رح أوتواجه

[سعود العواد]

رح أوتواجه ياعمي البصاير
والله أن تأسف والليالي شواهيد


لابد من ساعه تدور الدواير
من فعلها شابت أقلوب المواليد

لاحلت الاقدار مامن عذاير
ماتنفع الرجعات عقب الصواديد

نفسي أبيه معتلي بالمناير
مهما تراضيني بصدق المواعيد

حلفت مادامت أدموعي حداير
أني فلا جيلك يجوك الحساسيد

سمحت من حبك عليك الستاير
الله يهنيك قلتها بالاناشيد

الحب ماهو وقفة بالعواير
ولاكلام ألسان هذره تراديد

الحب زهره مورقه بالضماير
لاهو خبث يرمى ولاهو جلاميد

ماهمني يازين كثر الخساير
في حوزة الطيب تهون المجاهيد

في خدمته أجهد أرجولي مساير
أوطي على الاخطار نار المواقيد

ومن باعني بعته وشفت البشاير
لو كان جده من اعروق الاجاويد

من غير مدح يازين عندك خباير
ماهمني كثرة اهروج المقاريد



الشاعر سعود بن احمد العواد

[سعود العواد]

رضيت بالمقسوم على كيف مايكون
ماقدره ربي على الخلق كاين

وأعلم ترى صبرك موثق ومضمون
عند الذي ياخذ ويعطي حساين

ولا الجزع ماينهجه غير مجنون
أما سفيه ولا مع النفس خاين

سلمت أمري خالق الخلق ممنون
للواحد المعبود نفسي هواين

روحي وعمري للولي خالق الكون
امفرج الكربات للعبد عاين

الشاعر: سعود بن احمد العواد

[سعود العواد]

دام النفس يطرق وروحي بها روح
بمسك على ذرة أمل دامني حي

وعيش على خيط الأمل سر بالوح
حتى يجي يوم الفرح والفرج في

أما حياه أرقى بها المجد وصروح
ولا أموت وحاسدي يشرب الغي

صبري يغيظ أعداي لو كنت مذبوح
وبكاي مايسوي ولا يفيد بي شي

مير الأمل باقي مع باقي الروح
و أن مت ماغاب الأسم وذكر حي

الشاعر : سعود بن احمد العواد