أغرور أعمى

[سعود العواد]

أغرور أعمى

بعض الرجاجيل حرام أتفز بأقباله
ولا تلامس إيدينك راحة إيدينه

لن في بعضهم غرور أعمى يشوب حاله
يرى في نفسه وهو داني تكاوينه

دخان تعلا وحدر واطي أسفاله
فيه الكبر كالسماده في معاطينه

ناقص تعالا أضحوكة رزة أعقاله
يحسب غروره شهامة في مضامينه

لو بالحزي صارت الوطواط فتاله
والبوم تسلطن وطير الحر ياعوينه

ياقرد منهو سلك أسلوب حياله
بالقيل والقال والكذب عناوينه

من لايرى يفتهم ويحط في باله
من يحتقر يحتقر وتنفضح عينه

أعلم ترى الطيب في الاخلاق واخصاله
والعود الازرق وفنجال الضحى زينه

ياجاهل اسمع معلم دز مرساله
لهل العقول الرديه قال بيتينه

قدر تقدر وتلقى سيل رجاله
والعكس تلقى لاثارت ميادينه

وكرر القول في المغرور وأمثاله
حرام تلمس يميني راحة إيدينه

الشاعر: سعود بن احمد العواد