|
سلام عليكم
وشلونك بو اديب بعلمك شسويت رحت حق الابيات وغنيتها وسجلتها وبعدين بنيت عليها بس مدري يمكن بنياني بدون سمنت لكن ان شاء الله اوكي والله يعيطيك العافيه مني على هجين تاخذ بي--ربي عن الناس هداني وجدي على ديار ناحت بي--حبي عن الباس وداني |
سلسال الذهب مني على هجين تاخذ بي--ربي عن الناس هداني وجدي على ديار ناحت بي--حبي عن الباس وداني - الوزن ممتاز - هالحـين هات على رقم 2 يالله بناتــظـــارك - |
سلام عليكم
شلونك بواديب جمعه مباركه عليك ان شاء الله تبي رقم 2 ابشر الحين من عيوني ومستعجل وبظبطه بعد وخذا لحن رقم 2 والحانها لحنً نشيله--والحانها صوتً نشيده وقيفانها قافً دليله--اوزانها صعبً نصيده والله يعطيك العافيه |
سلسال الذهب يا هلا بك والحانها لحنً نشيله--والحانها صوتً نشيده وقيفانها قافً دليله--اوزانها صعبً نصيده جميل جميل جـدا ً أحسنت وصح لسانك . - يالله هالحـين هات على رقم واحـد . انا أنتظــرك = |
سلام عليكم
وشلونك بواديب عساك طيب تفانضل هذا رقم واحد وان شا الله زين نرسم عهودً جديده--نكتم وعودً قديمه نخفي امورً عديده--نفتح جروحً صميمه والله يعطيك العافيه |
سلسال أهلا ً وسهلا ً ممتاز جـدا ً يا سلسال . - هات على نفس اللحـن رقم واحد اربعة ابيات ..لكن غير القافية . بانتـظـــارك = |
سلام عليكم
وشلونك بو اديب مساك الله بالخير اعذرني ع التاخير مو مني لاني ماعندي نت علشان كذا تأخرت حاولت وغنيت اللحن اللي قبل اللي بالجوال وجات معي هالابيات والله يعطيك العافيه نرسل حقوق القتايل--نضبط صفوف العساكر نربط حبال الوسايل--نحذر عموم المناكر نحقر جموع الهمايل--ننقل طيور المواكر نحفظ حقوق الهوايل--نطلق حمام المحاكر الله يعطيك العافيه |
سلسال الذهب هلا بك نرسل حقوق القتايل--نضبط صفوف العساكر نربط حبال الوسايل--نحذر عموم المناكر نحقر جموع الهمايل--ننقل طيور المواكر نحفظ حقوق الهوايل--نطلق حمام المحاكر قال عبدالرحمن : مادمت بهـذا المسـتوى الممتاز في الوزن فأنت معـذور على التأخير . - لكـن لاحـظ يا سلسال . ترانا ما تكلمـنا عن المعنى وجمال الكلمات.. هذي نخـليها لـين نتأكـد من ضـبط الألحـان . . فـهمت ؟.. جاوبني : فـهمت ؟ . - قال عبدالرحمن : " قـال الـذي ما يكـوده " //// زين الشـعـر واللحـوني بالوزن يضـبط حـدوده //// لـه القــوافي يـجـــوني - س / قـل لي : كم رقم هـذا اللحـن ؟ - ياللـه هات مثـل البيتين بالقافية واللحـن . بانـتــظـــارك . = |
قال عبدالرحمن : مادمت بهـذا المسـتوى الممتاز في الوزن فأنت معـذور على التأخير . - لكـن لاحـظ يا سلسال . ترانا ما تكلمـنا عن المعنى وجمال الكلمات.. هذي نخـليها لـين نتأكـد من ضـبط الألحـان . . فـهمت ؟.. جاوبني : فـهمت ؟ . يس فاهم تدري ليه المعنى عندي ميت لاني مااسمع واجد علشان كذا مفرداتي مكرره لكن اوعدك من اليوم اسمع كثير وانت نصحتني من اول لكن ان شاء الله اكون الفكره ونظبط هالفكره - قال عبدالرحمن : " قـال الـذي ما يكـوده " //// زين الشـعـر واللحـوني بالوزن يضـبط حـدوده //// لـه القــوافي يـجـــوني - س / قـل لي : كم رقم هـذا اللحـن ؟ وهذا رقم واحد (1) - ياللـه هات مثـل البيتين بالقافية واللحـن . بانـتــظـــارك سلسال الشعر يقوده--يعشق الحان الشجوني سلسال يعشق صدوده--استاذ الشعر حنوني وان شاء الله وفقة |
سلسال الذهب هلا بك هلا قال سلسال : يس فاهم تدري ليه المعنى عندي ميت لاني مااسمع واجد علشان كذا مفرداتي مكرره . قال عبدالرحمن : مادامك عارف . خلاص اترك هذا الموضوع بعـدين مثـلما قلت لك ، خـلك مع الوزن لين تمسـك الدركسـون عـدل . قال سلسال : سلسال الشعر يقوده--يعشق الحان الشجوني سلسال يعشق صدوده--استاذ الشعر حنوني - اللي تحـته خـط ما ضبط الوزن - شـاسـوي فـيـك هالحـين ؟ ؟ ! ! .. ما أمـداك . توي مادحـك .. لكـن انا عارف السـبب وانت عارفه .. هـو الإسـتعجال . - لكـن ما عليك ســامحـتك ..لا تتضايق بس عـدلهم أو هات غيرهم . يالله بانـتــظـــارك . - |
| الساعة الآن 01:15 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون