الفزعه خوياي

[مناحي هلالة]

ابي اخذ لي بطاقه حق بنك منشان مستر كرد قيزا اريد اشتري في الانترنت في السوق حقهم
اتمشرى بس يقول راعي السوق من لزوم يكون عندي بطاقه اسمها مستر كرد فيزا
الحين من كيف انا اقدر اجيب لي مستر كرد

[أبو محمد]

أنت من الأساس .. تحتاج مترجم ..:D:D:D:D:D:D
الله يستر عليك

[طير شلوى]

أنت من الأساس .. تحتاج مترجم ..
الله يستر عليك

هذا يصلح لي وانا اعرف له


مناحي روح البنك اللي عندك حساب فيه وقدم على طلب انك تبي مستر كارد فيزا


انا سمعت انها حرام لانها تتدخل في المعاملات الربوية والكسب الربوي


وشوف مشائخ الملتقى اكيد يفيدونك سواء هي حلال او حرام

[aloyun]

مناحي طيعني لاتوهق نفسك بالفيزا ولا بالماستر كارد ولا باي نوع من البطايق الاتمانيه
تراك بتكون في حاله مايعلم فيها الله الله
انت شوف اي واحد عنده من هالبطايق واسئله
هل ندم على انه اخذ البطاقه والا لا

واذا كان على التسوق في النت ياخي ما اعتقد انك تبي شي ماهو في البلد

[أبو محمد]

ماشاء الله ماشاء الله ..
أتاري عندنا مترجمين يفهمون اسباني

:D:D:D:

[مناحي هلالة]

يعني مستر كرد حرام
عوذه عوذه عوذه انا ماابيها الله لايردها
من لزوم فيه من طريق منشان اتمشرى الاغراظ اللي بالنت من كيف اساويها هاذ الطريقه
من لزوم تعلموني منشان انا اشريها لنه في الجوف مافيه منها بنوب ولا في سكاكا ولا في جماجم

[طير شلوى]

لا يكون لقيت صخله طيبه وبغيت تشريها بالماسنتر كارد


غريبه ما عندكك حراج ولا دوار ولا سوق الخميس

اذا ما اعجبك شئ في سوقكم زورنا وتجد ما يسرك

ان بغيت غنم موجود وان بغيت بط موجود وان بغيت بعران موجود

كل شئ موجود لا يهمك انت تعال ولا يهمك


واذا تبي مسنتر كارد بعد فيه

[AL2o0y0u5n]

انا اقول لك روح البنك

واسال عنها


وقبل لا تاخذها


اسال الشرع فيها

[مناحي هلالة]

طير شلوى هروج مايعجبني بالحيل انت تتمسخر

واللي كاتب من فوقي اسمك ماعرف اتمقراه
بس اي بنك اروح منشان اسال فيه
منلزوم تقول لي منشان ماروح بنك غلط ويطرودني

[°•¶ إحسـآسے ملكهے ¶•°]

<<-- ماتفيدك بالموضوع
بس استفادت
يعطيكم العافيه على آرائكم
واحسن شي اسأل الشرع زي ماقالوا لأن البنك اكيد بيروج لها
وماراح يقولك حرام
http://www.0sss0.com/up/uploader_files21/A5739527.gif

[أبو طلال]

يامناحي انت ليه تدور المصايب ياخي
اذا انت تبي تتعب وتدور عوار الراس خذلك بطاقة ماستر كارد
يا أخي فوق انها حرام تراك بتجيب لنفسك التعب النفسي
كل يوم مديون وكل يوم مطالب

ريح بالك وخليك زي ما انت

انت لو تسئل اي واحد استخدمها
بيقول لك لاترتكب نفس الخطأ اللي سويته
لانه ذاق مرارة الديون اللي تتراكم عليه

خلني اقول لك سبب واحد بس

انت اذا شريت بالبطاقة مثلا بألف ريال
تدري انك راح تردها للبنك الف وزيادة ان تأخرت عن السداد في الميعاد