اشياء ترفع الضغط~ادخل واضحك

[мαℓαк αℓ-яσσ7]

هنا عندي لكم أشياء ترفع الضغط كثيرة ... ومنها مايلي:






* أنك تشرب ببسي حار











* أنك تعطي أخوك سيارتك ... ويرجعها والتانكي فاااضي







* أنك تدخل الماسنجر .. وما تلقى ألا اللي ماتبيهم







* أنك تـتـفاهم مع رجل امن سعودي







* أنك تناظر مباراة على ART وأنواع الحماااس وفجأة ينقطع الاشتراك







* أنك تلعب كوره وأنت حافي .. وتشوت غطاء البياره أو تشوت الأرض (الزفلت)







* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار







* أنك تعطي جوالك لواحد ويرجعه لك والرسايل محذوفه







* أنك تقوم من صباح الله وتروح للجامعة تمشي مليون .. وتلقى الدكتور معتذر







* أنك تقوم الصبح وتلقى معجون الأسنان مخلص







* أنك تـَـشرق بالماء







* انك تكون نايم وفي عز النوم واحلى احلام ويجي اخوك الصغير ويطفي المكيف ويولع النور ويطلع ..








** أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون







* أنك تتروش .. وأذا خلصت ماتلقى المنشفه <-- أعرف أقول فوطه .. ولا روب .. بس هي منشفه

أو بعد ما تحط الشامبو تنقطع المويه







* أنك تكتب موضوع طويييييييل .... وأذا جيت ترسله يختفي .. مدري وين يروح







* أنك تغص ولاتلقى أحد يطق ظهرك








* أنك تلبس نظاره وسخه







* أنك تشوف فـلم .. وواحد جنبك يقولك القصة







* أنك تمسك خط وفيه ذبان >> (ذباب) بسيارتك وأنك تفتح الدريشه ولا يطلع







* أنك تاكل مثلوثه بارده

[°•¶ إحسـآسے ملكهے ¶•°]

فعلا كلها أشياء ترفع الضغط بقووووه
بس هذي غير

* انك تكون نايم وفي عز النوم واحلى احلام ويجي اخوك الصغير ويطفي المكيف ويولع النور ويطلع ..
7
7

خصوصا وإنك بالموووت غطيت في النوم


* أنك تكتب موضوع طويييييييل .... وأذا جيت ترسله يختفي .. مدري وين يروح
7
7
قمة القهر بالذات لمايكون الموضوع من بنات أفكارك
وماتقدر تذكر الا جزء منه بعد مايختفي

عزيزتي نهيل
يعطيك العافيه

[ريشهـ رسامـ]

يعطيك العافية يا نهيل على الموضوع الجميل و الرائع بس عيني تراها افقعت من ها اللون...!!!!

[شَ ـآعُ ـٌر ٍ مُـً ِش‘ـًآعٌ َـْر ِ]

القهررر انك تقرا موضوع طوووويل واللون يفقع العيون

خخخخخخخخخخخ



يعطيك الف عافيه

على طاري النوم واخوي يجي يولع النور

مره سواها

وسبقه كاس المووووويه في الجدااار هههههههههههه

[أميرة الهدوء]

القهررر انك تقرا موضوع طوووويل واللون يفقع العيون

يرفع الضغط


* انك تكون نايم وفي عز النوم واحلى احلام ويجي اخوك الصغير ويطفي المكيف ويولع النور ويطلع


* أنك تقوم من صباح الله وتروح للجامعة تمشي مليون .. وتلقى الدكتور معتذر

[мαℓαк αℓ-яσσ7]

[quote=المنسم]القهررر انك تقرا موضوع طوووويل واللون يفقع العيون

سوووري ماهقيت يطلع اللون كذا:(



يسلمووو على المرورر العطر