تسجيل الدخول

مشاهدة النسخة كاملة : الله يفرجها


سعود العواد
03-29-2015, 09:09 PM
الله يفرجها

لاتشتكي همك ولا ضيق بلواك
لو كان لواحد وريث الشجاعه

أشتك لرب البيت ربك ومولاك
تفرج أهمومك بالصبر والقناعه

أضحك وسولف يضحك الوقت وياك
وأسرار قلبك لاتجي للجماعه

أدفن أسرارك وأنتظر كيف علاك
بين الثريا والقمر فوق باعه

حذراك تكره ماكتب شر دنياك
واتلوم نفسك والمقدر شعاعه

الشكر واجب والتوجه ابشكواك
للواحد المعبود سمع وطاعه

ربك قريب اويستمع سر نجواك
يجيب دعوات المظاليم ساعه

ساعه يجي فيها مع دور الافلاك
يعطيك عن كثر المصايب مناعه

أصبر على حكم القدر لا عدمناك
تلقى الجزاء يوم القيامه شفاعه

ياالله تفرجها على من ترجاك
عبدك يريد ارضاك في كل طاعه

الشاعر/سعود بن احمد العواد