ماهو معقول اللي يصير .؟!!

[الخــــيالــــي]

بسم الله الرحمن الرحيم
السلام عليكم ورحمة الله

يمكن من العنوان عرفتوا المضمون بس ملاحظه بسيطه أبي اقولها
قبل لا ابدأ

انا كتبت الموضوع هذا لشيء واحد بس وهو لأجل ان نرتقي بالملتقى للقمه
لا طمعا في منصب أو زيادة مشاركات او إثارة للبلبله ..

وبالفعل ماهو معقول اللي يصير .؟
أمر الملتقى غريب وحاله من سيء إلى أسـوأ .. ليه ؟
كل ماتقدمنا خطوه رجعنا للوراء خطوات !!!!!!
إلى متى .؟!

شخصيا قلت في نفسي انسحب من الملتقى وارتاح منه كثير منتديات نشيطه وكل يوم
ترتقي عن اللي قبله أميال وأميال ووش لك بوجع الراس هنا .؟
لكن لحبي للملتقى ودي ومن كل قلبي انه يرتفع فوق فوووووق يكون هو منبر مدينة العيون في النت
ولذلك ابصارع إلى ان يقول الصبر لي بس يكفيني ....!!!

بصراحه مليت .. اكتب مواضيع وانقل مواضيع وانوع فيها ومجالاتها
على امل القى ردود تشجع وتحفز لكن اجلس باليومين
والموضوع لاردود فيه .!!!

وين المشرفين وين المشرف العام وين الإداره ؟ مافيه احد أبد !!
كيف تبغونا نعطي إذا انتوا ماتعطونا !!

عدد الأعضاء 1500 ومانشوف منهم إلا 40 وان كثروا صاروا يا 46 او 48
وعدد المتواجدين في الآونه الأخيره بدا يقل لعدد غير معقول .!!

الأعضاء المميزين والكتاب المحترمين للأسف هجروا الملتقى ..
صار ملتقى ميت مع احترامي لكم مافيه حياه حتى في الألعاب !!

المشرفين
لا وجود لهم الا القلة القلييييله جدا جدا
ولو تواجدوا مانشوفهم الا بموضوع او اثنين او ثلاثه من مواضيع اقسامهم
مشرف القسم اقل اداء له هو متابعة مواضيع قسمه كلها والتواجد فيها
وتشجيع كتابها
واهم شي تنشيط القسم اذا حصل فيه حالة ركود ..
>>>>كل هذي اشياء معدومه للأسف

المراقب العام
نعذره لأنه جديد في المنصب وغائب حاليا
لكن ياترى لو عاد ماذا سيقدم للملتقى ؟؟؟
هل سيتواجد قدر استطاعته في جميع الاقسام ؟ هل سيحرك الاقسام النائمه؟
هل سينتج افكار ترتقي بالقسم .. هل وهل وهل ؟؟
اسئلة تظل غامضه حتى نرى ماسيقدمه
مع انه والكل يشهد مايقصر في شي

المشرف العام والإداره ..
ويــنكم ؟

قليل مانشوفكم في الملتقى وقليل مانشوف مشاركاتكم مع الأعضاء
الملتقى بهذي الحاله محتاج لكم ولجهدكم وتواجدكم بالمشاركات
حتى ولو كان مافيه إلا القليل

إحساس الأعضاء بتواجد الإدارة بجانبهم بعطيهم دافع قوي لتقديم افضل ماعندهم ..

الأعضــاء
انتو الأساس لكن للأسف الشديد لادور لكم يذكر في الملتقى
ليه ماتشاركون . وليه ماتعطون الأفكار اللي ممكن ترفع من مستواه
وليه ماتعطونه جزء بسيط من وقتكم تسجلون حروفكم في صفحاته
وليه تكتفون بالمشاهده فقـط ..؟؟!!



لمســـات

تحية شكر وتقدير للمشرف المتألق الصـامد ( المـحــــــــروم )
وتحية امتنان واحترام للعضوه عيوني العيون

لمــاذا لا تمنع الإدارة مشـاهدة المواضيع عن الزوار .؟؟!!
أغلب الأعضـاء يكتفي بالقراءة كزائر ولا يسجل دخول ..!!

لمـاذا لا يتم سحب إمكانية التصفح الخفي عن الأعضاء ولو لمدة مؤقته .؟!!

المشرفين الموجودين اسم بلا فعل ومالهم دور ومايستحقون الاشراف ليه مايتم تغييرهم ..؟؟
إلى متى المجامله معهم ؟ وإلى متى غيابهم ؟
مايقدرون تحمل المسئوليه خلاص تنسحب منهم .؟
وليه مايتم تعيين مشرفات .؟


العنصـر النسائي في الملتقى يكاد يكون منقرض مانشوف إلا كم عضوه مايتجاوزن عدد اصابع
اليد الوحده ... فيه عضوات تظهر فتره وتختفي فترات
نستبشر خير بظهورهم لكن .... يختفون .؟؟!!
ومعروف ان المنتدى يقوى اكثر واكثر بوجود العنصر النسائي لأهميتهم فيه ثلاثة اقسام خاصة بهم ..

ليه مايكون للملتقى أكثر من ستايل .. للتجديد في الشـكل ..


كلام في القلب ونثرته لكم اتمنى ان يجد صداه عند قلوبكم

[مُتًٍبًلٍدٌ]

كيف تبيهم يردون ويكتبون مواضيع وما في احد يشجعهم

انا بصراحه ادخل الملتقى ولما ادخل ما اشوف احد موجود في نفس الوقت

والمتواجدين في اليوم ما يقلون عن الـ20

حتى المنتديات الجديده زوارها واعضاءها اكثر من كذا

لو في احد يشجع من الاداره او المشرفين راح تشوف الملتقى يبدا يصحى

لكن لا حياة لمن تنادي

حتى لو كلمة شكر

[السندباد]

وعليكم السلام ورحمة الله وبركاته ..

كيف حالك الخيالي؟؟ كيف حالكم جميعاً ؟؟


مع اني كنت مشغووول هالفتره بالحيييل بس قلت يلا بدخل وبشوف الملتقى وش صار فيه

وسبحانه موضوعك هو اللي شدني كثير ..

المهم كلامك كله صحيح ولا يعلا عليه لان الكلام اللي كتبته تلقاه في قلب كل واحد منا

يعاني من حالة البروده وغزارة الامطار في الملتقى..


أسمحو لي بالكلام على راحتي و بالعامية اولا عندك ستايل الملتقى..

يبيله تغيير كل فتره محدده او مناسبه مو بالعون بعد ماياخذ سنه ولا سنتين

والله اذا على كذا غبر الملتقى وترى الستايل له تأثير دافع وقوي للإطلاع او المشاركه فيه ..

يعني مثلا كنت تتصفح في احدى المنتديات وبالصدفه شفت منتدى ستايله

( يهبل..روعه ..جنان ....ألخ) المهم عجبك طبعا ماراح تسأل نفسك بتسجل على طول واذا حطيت

موضوع ورجعت له بعد 3 ساعات تلقى 5 ردود بالكثير , ويعني خلاص المنتدى من ستايل ,

واعضاء , ومشرفين ,واداره , حتى الضيوف راح يتزايد عددها يوم بعد يوم لان كل اللي تبيه

من المنتدى تلقاه حتى ماتفكر تشارك بمنتدى ثاني ..

ومثل ماذكرت تواجد الاداره والمشرفين ودعمهم للملتقى هو الاهم علشان يعطي الاعضاء

التشجيع وخلوا في بالكم ان انتوا اللي تعطون الملتقى مو الملتقى اللي يعطيكم !

==

من ناحيه آخرى ماابي ابتعد عن الغرض الاساسي بس اعتبروها ملاحظه عن مسألة وجود الاعضاء

انا بقول اللي اشوفه والرجاء بدون مفاهيم مغلوطه او إساءهـ او ظلم

يتواجدون اكثر في قسم الالعاب والتسالي ادري (مافيها شي) بس لو سألتم انفسكم وش يتميز

مثلا القسم العام او الادبي عن قسم الالعاب علشان تكون ردوده اكثر (حطوا خطين تحت ردود) ؟؟!!


قـــــــلت(أسألوا انفسكم)



وانا ماابي تستغرق مناقشة المسائل التافهة وقت طويل لأن بعضنا يعرف عنها اكثر مما يعرف



عن المسائل الهامة

==

طلب صغير إلى الاداره :



ياليت تاخذون برأي الخيالي ((المشرفين الموجودين اسم بلا فعل ومالهم دور ومايستحقون

الاشراف ليه مايتم تغييرهم ..؟؟))


ولا نحط العتب واللوم كله عليهم

لان ( قطرة الماء تثقب الحجر .. لا بالعنف .. ولكن بتواصل السقوط )

طبعا اتمنى منكم ومنا التعاون والمبادره باطراح افكار جديده وغير مألوفه من ناحية الشي اللي

ينقص الملتقى حتى يرجع مثل اول وافضل ..


واخيرا وليس اخرا اعجبني موضوعك يالخيالي لانه للنقاش عن كيفية التعامل بحالة الملتقى (جزاك الله خيراً)

واذكركم بأن من المستحيل ان تصل الى مدينة المجد من دون المرور على طريق الصِعاب.



هذاولله التوفيق...





اخوكم\ السندباد..(يقبل النقد البناء فقط)

[المحــــــروم]

اشكرك اخوي الغالي .. على هذا الموضوع الذي يميز قلمك بالجد واحساسك الصادق ..

وهذا الشي ليس بغريب على قلمك االمبدع المتميز ..


ولكن اتمنى ان تمهلني وقت لكي ارتب افكاري نحو هذا الموضوع ..

واسمح لي بحجز المقعد ..!

[كتشوبي]

و عليكم السلام ورحمة الله وبركاته

كلام جميل اخوي الخيالي وكنت ناوي اكتب عن الموضوع هذا بس انت كفيت ووفيت عدد الأعضاء 1500 ومانشوف منهم إلا 40 وان كثروا صاروا يا 46 او 48
وعدد المتواجدين في الآونه الأخيره بدا يقل لعدد غير معقول .!!

وفي هذي انا معك وبدا يقل اكثر وحتى لو جاو 40 قلنا معليه بس الاعضاء المتواجدين في اليوم كله مايجي 20 عضو مادري وشو السبب
العضو اذا دخل الملتقى مايشوف احد يشارك معه يضغط على X خروج وانا اولكم في هذي

شخصيا قلت في نفسي انسحب من الملتقى وارتاح منه كثير منتديات نشيطه وكل يوم
ترتقي عن اللي قبله أميال وأميال ووش لك بوجع الراس هنا .؟

كثير من الاعضاء وانا اعرفهم شخصيا ذهبوا الى منتديات ومواقع اخري في السعوديه وخارجها واذا سألتم ليش
تركتوا الملتقى يقلون مافيه احد يشجع ولا يحمس للمشاركه واذا كتبت موضوع ماحد يرد عليك وليش اشارك اصلا بدون ردود
وين المشرفين وين المشرف العام وين الإداره ؟ مافيه احد أبد !!
كيف تبغونا نعطي إذا انتوا ماتعطونا

لاتلوم الادراه ماهي فاضيه مشغوله
واذا الاداره ماهي مهتمه مثل اول كيف الاعضاء تبيها تهتم

الأعضاء المميزين والكتاب المحترمين للأسف هجروا الملتقى ..
صار ملتقى ميت مع احترامي لكم مافيه حياه حتى في الألعاب !!

صدقت اخوي بس معا اني توني جديد ماصارلي فتره ماحصلي الشرف بالتعرف عليهم بس وينكم واقولهم رجعوا ملتقاكم محتاج لكم اكثر من اول


المشرفين
لا وجود لهم الا القلة القلييييله جدا جدا
ولو تواجدوا مانشوفهم الا بموضوع او اثنين او ثلاثه من مواضيع اقسامهم
مشرف القسم اقل اداء له هو متابعة مواضيع قسمه كلها والتواجد فيها
وتشجيع كتابها
واهم شي تنشيط القسم اذا حصل فيه حالة ركود ..
>>>>كل هذي اشياء معدومه للأسف

وبعضهم مايرد على المواضيع اللي ماتناسبه واللي ماتعجبه ياخي رد حتى بشكر
الله المستعان
لمــاذا لا تمنع الإدارة مشـاهدة المواضيع عن الزوار .؟؟!!
أغلب الأعضـاء يكتفي بالقراءة كزائر ولا يسجل دخول ..!!
لمـاذا لا يتم سحب إمكانية التصفح الخفي عن الأعضاء ولو لمدة مؤقته .؟!!

ليش الوضع الخفي
الاداره تقدر تخلي التصفح بتسجيل يعني مايقراء المواضيع الا اذا سجل او مايطلع من الموضوع الا اذا رد عليه

وياكثر الضيوف عددهم اكثر من الاعضاء والسبب ماتدري يعني الملتقى صاير جريده تصفح واقرا واطلع هذا همهم ياخي قريت الموضوع رد عليه وحتى لو كلمة شكرا قدر تعب الكاتب وناقل الموضوع

العنصـر النسائي في الملتقى يكاد يكون منقرض مانشوف إلا كم عضوه مايتجاوزن عدد اصابع
اليد الوحده ... فيه عضوات تظهر فتره وتختفي فترات
نستبشر خير بظهورهم لكن .... يختفون .؟؟!!
ومعروف ان المنتدى يقوى اكثر واكثر بوجود العنصر النسائي لأهميتهم فيه ثلاثة اقسام خاصة بهم ..

وابشرك بعد بدينا نفقدهم في الأونه الاخيره

ليه مايكون للملتقى أكثر من ستايل .. للتجديد في الشـكل ..

صدقت اخوي بس الاداره ماهي فاضيه
وياليت يكون جذاب احسن

وهذا رأي واتمنى ماحد يزعل مني

ماقصرت اخوي الخيالي والله يجزاك خير

وان شاء الله الملتقى يكون افضل في الايام القادمه

والله ولي التوفيق

[طير شلوى]

اعجبني موضوعك لاني كنت ادخل كزائر ولا اشوف تحرك في الملتقى ولا لي نفسي اني ارد او اكتب موضوع


الخيالي احب فيك صراحتك


انا معك في كل كلمة قلتها


والمسؤل هي الادارة لان تواجد الادارة يعطي تفاعل للملتقى

لان شفنا في الاونة الاخيرة هجرة الادارة والمراقب والمشرفين ولا يكاد نشوفهم الا بالحسرة


وان شاء الله لي رد لان اللحين فيني النوم


اشوفكم على خير

[طير شلوى]

اسمحوا لي اليوم اني ارد وانا شبعان نوم بعد مرض الانفلونزا لمدة اربع ايام <<<<< الحمد الله على سلامتي


اولا الملتقى له تقريبا خمس ايام ما هو مفتوح <<<<<< نرجو الرد من الادارة باسرع وقت


انعدام الادارة والمراقب والمشرفين في التواجد وان تواجدوا ليس لهم الا الرد على مواضيعهم واهمال الباقي

شخصيا قلت في نفسي انسحب من الملتقى وارتاح منه كثير منتديات نشيطه وكل يوم
ترتقي عن اللي قبله أميال وأميال ووش لك بوجع الراس هنا .؟

كلمة دائم ارددها لكن اقول اخدم ملتقى ديرتي احسن من اللي المنتديات الثانية <<<< انا الى اللحين ما اذكر اني قدمت شئ يذكر للملتقى


بصراحه مليت .. اكتب مواضيع وانقل مواضيع وانوع فيها ومجالاتها
على امل القى ردود تشجع وتحفز لكن اجلس باليومين
والموضوع لاردود فيه .!!!

وانا مثلك الخيالي كتبت موضوع ولا لقيت فيه اقبال وفكرت اني ارسل رسالة لمدير الملتقى انه يحذف الموضوع
<<<<< لانه ما فيه حماس


وين المشرفين وين المشرف العام وين الإداره ؟ مافيه احد أبد !!
كيف تبغونا نعطي إذا انتوا ماتعطونا !!

الموضوع خذ له اكثر من اسبوع ولا شفنا رد كافي من الادارة الا من المشرف كتشوبي ونتمنى انهم يبينون لنا وش المشكلة


عدد الأعضاء 1500 ومانشوف منهم إلا 40 وان كثروا صاروا يا 46 او 48
وعدد المتواجدين في الآونه الأخيره بدا يقل لعدد غير معقول .!!

وانت الصاج الاعضاء النشيطين اقل من 10 اعضاء


الأعضاء المميزين والكتاب المحترمين للأسف هجروا الملتقى ..
صار ملتقى ميت مع احترامي لكم مافيه حياه حتى في الألعاب !!

العتب على الادارة ما فيه تشجيع لو فيه تشجيع من الادارة كان الوضع تحسن اكثر من اول


المشرفين
لا وجود لهم الا القلة القلييييله جدا جدا
ولو تواجدوا مانشوفهم الا بموضوع او اثنين او ثلاثه من مواضيع اقسامهم
مشرف القسم اقل اداء له هو متابعة مواضيع قسمه كلها والتواجد فيها
وتشجيع كتابها
واهم شي تنشيط القسم اذا حصل فيه حالة ركود ..
>>>>كل هذي اشياء معدومه للأسف

انشط مشرف هو المحروم هو صاحب شروحات ونلقاه في اغلب المواضيع اشكر لك حماسك المحروم وهذي حبة خشم امووووه


المراقب العام
نعذره لأنه جديد في المنصب وغائب حاليا
لكن ياترى لو عاد ماذا سيقدم للملتقى ؟؟؟
هل سيتواجد قدر استطاعته في جميع الاقسام ؟ هل سيحرك الاقسام النائمه؟
هل سينتج افكار ترتقي بالقسم .. هل وهل وهل ؟؟
اسئلة تظل غامضه حتى نرى ماسيقدمه
مع انه والكل يشهد مايقصر في شي


المراقب العام لم نرى منه اي رد او اي موضوع منذ استلامه مهام المراقبه


المشرف العام والإداره ..
ويــنكم ؟

قليل مانشوفكم في الملتقى وقليل مانشوف مشاركاتكم مع الأعضاء
الملتقى بهذي الحاله محتاج لكم ولجهدكم وتواجدكم بالمشاركات
حتى ولو كان مافيه إلا القليل

إحساس الأعضاء بتواجد الإدارة بجانبهم بعطيهم دافع قوي لتقديم افضل ماعندهم ..

اتمنى اني اشوف الادارة متواجده في الملتقى من العيون ومن ابو طلال



الأعضــاء
انتو الأساس لكن للأسف الشديد لادور لكم يذكر في الملتقى
ليه ماتشاركون . وليه ماتعطون الأفكار اللي ممكن ترفع من مستواه
وليه ماتعطونه جزء بسيط من وقتكم تسجلون حروفكم في صفحاته
وليه تكتفون بالمشاهده فقـط ..؟؟!!

الاعضاء اذا راؤا ما فيه تفاعل من الادارة ما يشاركون واسئل مجرب


تحية شكر وتقدير للمشرف المتألق الصـامد ( المـحــــــــروم )
وتحية امتنان واحترام للعضوه عيوني العيون

يستاهلون اكثر من كذا الف مليون شكر على حماسكم


هذا اللي عندي واشكرك الخيالي على صراحتك وانت طلعت اللي في قلبي


واحنا بانتظار رد الادارة


ليكن شعارنا دائماً


نلتقي لنرتقي وليس ................!!!!!!

[aloyun]

اخواني اليد الوحده ماتصفق وهذا شي نعرفه
انا اعرف ان كلامكم كله صحيح وفي محله
لكن العتب فقط مو على الاداره هناك امور ضدنا
وامور انا شخصيا سبب فيها
نحاول كثير ننجح في اشياء ونفشل في اشياء
والنجاح الدائم مطلب بس زي ماقلت يحتاج الى جهد مشترك بينا كلنا
ادري ان فيه مشرفين مايسون شي وادري ان فيه اعضاء اختفوا
وادري ان الاداره بشكل عام مقصره بس هذا مايمنع ابد التخاذل او الانسحاب

سامحوني توني جاي من حفر الباطن اللي طلعت عيوني
برتاح وراجع لكم وان شاء الله نلاقي حل والله يحفظكم

[ابو ابراهيم]

السلام عليكم

اعذرني يا مدير الملتقى ابو طلال على هذا العنوان

ولكن يحز في نفسي رؤيتي للملتقى وهو ينهار بطريقة ما او اخرى

ولكن اتمنى من الاعضاء المشاركة اكثر واكثر ليس في الالعاب والتسالي فقط

نريد مشاراكتكم في كل مكان في كل جزء من اجزاء الملتقى

يعني احيانا الاقي موضوع اخر رد له قبل اسبوع واللي قبله اليوم

يعني كان الشباب ماخذين الملتقى ضياع وقت لقو نفسهم فاضيين قالو نشوف الملتقى

وانا ما اقصد الكل ولكن معظم الاعضاء

يا شباب وشابات الملتقى اذا ما شديتو حيلكم صدقوني الملتقى تقرب نهايته

واحنا ما نتمنى هذا الشئ

وتقبلو تحياتي
اخوكم
ابو ابراهيم

____________________
تم دمج هذا الموضوع مع موضوع الخيالي
الإداره

[ابو ابراهيم]

هلا بك الخيالي توني شفت الموضوع هنا كتبت عن المشكله هذي في الملتقى العام وهذا نصها

قرب انهيار الملتقى العيوني



السلام عليكم

اعذرني يا مدير الملتقى ابو طلال على هذا العنوان

ولكن يحز في نفسي رؤيتي للملتقى وهو ينهار بطريقة ما او اخرى

ولكن اتمنى من الاعضاء المشاركة اكثر واكثر ليس في الالعاب والتسالي فقط

نريد مشاراكتكم في كل مكان في كل جزء من اجزاء الملتقى

يعني احيانا الاقي موضوع اخر رد له قبل اسبوع واللي قبله اليوم

يعني كان الشباب ماخذين الملتقى ضياع وقت لقو نفسهم فاضيين قالو نشوف الملتقى

وانا ما اقصد الكل ولكن معظم الاعضاء

يا شباب وشابات الملتقى اذا ما شديتو حيلكم صدقوني الملتقى تقرب نهايته

واحنا ما نتمنى هذا الشئ

وتقبلو تحياتي
اخوكم
ابو ابراهيم


وانت وفيت وكفيت يا الخيالي


تحياتي

[عيوني العيون]

تحية شكر وتقدير للمشرف المتألق الصـامد ( المـحــــــــروم )
وتحية امتنان واحترام للعضوه عيوني العيون



جزاك الله كل خير


وأنا وحدة كثرت الأشغال عليها ودائما أحاول جاهدة أدخل الملتقى بين الحين والآخر


عذرا على التقصير


ماشاء الله عليك أحس أنك حركت الجميع
أسعد الله أيامك

[عيوني العيون]

أذكر الله ياأخي


صحيح أن الأغلبية غايبة

بس أنا أقول الغايب حجته معاه


والدنيا مشاغل

وهناك في الحياة أولويات مقدمة على أمور أخرى
وبالنسبة للملتقى تراه غالي مهما أبتعدنا عنه أحنا راجعين له راجعين


جزاك الله خير أخي ووفقك الله وأدامك للملتقىعضوا مميزا بارزا

[الخــــيالــــي]

متبلد
حياك الله اختي
صحيح اللي قلتيه حنا مانقدر نعطي ونجتهد اذا مالقينا التشجيع والاهتمام
لكن بمقدورنا نقدم اللي يحفزهم لتشجيعنا
ويلفت انظارهم لنا بمجهودنا ومواضيعن ومشاركاتنا
مهما كان مو لازم نخلي الخطا عليهم هم وبس
حنا بعد لنا دور
لأن كلنا اسره وحده لو فقدت واحد من افرادها اهتز اساسها وبناءها
اتمنى اشوف منك الافضل والافضل على قد ماتقدرين

[الخــــيالــــي]

السندباد
هلا والله وغلا فيك اخوي
عاش من شافك وقرا ردودك
واشكرك من كل قلبي على اضافتك القيمه والمؤيده للموضـوع
شكلا ومضمونــا
صغتها بصيغه مفهومه وسلسه وواقعيه لحال الملتقى
والواجب علينا نفكر كثيرا في كل شي بالملتقى
الله يجزاك خير
وننتظر منك ان تكون معنا في النقاش وان شاء الله بعده التطوير

[الخــــيالــــي]

السندباد
هلا والله وغلا فيك اخوي
عاش من شافك وقرا ردودك
واشكرك من كل قلبي على اضافتك القيمه والمؤيده للموضـوع
شكلا ومضمونــا
صغتها بصيغه مفهومه وسلسه وواقعيه لحال الملتقى
والواجب علينا نفكر كثيرا في كل شي بالملتقى
الله يجزاك خير
وننتظر منك ان تكون معنا في النقاش وان شاء الله بعده التطوير

[الخــــيالــــي]

المحروووم
ننتظر عودتك بفارغ الصبر
والمشاركه معنا بما عندك
لا تتأخر علينا اخوي

[عامر]

أذكر الله ياأخي


صحيح أن الأغلبية غايبة

بس أنا أقول الغايب حجته معاه


والدنيا مشاغل

وهناك في الحياة أولويات مقدمة على أمور أخرى
وبالنسبة للملتقى تراه غالي مهما أبتعدنا عنه أحنا راجعين له راجعين


جزاك الله خير أخي ووفقك الله وأدامك للملتقىعضوا مميزا بارزا

[ابو ابراهيم]

هلا بالشباب

اوكيه انا معاكم لكن هل من المعقول 1500 عضو كلهم مشغولين او غايبين

ما اعتقد

[aloyun]

انهيار يابو ابراهيم

ملتقانا زي اي منتدى يكون فيه فترات تراجع
بس انهيار لا والله مانبيه
كفايه سوق الاسهم يابو ابراهيم منهار

[ابو ابراهيم]

هلا حبيبي العيون

انا والله ما اتمنى يكون انهيار

لكن ابي شئ اكتبه يحرك الاعضاء

وان كان على الاسهم لا تفكر انسى

[الخــــيالــــي]

هلا والله اخوي كتشوبي
اول شي اشكرك لتواجدك هنا
وابداء رايـك المؤيد لنا
الله يعطيك العافيه

وثاني شي
عن الاداره والله صدقت ماهي مهتمه
لكن ماشاء الله اشوف شوي منها تحرك وان شاء الله يدوم

اما الاقلام الراقيه في المنتدى والله كانت اقلام رناااانه منها ابن المقرب الله يذكره بالخير
وماننسى حب العيون وعاشق الجنان وشوق ووو ..... اسف لو ماذكرت كل الاسماء

في الوضع المتخفي
جينا لنقطه قويه جدا ماادري انا قلت ليت الاداره تمنعه ولو لفتره بسيطه
حتى يرجع الملتقى مثل اول ... يكون مقتصر للعنصر النسائي بس
وان شاء الله يتم هالشي

العنصر النسائي تقريبا بالملتقى اثنين بس للأســف البقيه غائبه
وقد يكون لها ظرفها الخاص

ستايل المنتدى
تغير صحيــح لكن ماهو لذاك المستوى اللي نطمح فيه الله المستعان

[الخــــيالــــي]

طير شلوى
الحمد لله على سلامتك ولو انها متأخره
ومشكور لتواصلك الغالي مع الموضوع
وتعليقك على الكلام اللي فيه
احترم فيك صراحتك واسلوبك الجميـل
صرنا كلنا نؤكد على ان الحاصل بالملتقى هو قلة اهتمام الإداره
والمشرفيـن والمراقبين فيه
يعني الراس الكبيره تكاد تصير معدومه للأسف
وهي الاساس اللي يحرك باقي الجسد اللي هم الاعضاء للتواجد في الملتقى
يطري على البال سؤال وش النهايه لملتقى مدينة العيون ؟

[الخــــيالــــي]

العيون
مرحبا الف بك الحمد لله على سلامتك واتوقعها متأخره :)
صـحيح مثل ماتفضلت اليد الواحده ماتصفق
كيف تبي الاعضاء لحالهم يشاركون ويعطون اللي عندهم وهم يد وحده
من غير المشرفين والاداره وتشجيعهم مايقدرون يسوون شـي !!!!
صحيح ان امور كثيره ضد نجاح الملتقى هي دافع حتى نقدم افضل ماعندنا
ودافع حتى يقوى المنتدى ويعلى ويصير ملتقى مدينة العيون الأول ..
الظروف لازم تكون حافز لنا مو ضدنا

الله لا يهينك اخوي ناقشنا عبر صفحات هالموضوع عن النقاط المكتوبه بأوله
اعطينا رايـك فيها وبكل صراحه ..
واعطينا رايك في الاقتراحات
ودنا نتناقش اكثر واكثر حتى نطلع بنتيجه ترضي الكل
والاهم ترفع من مستوى الملتقى ..

[الخــــيالــــي]

0000000000000

[الخــــيالــــي]

ابو ابراهيم
القلوب عند بعضها اخوي
وانا وانت مكملين لبعض
وان شاء الهدف من الموضوعين يتحقق ولو بالشي القليل
كلنا لازم نتحرك وكلنا لازم نشارك هنا وهناك
في الموضوع الصغير قبل الكبير
شد حيلـك وخلنا نشوفك
ومشكوووور لحبك للملتقى

[الخــــيالــــي]

عيوني العيون
التقصير يحدث لمده معينه نادر ماتطول
والاعضاء مثلك وشرواك تقصيرهم نادر
لكن غيابهم عن الملتقى يؤثر بشكل كبير
نتمنى من الله تخف اشغالك ترتاحين من جهه
وتتواصلين بالملتقى اكثر من جهه ثانيه
الله يعطيك العافيه

[الخــــيالــــي]

عامر
لا اله الا الله محمد رسول الله
اخوي مثل ماقال لك ابو ابراهيم
معقول 1500 عضو مشاغلهم كثيره ..!!!
اكيد لا !!!
اخوي
انا انتظر منك تواصلك معنا
في كل أقسام الملتقى
وتواصلك معنا في النقاش
نحن نبحث عن الافضل للملتقى ونحتاج مساعدتك

[متابع رياضي]

الكلام جميل جدا وكنت متابع الموضوع من اول شي الاسباب معروفه

الملتقي ما يفتح /المشرفين ما يدخلون/ الاعضاء نايمين بسبب المشرفين/ عدم وجود العنصر النسائي وابشركم العنصر النسائي راح يكون موجود قريب جدا جدا وكلمت المدير /
عدد الزوار اكثر من الاعضاء

جات فتره الملتقي نشيط جدا الاعضاء في اليوم فوق الخمسين اتمني ترجع الايام هذي

[طير شلوى]

ان شاء الله الملتقى يتطور ويصير من احسن الى احسن

[سامي]

صار لي مده ابي ادش الملتقى مايفتح وهالشي سبب ان الاعضاء مايدشون

[!~¤§¦ وهج الأمل ¦§¤~!]

السلام عليـكم ورحمة الله
الخيـالـــي
موضــوعك اثار الجميـــــع
حرك الشجـــون وأيقــظ العقــول
لله درك على ماخطه قلمــك ...

وبما اني جئت في آخر الــركب فبالتأكيد رأيي لن يخـالف راي الجميـــع
جميــع ماذكرت من أسباب كان سبب لتدنــي المستوى العـام لللملتقـــى
بــعد ان كــان شــعلة منــيره

نطمــح لأن نــجد الحـلـول المنـاسبه لهــا
ونطمــح اكثر واكــثر بتكـاتف الأعضـاء مع بعضـهم لبعــض والعمــل يدا واحده
بما يستطيــعون حتى يعود الملتقى لسـابق عهــده
وحتى يرتقـــي بنـــا ونرتقي به

دعــوه للجمــيع الأاعضــاء المتواجديـن والأعضـاء الزوار الذين ابت أيديهم ان تسجل الدخول
بغـض النظر عن الخلل في فتح صفحـات الملتقـى لديــهم

كونــوا معنـــا 00 كونـوا مع الملتقــــى وأهلـــه
ضعوا اياديكم بأياديهم لتشــدوا من ازر بعضكم البعض
خطــوه بخطــوه ستقــدمـون بعدهـا أفـــضل مما تتوقعــون

كل المنـــى للجميـــع بالتوفيـــق والــسداد
مــع أرق تحيه

[الخــــيالــــي]

هلا اخوي متابع رياضي
سعيد بوجودك والله
والله يبشرك بالخير عن العنصر النسائي وان شاء الله بوجودهم معنا
نقدم الافضل
بتشوف منهم اللي تبيض الوجه من طرفي
وان شاء الله شوي شوي شوي ثالثه بعد بيرجع الملتقى مثل اول

[الخــــيالــــي]

طير شلوى
ان شاء الله
وتأكد ان الامر هذا قريب بإذن الله

[الخــــيالــــي]

سامي
يمكن هذا كان من الاسباب
بس الأن مع الستايل الجديد مااظن ان فيه مشاكل
ولو كان فيه نتمنى من الاداره حل هالمشكله باسرع وقت
الـتأخير في اي شي مو من صالحنا
بس اخوي خلك واقعي
اغلب الاعضاء يجون هنا يقرون ويطلعون وما يحاولون يشاركون
وهذي نقطه ضد الملتقى

[متابع رياضي]

في سبب صار لي شخصيا انك اذا مش عندك ايزي نت ما يفتح الملتقي
3660222

[متابع رياضي]

وعاد الركود للملتقي كما كان

بل اجزم اسوا من قبل



لماذا ؟؟؟؟

[بحر الاخوه]

الملتقى يأتي فتره فيكون التحرك فيه جيد

وفتراات يكون الجميع في سباات عميق

والسبب يوجد اشرااف بلا مشرفيين

واسماء بلا وجود

هذا هو الخلل يامتاابع

[متابع رياضي]

لقد ضربت علي وتر حساس

[المـشتاق]

صحيح فيه ركود وانااويد اخوي خيالي

بس هذا الركود من كثر المنتديات في العيون

وكل من جي سوا له منتدي وهذا سبب يؤثر ع الاعظاء

ان شاءالله يرجع احسن وافضل من اول

[رٍسِـــلآنٍ]

الشاقي قريت تاريخ الموضوع ؟