طولوا وقت الاشارة

[الفضلي]

طـوّلــوا ياربـعــنـا وقت الاشــاره = مابـقا فيــني عـقـل يالطيــبـيـني

وقفـوا السـاعات ياربـعي خسـاره = كان ماسترّ النظر في نور عيني

في جواري موتره يمشي مساره = داعـج العينيـن وضّـاح الجبــيني

ليـت ذا المجـمول ياخذني خفـاره = وانـسجن عنـده عدد باقي سنـيني

شيـبي اللي ضاع بالنظـره وقـاره = قـال يالمجنـون وش سـوّيت فيني

قلت صوّبني الحلو زيـن العبــاره = مرعب النظرات سوى بي ونيني

ماغصبـته والنـظر جـا باختـيـاره = بـس نـظراتـه دعت قلبي رهيـني

جــامــعٍ لليــل والثــــاني نــهـاره = الشــعــر والوجه في نوره يبـيني

كنّــه اللولو ســكن داخــل محاره = ليـتــني المحّار في جوفي ظنيـني

راح عنّي مـاعرفـت اليــوم داره = صرت عقبه هايم(ن) مالي عويني

شعر /عبداللطيف سعد العلي الفضلي
حررت في الثلاثاء 30/1/1435هـ

[عَبقْ]

*

قصيدَة رائِعَة
صح لسآنِك ولآهنت شآعرنآ .

[فارس بني هاجر]

ابيات رائعه واعجبني البيت الي تقول فيه
ماغصبـته والنـظر جـا باختـيـاره = بـس نـظراتـه دعت قلبي رهيـني

جــامــعٍ لليــل والثــــاني نــهـاره = الشــعــر والوجه في نوره يبـيني

[الفضلي]

قالوا علامك



صح بدنك ومرورك أروع

[الفضلي]

فارس بني هاجر


أسعدني مرورك وصح بدنك يالغالي