منتدى ظميان

[الفضلي]

مـنـتـدى ظمـيـان مـن قـلّ الـردود = ماعـرفـنـا عـلّـتــه والـمـشـكلـه

القلم بالشعــر مـن يــومــه يــجـود = مـن جميـل القـول دايم تحـملـه

ياهجـوسي وش بــلا الأيــّام سـود = ليـش كل النـاس حرفك تـهملـه

يــسـقي الودْيـــان تقْدمْـه الـّرعـود = يـنعـش الريـضان بايّة مـنْـزلـه

انـْقـدوني بــس مانــبـغى صـــدود = يمكن ان العيـب فيـني واجهـله

كـان زعـلانين يانــسـْل الفــهـــود = لايـــجي بـالبـــال أيّــة بـلْبـــلـه

حبّـكم بالقـلـب مـايـنــقـص يــزود = إســـألـوني كـان بالنـفس اسئـله

خـوّة الطيّـب مـن ايّـــام الجـــدود = تـنـْشرى والطيب باصلك تـفعله

غصب عني مابقا بصدري سدود = صمـْتــكم ســوّى بـنفسى غربله

أحــمـد الله خــالـقٍ كـل الوجــود = هـــذي القـصّه ولا بــه تــكـمله

شعر /عبداللطيف سعد أحمد العلي الفضلي
حررت في يوم الأربعاء 12/4/1435هـ

[أبو طلال]

والله يابو سعد قلة الردود الكل يشتكي منها
ووالله أن الملتقى سعيد بك
وأن ماتقدمه بالفعل يسعد الكثير
والدليل كثر عدد الزوار لمشاركاتك

هالقصيدة اللي عتابك فيها هو عتاب حلو وياحلو العتاب من غالي لمغليه عزيزة علي وحبيتها على مافيها من عتاب

[الفضلي]

أخي الغالي أبو طلال الله يجزاك خير على مرورك


القصد إحياء المواضيع وتنشيط الدورة الدموية لهذا الكيان الرائع


بقيادتكم يسمو هذا الكيان ونسمو معه


أعانكم الله على مافيه خير وسدد خطاكم


لك مني جزيل الشكر

[ابتسم]

كان ودي ارد عليك واحاورك لكن الشعر وين واحنا وين
الله يسعدك ي الغالي
وان شاء الله يرجع الملتقى للوضع المعروف علية ..

[عَذْبَھْہّ]

صح الله لسـآنك وعلا شانك
كلنا نعتب لقلة الردود
وأنا أول المقصرين وبشدهـ
وتشكو بعض المنتديات مثلنا قلة الردود والركود المصاحب
لكن نرجئها لأسباب انشغالات ربما
او تواجد وسائل التواصل الاجتماعي التي أخذت من اهتمام البعض
وانصرافهم عن المنتديات
أو اكتفاء البعض بالقراءه وعجزهم عن رد يتناسب مع القصيده او الموضوع
وانظر لكثرة زواركـ وزوار مواضيع الأعضاء وعدم الرد
إنما باذن الله يرجع الملتقى كسابق عهدهـ
ماشاء الله عليك على كل حدث وكل تغير متواجد بشعرك
بارك الله لك وفيك وبموهبتك
انما عندي اقتراح استـآذي :
شو رأيـك تساهم معنا في اعادة النبض
ودي تشاركنا في الردود حتى في غير قسسم الشعر
صدقـاً نسعد بذلك ,,
حينما نرى الشعراء يقتسمون معنا العطـآء,,:078:
واعذر لي هالطلب :160:

[الفضلي]

ابتسم

صح بدنك

مشكوووور على المرور ومرورك سعادتي


لك مني أجمل تحية

[الفضلي]

عذبه



هلابك ملايين

النبض يرجع في بداية حروفك = والشعر تعلو هامته للمعالي

رايك جميل وقمة الشور شورك = الله يحرسك يابديع المقالي


مشكوووورة وبالدوم منصوووورة


لكي مني أجمل تحية:118:

[عَبقْ]

*

صَحّ لسآنِك ولآهِنْت
وانآ مآرآح أزيد على كلآم من سَبقُوني
عسآك عالقوّة دوم .

[الفضلي]

الله يقويك وصح بدنك وعساك سالمه