه أنجزه كما يجب وكن صبورا جدا ولابد من أنك تتعلمه جيدا وأن تخلص فيه طبعا سيأتي ذاك اليوم الذي تصبح فيه مسؤول لعمل لم تكن تحبه ولكن تجيده أحسن من أن تكون موظف عادي لعمل لاتحبه وعمل لاتجيده وهذه النصيحة من الإنجليزي لي ومني لكم جميعا |
بس أنتهيت
والأن أقدم المايك لمقدمة الموضوع الأخت مهرة الخيال مع فائق الإحترام والتقدير والمعذرة على الإطالة |
| الساعة الآن 03:43 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون