هون على روحك

[سعود العواد]

هون على روحك

هون على روحك ترى الزود نقصان
والكبر والطغيان عاده ذميمه

لاتحسب أنك بين الشراف سلطان
لا والذي أنشاء عطاير نسيمه

من يشتري الدنيا بالأموال غلطان
ماهي مع الأموال تمشي مديمه

كم واحد عنده دنانير مليان
ودع حياته ميت ولي حريمه

من زم يدفن بالصبخ عود مابان
ماله مع أرجال المهمات قيمه

لا تفكر الضحكه نواميس عنوان
ولا الجهل يرسم مسامير خيمه

اليوم تفرح وآخر الوقت زعلان
لا دار دايرها سوالف قديمه

الشاعر: سعود بن احمد العواد

[ابتسم]

من يشتري الدنيا بالأموال غلطان
ماهي مع الأموال تمشي مديمه

عز الله انك صادق
لكن هالدنانير ي ابوي ترفع عنك حاجات كثيرة
ومن ملكها كسب دنياة أتكلم عن الشخص اللي
ما ترك فرضة وصار لاهي لها ..

صح لسانك
والله يرزقنا ويرزقكم جنات النعيم ..

[سعود العواد]

ابتسم/ صح بدنك ياولدي ماقصرت وارحم الله والديك
اللهم امين وجميع المسلمين