المساعد الشخصي الرقمي

مشاهدة النسخة كاملة : تعالوا تعالوا إضحكوا إضحكوا


أبو طلال
07-27-2013, 01:51 AM
فيه وحدة ( والله نسيت من هي )
كانت تقول أنها تطفش أني أكتب :
طيب طيب
على مرتين يعني
عشان كذا كتبت العنوان مرتين مرتين خخخخخخخخخخ

المهم هاكم قصة طريفة خفيفة ظريفة

في مهرجان ذوي الإحتياجات الخاصة اللي صار في نادي العيون
كنت جالس وجنبي ولدين
والمدير رايح جاي يصور هنا وهناك
وعنده شنطه فيها عدة التصوير
مرة جاء يصور قريب منا
الولدين قاموا يتكلمون عن الكاميرا حقته
واحد يقول كيف يشوف في الكيمرة
ماعنده شاشة يشوف منها زي ذوليك ؟
قال الثاني مدري يمكن خربانه كيمرته
قلت لهم نادوه وإسألوه حتى أنا أبي أعرف
نادوه وناديته وياهم
سمعنا وطالعنا
واحد منهم قال له وهو يأشر على الكاميرا
كيف تشوف فيها ؟
رد عليهم وهو مستغرب
أشوف بعيوني طبعا
الولد قام يطالع خويه وقال
ويييييييه شكله غبي ذه

هههههههههههههههههههههههههههههه
طبعا فقعت ضحكت

المسكين مايدري وجاوب حسب السؤال
وهم فاكرينه فهم مرادهم من السؤال


هههههههههههههههههههههه شكله غبي ذه

عَبقْ
07-27-2013, 02:05 AM
*


:wejo020:

:012::012::012::012:

آلأجيآل آلجدِيْدَة مَهي سَهلَة
مآتَو آلطَّيبِيْن يآبُويَعقُوب :012::012:
آلمَفرُوض تتوَقّع اسئِلَة فَوْق مُستوآهُم العُمري
أجيآل مٌنفَتِحَة الله يستْر عليهم
مَشْكُور يآ أبوطَلآل عآلمَوقِف آلطَّرِيْف اللّطيْف ~

أبو طلال
07-27-2013, 02:20 AM
هههههههههههههههههههههههه
بس بصراحة ردة الفعل عندهم عجيبة جدا

هههههههههههههههههههههههههههههههه
بكرة بقول لكم قصة ثانية

Gamrat Gaza
07-27-2013, 02:34 AM
هههههههههههههههههههههههههههههههههههههه


بوطلال جايزين له الصغار , من جابوا طاري المدير
بس يحق لك تضحك ههههههه ,
انتظر الي بيقول
اني ارى رؤوسا قد اينعت :p

أبو طلال
07-27-2013, 02:43 AM
ههههههههههههههههههههههههه

فيه سالفة روعة بعد صايرة من سنتين
برمضان بعد
تذكرون مسابقة أطول أعناقا اللي عن المؤذنين
صارت سالفة إلى الآن أضحك عليها
بقولها بعدين في هالموضوع

Gamrat Gaza
07-27-2013, 02:47 AM
^


هههههههههههههههههههههههههههههههههههههه

بالإنتظار ,

مملكة الاحساس
07-27-2013, 03:03 AM
مع عصر الواتس مافيه بزران وهالبزران قاطيين الميانه مع المدير
خخخخخخخخخخخخ
شكلك انت الي حادهم عليه
بوطلال مابقى شيء قول الموقف وافتك إليه لباكر تخلية كل رد تقسط فيه
يعني هذا تشويق مثلا
مانبيها تصير بعد اسبوع مثل سالفة صحونك
والله
:127:

أبو طلال
07-27-2013, 03:04 AM
إيه صح
خلوني أقول لكم ردة فعل الأخ
حط في راسه هالولدين
ماكلمهم بس خلاهم يندمون أنهم سألوه وردوا عليه
صار يجي دايم قريب منهم ويخلي الأولاد اللي حولهم يصورون
والولدين يطالعون فيه بعيون كلها رقة ومسكنة
تذكرت القطاوة في أفلام الكرتون

http://www.disneyimage.com/_/rsrc/1259507387273/shrek-3/shrek-cat-1.jpg?height=300&width=400

نبض الأمل
07-27-2013, 03:25 AM
هههههههههههههههههههههههههههههههههههههههههههههههههه ههههههههه
ههههههههههههههههههههههههههههههههههه

يااااابوي يستاهل المدير طلع حقود
ويستاهلون الولدين زاغ قلبهم ههههههههههههه

عَبقْ
07-27-2013, 03:35 AM
*

ههههههههههههههه
تَعذِيْب نَفسِي مِنْ أبُو يَعقُوب
يستآهلُون
التَّشبِيْه يقتل :wejo020:

aloyun
07-27-2013, 05:39 PM
هههههههههههه بس خليتهم يصورون وقلت لهم ان الكام فيها شاشه اذا اخترتها تشتغل
اما سالفه المؤذنين انا معذور ولما تعرفون السالفه بتعذروني وبتعذرون بوطلال بعد

أبو طلال
07-28-2013, 12:28 AM
ههههههههههههههههههههههههههههه

بالله خليتهم يصورون
أجل صادوك بنظرات القطاوة
تمسكنوا حتى تمكنوا هههههههههههههههه

أبو طلال
07-28-2013, 12:31 AM
ماني ناسي
بكتب الطرفة الثانية
بس بروح مشوار وراجع

Gamrat Gaza
07-28-2013, 12:32 AM
ههههههههههههههههههههههههههههههههه

المدير باين عليه يحب الصغار , من عطاهم درس مباشر كم دقيقه .
سالفة المؤذنين ههههه المدير برر موقفه من قبل لانعرفها

أبو طلال
07-28-2013, 01:36 AM
في رمضان من الرمضانات
كنا نبي نسوي مسابقة
والمدير جاب فكرة المؤذنين
نسجل مؤذن وهو يؤذن ونعرضه في الملتقى
والمطلوب معرفه منهو هالمؤذن
المهم
قمنا نحدد المساجد اللي بنسجل الأذان فيها

وقلت للمدير فيه ولد يأذن لو تسجله وتخليه في المسابقة
قال تم بس أي مسجد قلت له اللي يصلي فيه جمعه المسلم

راح المدير قبل الأذان عشان يسجل
دخل المسجد مالقى إلا واحد يرتب المسجد
إنتظر شوي وخاف أن الولد مايجي
راح يسجل في مسجد ثاني وهذا ملحوق عليه
في الفرض اللي بعده جاء للمسجد
ومالقى الولد طلع وراح مسجد غيره
إتصل علي وقال يمكن الولد أذن يوم أو يومين وخلاص
لأني جيت أكثر من مرة مالقيته

قلت له يمكن بس مايمنع أنك تسأل وتعرف
راح ودخل المسجد ولقى خوينا اللي كل مرة يلقاه
السلام عليكم << المدير يسلم
رد عليه الأخ ذاك
وعليكم السلام هلا بويعقوب حياك الله << الرجال طلع يعرف المدير
وكمل الرجال كلامه
هاه متى نسجل ؟
قال له المدير وش دراك أني جاي أسجل
قال الخبر منتشر بين المؤذنين
عاد باقي على الأذان تقريبا عشر دقائق
المدير إتصل علي وقال :
ترى مالقيت الولد ولقيت واحد عارف أني جاي أسجل
وهو مستعد ويبي يسجل وننتظر الأذان الحين
قلت له لا عاااااااااااااااااااااااد
وين الولد ؟
والله بتكون حركة لو نسجل ولد مؤذن
بس يالله وش نسوي
سجله والقوي الله
قرب موعد الأذان
وشغل المؤذن المايكرفون
وجهز المدير عشان التسجيل
ويأذن الرجال
أول ما أذن ماقدر يتمالك نفسه المدير
قعد يضحك ويضحك ويضحك
طلع أهو الطفل اللي يأذن
ههههههههههههههههههههاااااااااااااااااااااي
لأن الرجال صوته غير ولما يأذن أو يصلي بالجماعة غييييير
وفوق هذا كله
طلع واحد عندنا في الملتقى
وعضو فعال جدااااااااااااااااااا
هو أخونا عاشق المشي

قسم بالله نحسب أن اللي يأذن ويصلي بالناس ولد صغير
بس طلع عاشق المشي هههههههههههههههههههه

هاكم سمعوه وهو ياذن ولاحظوا أن التسجيل يهتز
والله من الضحك
يومين ندور الطفل اللي يأذن طلع عاشق المشي
هع بس هع

http://dc107.4shared.com/download/hrOyVsBH/12_online.wav

أبو طلال
07-28-2013, 02:10 AM
ترى الضحك متواصل من السنة ذيك إلى يومنا هذا
كل مامريت من المسجد وسمعته يأذن أو يصلي بالناس أضحك

اللي يخليني أضحك كثير هو حال المدير
في نفسه يقول نبي الطفل يأذن ومالقينا إلا هالكبير
فلما أذن بالله عليكم تخيلوا كيف تفاجئ بويعقوب
قسم بالله كانت المفاجأة أكبر شي

نبض الأمل
07-28-2013, 02:10 AM
ههههههههههههههههههههههههههههههههههههه
ههههههههههههههههههه حسبي الله على شيطانك بوطلال والله ان الفيمتو طلع من خشمي وانا اضحك بغيت اموت

اجل خبلكم عاشق المشي صوته حلو وهو يأذن
بس موقفكم ههههههههههههههههههههههههههههههههه

Gamrat Gaza
07-28-2013, 02:27 AM
ههههههههههههههههههههههههه

زين اني اعرف صوت عبدالوهاب وهو يأذن
وهالشيء قلته قبل وانا بالسياره ننتظر يخلصون ونمشي بخطنا

الله يوفقه يارب ,
بس هالشيء شملك انت معاه , محد جننه غيرك هع هع

أبو طلال
07-28-2013, 02:32 AM
ههههههههههههههههههههههههههههههههههههه
ههههههههههههههههههه حسبي الله على شيطانك بوطلال والله ان الفيمتو طلع من خشمي وانا اضحك بغيت اموت

اجل خبلكم عاشق المشي صوته حلو وهو يأذن
بس موقفكم ههههههههههههههههههههههههههههههههه

قسم بالله شهووووور وأنا أحسبه طفل
صوته طفولي فقط خلف المايكرفون
غيره يكون صوته عادي مثلنا ههههههههههههه

أبو طلال
07-28-2013, 02:35 AM
ههههههههههههههههههههههههه

زين اني اعرف صوت عبدالوهاب وهو يأذن
وهالشيء قلته قبل وانا بالسياره ننتظر يخلصون ونمشي بخطنا

الله يوفقه يارب ,
بس هالشيء شملك انت معاه , محد جننه غيرك هع هع

ايه أنا معاه
بس أنا أخف من بويعقوب
وربي لو أنا مكانه ماكان بس قعدت أضحك
وربي كان إنسدحت ضحك لأن رجولي مابتقوى تشيلني

مملكة الاحساس
07-28-2013, 02:49 AM
خخخخخخخخخخخخ
ههههههههههههههههههه


والله بتكون حركة لو نسجل ولد مؤذن


اوما طفل صغير ويطلع عاشق المشي
جهازي غبي مادري وشفيه
حسافه ماسمعت الصوت
بس بشوف علتة وإن شاء الله اسمعه
زعلت انا شكلي بكسره هالجهاز لانه زعلني
:148:

أبو طلال
07-28-2013, 03:28 AM
خخخخخخخخخخخخ
ههههههههههههههههههه


اوما طفل صغير ويطلع عاشق المشي
جهازي غبي مادري وشفيه
حسافه ماسمعت الصوت
بس بشوف علتة وإن شاء الله اسمعه
زعلت انا شكلي بكسره هالجهاز لانه زعلني
:148:

ايه ايه صوته غييييييييير وربي
بتسمعينه إن شاء الله وبتحكمين بنفسك

خواطر
07-28-2013, 03:54 AM
والله صاج يابوطلال صوته تقول صوت طفل مايتجاوز العشر

خاطري اعرف ماسر في ذلك ليه صوته يتغير طبيعته كذا ولا عندها ملكة التقليد

اذا يعرف يقلد ياليت يقلد مؤذنين الحرم والا المسجد النبوي اصواتهم ماشاء الله نبارك الرحمن روعه

بس موقف المدير الي جالس ينتظر طفل موقف لايحسد عليه

هههههههههههههههههههه

لو انت مكان المدير شكلك بتمسك عاشق المشي من حلجه وتقول له طلع البزر الي بلعته ههههههههههههههههههههههه :032: لي يومين انطر الطفل تطلع انت:151:ههههههههههه

Gamrat Gaza
07-28-2013, 04:08 AM
^

حلوه بالعه بحلقه
هههههههههههههههههههههههههه خواطر

الطفل مايجي الا بالمسجد يلتبسه , بعدين يروح :p



وربي لو أنا مكانه ماكان بس قعدت أضحك
وربي كان إنسدحت ضحك لأن رجولي مابتقوى تشيلني


ههههههههههههه ,



ترى الضحك متواصل من السنة ذيك إلى يومنا هذا


شماته , من دوخه غيرك يعني ههههههههههههههههههههه

مملكة الاحساس
07-28-2013, 04:22 AM
ايه ايه صوته غييييييييير وربي
بتسمعينه إن شاء الله وبتحكمين بنفسك

وي وي سمعته
قسم مو مستوعبه
ههههههههه
وبالاصح مو مصدقه
دخلت الملتقى عن طريق الجوال وسمعت المقطع وصوت عاشق المشي
ياحليله
غير صج في الأذان قسم كانه واحد عمره من 9 الى 12
وزين انك مارحت لو بتنسدح من الضحك كان ضحك عليك عاشق او ايمكن يسمعونك الناس
لاعاد والميكرفون شغال والناس تسمع بتقول هذا أذان ولا كركرة وضحك خخخخخخخخ
الله يجعل عاشق المشي من أطول الاعناق يوم القيامة آمين

بالصبر تنال
07-28-2013, 12:22 PM
:136: مافهمت شي من القصه الأولى !!! لايكون علقت ع المسابقه ههههههههههههههههههههههه وصار كلامك كلـــــــــــه الغـاز
وبالنسبه للثانيه ررهيييييبه >> تتتخيل المديير يدورررعليه :017:ههههه
سبحان الله:118: جد عـآآآشق المـشي اللي يسمعه وهو يأذن يحسبه طفل
ماشاء الله عليه في ميزان حسناته :118:
وبعـدين هوو يدري انك تتكلم عنه:014: ؟؟

aloyun
07-28-2013, 08:07 PM
لما اذن استغربت بقوه والله

بوطلال قول لنا قصه سوق ام الحمام يوم نشتري الشراخي :133:

سهارى
07-29-2013, 05:09 AM
ههههههههه

أبو طلال
07-29-2013, 09:19 PM
لما اذن استغربت بقوه والله

بوطلال قول لنا قصه سوق ام الحمام يوم نشتري الشراخي :133:

بايخة بايخة :198:
بشوف غيرها :042:

مملكة الاحساس
07-29-2013, 09:59 PM
بايخة بايخة :198:
بشوف غيرها :042:


لاااااااا حنا نبي هالشراخي مادري وش سالفته
:160:

أبو طلال
07-29-2013, 11:48 PM
بجيب وحدة أطلق منها
هذه ماتضحك حيل

aloyun
07-30-2013, 02:40 AM
لا تقول الا هذه
القصه طريفه ومافيها الا السلامه

عَبقْ
07-30-2013, 04:36 AM
*

عآشِق آلمَشِي
مآشآء الله تَبآرَك الله
الله يبآرك لَه بِصُوته
ويجعَله مِنْ أطوَلِ الاعنآقِ يَومَ آلقِيآمَة ~

أبو طلال
07-30-2013, 05:49 PM
جاني بويعقوب على حسب الإتفاق اللي بينا
وهو أنه يجي الرياض ونتوجه لسوق أم الحمام
عشان نشتري شراخي من تجار الجملة هناك
المدير جاء وشرى كم مرة
وعارف وين يروح وشبيسوي ومن عند مين بيشتري
أنا جيت معاه بس عشان أتفرج
وأعرف كيف ومنين يشترون للعلم بالشي بس
جينا السوق وتوجهنا عند حارة جنبه
بيوتها أغلبها قديمة وشوارعها ضيقة جدا وماهي معبدة ولا منورة
إتصل المدير للرجال اللي دايم يشتري منه
جاء واحد وقال له أبي ذه وذاك وعد له اللي يبي
والرجال حسب الحسبة وقال له القيمة وعطاه الفلوس والرجال توجه للحارة
جيت لبويعقوب ركض أصايح ليه تعطيه الفلوس يمكن يروح ولا يرد
ماعطاني وجه وقال أركد كلها ربع ساعة ويجي
قلت لا والله ماني واثق منه لازم أروح معاه وأجي معاه شفيه مانروح مع بعض
كان ألحقه وأدخل وراه ويروح داخل وانا وراه
يلف يمين وأنا وراه يرجع يسار وأنا وراه
الطريق ضيق ومظلم
مافيه أنوار إلا اللمبات الصفراء الصغيرة اللي يعلقونها فوق باب البيت
وأنا ورى الرجال ماخليته يبعد عني
مادري إلا أن اللي قدامي يوم جاء عند بيت يصرخ طلع اللي بالبيت واللي بالحارة
الحقوووووووني
ويطلع أهل البيت ويقولون شفيه شصاير
قال الرجال هذا يلحقني ويغازلني
ايه ايه قال قال يغازلني
أكيد إستغربتوا لأني أنا بعد مستغرب جدااااااااااااااااااااا
مدري شكيف الرجال اللي ألحقه إنقلب وصار حرمة
كيف كان رجال برى الحارة وداخل الحارة صار حرمة
المهم طلعوا الناس وقالوا شفيك
كان تقول المرة هذا يلاحقني
وأنا أقول يارجال تراي ما ألاحقك << للحين ماني مستوعب كيف صار حرمة
قالوا الشباب وليه تلحقها
الحق مين ترى هذا رجال مب حرمة
يامسكين انا
هي حرمة وعليها عباة حرمة وشكلها حرمة وصوتها حرمة بس ياناس كيف صارت حرمة
قلت ياخوان تراي جاي أشتري شروخ << يسمونها كذا
ودفعت الفلوس لرجال ولحقته
قالوا هالحين هذه مرة والا رجال
قلت مرة بس كان رجال
وتوهم بيمدون إيدينهم بيطقوني إلا جاء واحد من داخل البيت
طلع شايب وقال شفيكم صياح وهواش
قالوا هالرجال يغازل جارتنا
وأنا أقول لا والله أنا جاي ورى رجال أشتري منه شروخ
قال زين وش إسم الرجال ؟
قلت والله ماعرفه
قال وش أوصافه
قلت والله ما أتذكر
قام يحكم في لحيته وهو يطالع فيني
واللي يالله أشوف شكله لأنه تحت لمبة مركبينها عند الباب صفراء صفيرة
وإلا الشباب ماشوف منهم أحد أكثر شي أشوفه فيهم فقط اللي لابس شي فاتح
أبيض وإلا أصفر وإلا سنونهم لأنهم بنفس لون الليل
الشايب وخر يده عن لحيته وقال للشباب
ترى الرجال صادق لحق الرجال وفي الظلام غلط ولحق الحرمة
يوم قال هالكلام كنه رشوا علي ماي باااااااااااااااااارد
بس الشايب كمل وقال
وأنتوا بعد صادقين لأنكم شفتوه يلحق جارتنا
وكل الحاجتين غلط
ملاحق الحريم في الدواعيس والحارات غلط
اللي يلحق جارنا من غير علمه يعني ملقوف وإلا مباحث ويبي يعرف مكان بيته تراه غلط
وقال كلام عرفته إلا بعديييييييييييييييييييييييييييييييييييييييييييين
بعد ماقال هالكلام ماسمعت شي أبد
تعرفون كيف يكون صوت البقس والرفس اللي بالأفلام ؟
أنا جربتها ذيك الليلة قسم بالله
طخ طرااااخ شلاااااااااااااااااااخ دوووووووووف
وأنا وربي أبي أهج بس من وين أهج
كل ما ألقى فرصة أحط رجلي
كلها خطوتين وصادم بجدار وإلا درام وإلا بواحد
وركضت وهجيت منهم وطلعت من الحارة
وأركض وأركض وأركض والحمد لله وصلت السوق
شماغي بيدي وعقالي عندهم وثيابي مشقشقة ونعالي عندهم
بس طلعت من الحارة مش من نفس الطريق اللي دخلته
طلعت من جهة المواقف حق السوق
ووصلت عند السيارة وقعدت على الرصيف
أتصلت على المدير وقلت له بصوت مبحوح ماينفهم عليه :
أنا عند السيارة
قال لي شتقول مافهمت ؟
قلت أنا عند السيارة << أحاول أرفع صوتي
قال ياخي مافهمت ؟
تنحنحت وتنحنحت ثانية وثالثة
وقلت بأعلى صوت قدرت عليه
أنا عند السيااااااااااااارة إذا خلصت تعال
قال أها فهمت زين
شويتين جاء المدير وفتح السيارة وقمت من على الرصيف وركبت
حط أغراضه في السيارة وركب وشغلها
قال لي تصدق جاء الرجال اللي شريت منه
وقال أن رجال دخل حارة السود ودبغوه دبغ
لأنه غازل جارتهم ومريت عليهم وهم يطقونه حطيت الكرتون
وقمت أضربه وياهم طقيناه طق سنة بساعة
بس الله سلمه أن الشياب قال لهم طقوه
بس لاتكسرون له عظم ولا تشقون له جلد وأبعدوا عن الوجه
تصدق يابو طلال أول ماقال لي خفت أنه يكون أنت
أثاريك قاعد تتفرج على السوق
بس اللي طقوه شكله راح فيها
وأنا ساكت طبعا مافيني حيل حتى أتنفس
تحرك أبويعقوب وتوجه للشارع المنور
وأول ماقدر يشوفني بسبب أنوار الشارع
طق بريك وطق ضحك
يضحك ويضحك ويضحك ويضحك وماقدر يسوق
ولا يقدر يتكلم وأنا أبغى أهاوش وإلا أنزل ماني قادر أسوي شي
والأخ فارطها ضحك وأنا لي الله
وربي خلص الهواء من السيارة وطلع وصار يضحك برى السيارة
وأنا مقهووووووووووووووووووور
وأبي أفش غلي فيه بس مافيني حييييييييييييييييييييل
رحنا الشقة لاهو قدر ينام ولا أنا قدرت أنام
كل ما أتحرك يألمني جسمي وأقول آآآه
والأخ يضحك وأنا آآآه وهو يضحك
رحنا المستشفى
شافني الدكتور المصري
وقال :
الله الله الله
هو أنت جرا لك إيه ؟
قلت له أبد يادكتور كنت أمشي وطحت
وقعد يضحك بويعقوب بس بشويش
بس الدكتور قال شي خلاه يصدح بالضحك في أرجاء المستشفى
الدكتور قال : طايح
تقول طايح
ماهو باين إنك طايح بس إنت طحت على رجول وإيدين
يعني واضح أنك مضروب ومرفوس


أنا ماني عارف ليه يضحك أحد من هالقصة
بااااااااااااااااااااااااايخة بشكل وع وع وع وععععععععععع

مملكة الاحساس
07-30-2013, 07:47 PM
ههههههههههههههههههههههههههههه ههههههههههههههههههههههههههه
خخخخخخخخخخخخخخخخخخخخخخخخخ

هذا اخرت اللقافه هههههههههههههههه قسم تفطس من الضحك وفي نفس الوقت تكسر الخاطر
وش هالحاره بسم الله عليكم رايحين تشترون مخدرات ولا شروخ
بس مادري كيف دعاك قلبك تدخل هالحواري بهالظلام الواحد يدخل حي ويطلع ميت
بس عفيه على المدير ماراح معك.. ولا كان راح فيها مثلك
ههههههههههههههههههه
اتخيل الموقف افطس من الضحك

س/ بوطلال بالله اوصف شعور ك وانت http://www.aloyun.com/vb/images/icons/042.gif يوم المدير يتكلم بالسيارة عن الرجال الي ادبغوه وطلعت انت المدبوغ؟
س/ كيف كان شعورك وقت الدبغ حسيت انك ماراح تشوف بويعقوب مرة ثانية؟
ههههههههههههههههه


الدكتور قال : طايح
تقول طايح
ماهو باين إنك طايح بس إنت طحت على رجول وإيدين


عيب عليك تغااازل يابوطلال
عيب عليك يووووبه مايصير شذيه تشذب هههههههههههههههههههه يعيب الشوووم :017:


أنا ماني عارف ليه يضحك أحد من هالقصة
بااااااااااااااااااااااااايخة بشكل وع وع وع وععععععععععع


من كان هو المدبوغ..... لن يضحك .....ولوأناروا له لمبة صفرا :054: .....اومزيدا من الشموووع.....
هههههههههههههههه

بجيب وحدة أطلق منها
هذه ماتضحك حيل

هههههههههههههههه
خير إن شاء الله

المعادلة الحسابية لقصة بوطلال والنتيجة الحاصلة بمادة الشراخي:
بوطلال : :103: +:158:+:032:+:181: +:030:= :103::167: :026: :144::120:
:wejo020::wejo020::wejo020:
ههههههههههههههههههههههه
شكرا لك مديرنا لانك اجبرته يقولها قال بايخه قال
ههههههههههههههههههههه
حمدلله ع السلامه بوطلال وتعيش ماتشوف غيرها إن شاء الله
ههههههههههههههه
اخر سؤال لو المدير حب يشتري شراخي بتروح معه مره ثانيه؟
هههههههههههههه

مملكة الاحساس
07-30-2013, 07:52 PM
بايخة بايخة :198:
بشوف غيرها :042:


ماتبيها يوم فيها
:032:
هههههههههههههه

دمع!
07-30-2013, 09:27 PM
ههههههههههههههههههههههههههههههههههههههههههههههه

هههههههههههههههههههههههههههههههههههههههههههه

أنـآ ضحكت من جوـآلي بس سويت المستحيل علشـآن ادخل من الجهـآز وأكمل ضحك هههههههههههههههههههههههه

هي بصرـآحه كلش كلش كلش مـآتضحك بس من كثر مـآضحكت جـآني شد عضلي هههههههههههههههه
شكلك كنت تسوي كذـآ :186: يوم شفت الرجال أنقلب حرمه هههههه

شفت اللقـآفه وش تسوي؟ بس بعد مـآذكرت هالموقف للحين مصر إن اللقـآفه ثقـآقه ولآغيرت رأييك

ههههههههههههههههههههه أجل أنت تتأوه وخويك يضحك هـآه بس مجدي فيك حرق أعصـآبك بضحكه هههههههه

عجبني البـآيع لمـآقـآل لابو يعقوب كنت أطق وـآحد يغـآزل وهو مـآيدري إن هالوـآحد خويه ههههههههههه



طيب طيب انت ليش حاط قصتك قبل الإفطـآر ادري فيك تبينـآ نشرق من الضحك ومـآنقدر نشرب مويه:010:

خواطر
07-30-2013, 11:04 PM
بجيب وحدة أطلق منها
هذه ماتضحك حيل

صج ماتضحك حيل بايخه نضحك وانت مطقوق ومكفخينك لين قلت بس :010:افا عيب وشق جيب :006: كسرة خاطري:200: يطقونك وانت تقول الحرمه ماهي حرمه طلعت رجالها ههههههههههههخخخخخ عععععععععععههههههههههه

وابويعقوب يسولف لك عن الرجال الي ادبغه:125:دبغ واكيد انت ميت قهر :009:ههههههههههههه

اللقافه وماتعمل يابوطلال تكبر وتنساها ههههههههههههههههههههههههههههههههه

بصراحه تصلح تنعمل حلقه من حلقات طاش ماطاش راح تطلع حلقه ولا احسن منها
اعرضها علئ احد المنتجين واختار ممثل من هالممثلين الكوميديين يمثلها

ليش ممثل انت احسن منهم مثل وتوكل علئ الله وعيد نفس المشهد علشان يطلع المشهد مقنع ويقتنعون فيه المشاهدين ههههههههههه:007::190:ههههههههههههههههههههههههههههه هههههههه

الهنوف
07-30-2013, 11:30 PM
-

ههههههههههههههههههههههههه
كل المواقف تضحك
بس أشدها آخر موقف ’
هو انت كيف تسرده بهالاسلوب وانت المتفشل بالموقف ؟!
كيف جتك الجرأه تضحكنا عليك ؟
فاتح الموضوع تضحكنا على المدير واكثر ماضحكنا هو عليك . .
ياعساها دايمه هالمواقف ’

أبو طلال
07-31-2013, 12:31 AM
ههههههههههههههههههههههههههههه


ول وش هالضحك

ههههههههههههههههههههه شفتي كيف الدكتور يقول لي أنك مضروب بس جابها مثل ماقلت أنا طايح
حلو رده هههههههههههههه ايه طايح على رجول وايدين
من اللي شافه كم بقس ورفس

أبو طلال
07-31-2013, 12:49 AM
ههههههههههههههههههههههههههههههههههههههههههههههه


اللقافة ثقافة فعلا
بس كل واحد وحسب قوة تحمله
هههههههههههههههههههاااااااااااااااي

أبو طلال
07-31-2013, 12:52 AM
صج ماتضحك حيل بايخه نضحك وانت مطقوق ومكفخينك لين قلت بس :010:افا عيب وشق جيب :006: كسرة خاطري:200: يطقونك وانت تقول الحرمه ماهي حرمه طلعت رجال ههههههههههههخخخخخ عععععععععععههههههههههه
:ههههههههههههههههههههههههههههههههههههه


هههههههههههههههههههههههههههههههههههه
ضحك وطماشة وطنازة وطاش ماطاش
كل هذا والقصة ماتضحت أجل لو كانت تضحك وش بيتسوين هاااااااااااااه

أبو طلال
07-31-2013, 12:56 AM
-

ههههههههههههههههههههههههه
هو انت كيف تسرده بهالاسلوب وانت المتفشل بالموقف ؟!
كيف جتك الجرأه تضحكنا عليك ؟




مافيها شي
حدث وقع وصار
والحدث هذا يؤخذ منه دروس وعبر
وأنا بصراحة أخذت درس بس بشراسة
ههههههههههههههههههه

Gamrat Gaza
07-31-2013, 02:59 AM
ههههههههههههههههههههههههههههههههههههههههههههه
كل ماضحكت اهلي يأشرون أني خبله , بس هين اتسحر واعلمهم :010:
هو انت صدق ملقوف بس على نياتك هههههههههههه
المشكله هنا بالمدير انه معاهم معاهم عليهم عليهم ههههههههههه
وراه ماميز الصوت , ولاخايف ينطق هع
اما الشايب صراحه موحكيم ابد , هذا مايوزن الأمور صح بس عليه يقومها هوشه وقامت المعركه :/

وبس شسمه لو انا مكان المدير يبي لي مده طويله عشان اوقف ضحك
فيا مديرنا , وسع صدرك واضحك عليه, :124:
زين ابوطلال فيك تجيب لنا شراخي , من هالحاره :122:

أبو طلال
07-31-2013, 03:07 AM
ههههههههههههههههههههههههههههههههههههههههههههه

المشكله هنا بالمدير انه معاهم معاهم عليهم عليهم ههههههههههه
وراه ماميز الصوت , ولاخايف ينطق هع

زين ابوطلال فيك تجيب لنا شراخي , من هالحاره :122:

المدير ماهو موجود
أصلا قال لي لاتدخل
هو واقف برى الحارة ينتظر
أنا الله بالخير رايح مسوي فيها سبع الليل :145:

أروح أجيب لك شراخي من هنااااااك
شلونك أنتي بس عساك بخير
ترى سويت لك حركة أهلك لك

Gamrat Gaza
07-31-2013, 03:17 AM
^
المدير متعود شكله
زين بوطلال هههههههههههههههههههههههههههههه

أبو طلال
07-31-2013, 03:28 AM
بخليه أنا
بفكر بوحدة ضده
ووحدة بوحدة

مملكة الاحساس
07-31-2013, 03:41 AM
بوطلال روح جيب شراخي لجمووورة
ههههههههههههههههههههه
قولهم انك نسيت الغتره ماعطيتهم اياه مايصير عقال بدون غتره
هههههههههههههههه
وود معك لهم ساعه وكبك يطقمون به للعيد
خخخخخخخخخخخخ
والله زين فلت بالغتره هههههههههه
الي مضحكني حيل انك وانت تكتب القصه اول مره اشوفك تكتب موضوع على جنب واحد يمين
الاسطر متعوب عليها ورا بعض هههههههههههه
الظاهر كل سطر انقلب لتسطر و تتذكر فيه دبغه هههههههههههه
بوطلال في اي عام صارت هالدبغه
علشان لما نبي نقولها لاحد نقولها له وهي مؤرخه هههههههههه
او نقول حدث هذا الشيء في سنة الدبغة
هههههههههههههههههههه

مب مكثره ضحك اخاف اندبغ يووم

جاني بويعقوب على حسب الإتفاق اللي بينا
وهو أنه يجي الرياض ونتوجه لسوق أم الحمام
عشان نشتري شراخي من تجار الجملة هناك
المدير جاء وشرى كم مرة
وعارف وين يروح وشبيسوي ومن عند مين بيشتري
أنا جيت معاه بس عشان أتفرج
وأعرف كيف ومنين يشترون للعلم بالشي بس

أبو طلال
07-31-2013, 03:43 AM
هههههههههههههههههههههههههههههههههههه

سنة الدبغة

حلووووووووووووووووووووووة

مرهفه المشاعر
07-31-2013, 01:31 PM
هههههههههههههههههههههههههههه مظلوووووم يابو طلال
فلللله المممسلسل «« بعدين وش صار رجعت الحاره وانتقمت وضربتههم .. ولا جلست بوسط العالم تقووول بعالي الصوت انا مظلوم انتوا مافهمتو شي «« والله مايصدقوونك ههههههههههه
:wejo008: من اللقافه مسووي بطل » شكل متأثر بمسلسل كارتوني خخخخخ
وأحلى شي البايع يوم نزل الكرتون وجلس .. ضرب وياهم راعي فزعه طلع««« تخيل المدير بعد ضربك وياهممم :015: وش تسوي .. :017: الحمدلله طلعت بالسلامه من الحاره :wejo008: بوطلال خلاص الحين جاته عقده من الشراريخ والحاره ههههههههه

مرهفه المشاعر
07-31-2013, 01:45 PM
بخليها حلقه بمسلسل ع القناه الأولى .. راح تكون عنوان الحلقه *** حارة الشراريخ***
شكله يكتبها ويتذككر الضرب
:032: :032:معليش بو طلال مسكينه الحرمه خرعتها ههههههههه خافت منك .. وظلام بعد هههه

aloyun
07-31-2013, 05:16 PM
بخليه أنا
بفكر بوحدة ضده
ووحدة بوحدة

هههههههههههههه
اركد اركد وماركدت وانت البادي ومش انا

نبض الأمل
08-01-2013, 01:28 AM
ههههههههههههههههههههههههههههههههههههههههههه
هههههههههههههههههههههههههههههههه
هههههههههههههههههههههههههه
لو أني مكان بويعقوب ماضحكت بس يمكن مت من الضحك هههههههههههههههههههههههههههههه


تصدق بوطلال
آوووووول مره احس أنك مسكين وعلى نياتك
مثل هذا
http://img02.arabsh.com/uploads/image/2013/08/01/0c3447426cfa05.jpg

بس تستاهل هذا نتيجة اللقافه ههههههههههههههههههههههه طايح على رجول ويدين ههههههههههههههههههههههههه
عساني أخذ درررس واتركها انا بعد :056:

( بوطلال النقطه الاساسيه بالموضوع كله المدير أنتقم منه ردها له لاتسكت خليه يجرب احساسك بذاك اليوم ولو بعد حين :191: )

أبو طلال
08-01-2013, 05:10 PM
هههههههههههههههههههههههههههه مظلوووووم يابو طلال


جدا مظلوم
وأصلا أنا مظلوم حيل كلش
وترى الشراريخ بايخة ماحبها :148:

أبو طلال
08-01-2013, 05:12 PM
هههههههههههههه
اركد اركد وماركدت وانت البادي ومش انا


حسنا حسنا
لك يوم ياسيد

أبو طلال
08-01-2013, 05:14 PM
ههههههههههههههههههههههههههههههههههههههههههه
هههههههههههههههههههههههههههههههه
هههههههههههههههههههههههههه
لو أني مكان بويعقوب ماضحكت بس يمكن مت من الضحك هههههههههههههههههههههههههههههه


بشويش لاينشق حلقك
وأنا مسكين واجد ومن زمان
كلش ماشفتي سالفة تضحك إلا ذي
والله

الصاعق
08-07-2013, 01:39 AM
:016: ههههههههههههههههههههههههههههههههههههههههههه
حسبي الله على ابليسكم قاعد أشرب فيمتو وشرقت من الضحك .. ههههههههههههههههههههههههههههههههههههه

تعيش يا بو طلال وتاخذ غيرها .
اقول اكتبها وارسلها للقصبي والسدحان يسوونها تمثيلية كوميدية .. صدقني بتكسب من وراها الملاييين ..

عَبقْ
12-08-2013, 02:17 PM
*


بوطلال قول لنا قصه سوق ام الحمام يوم نشتري الشراخي :133:




بايخة بايخة :198:
بشوف غيرها :042:



"تعآلوا تعالوا .. اضحكوا اضحكوا "
لمآ أقرأ عنوآن الموضُوع أضحك
لآنك نآوي تضحّك الأعضآء على أبويعقُوب وبالآخر أنقلب الموضُوع ضدّك مع سآلفتك بسوق أمّ الحمآم
سنَة الدّبغَة

:152::012::wejo020:

أبو طلال
01-03-2014, 09:26 PM
بقول لكم سالفة صارت قدام واحد وهو اللي قالي عليها

يقول كان جالس مع شباب يسولفون في أحد المجالس
وجات سالفة الأب اللي يعطي واحد من عياله ولا يعطي باقي عياله
فيه واحد قال حديث عن الرسول صلى الله عليه وسلم حول هذا الفعل
الواحد هذا قال الحديث بشكل صحيح بس بعد مافسره وشرحه
ضحك عليه أغلب اللي بالمجلس والحديث هو :
" أراد بشير والد النعمان بن بشير أن يعطي النعمان شيئًا يخصه فقالت امرأته له لا والله لا تفعل حتى تُشهِدَ رسول الله_ صلي الله عليه وسلم_ على ذلك ، فلما ذهب النعمان مع أبيه إلى النبي _عليه الصلاة والسلام_ قال بشير يا رسول الله إني أردت أن أُنحِل ابني هذا نُحلًا ، وجئت لأشهدك علي هذا فقال ( أكلَ وَلَدِكَ أعطيت ؟ ) فقال: لا ، فقال: أشهد على هذا غيري فأني لا أشهد على جور ".

شوفوا الحديث مرة ثانية خصوصا اللي لونته بالأزرق
يوم شرح الحديث قال :
أن الصحابي يبي يعطي ولده خلية نحل ولا يعطي باقي عياله ولا حتى نحلة وحدة
هههههههههههههههههههههههههههههههههههههههه
هو فهمها أن الشي اللي بيعطيه خلية نحل ههههههههههههههههههه
والحديث يقول إني أردت أن أُنحِل ابني هذا نُحلًا
وماعرف أنه بيعطي أو يهب ولده أعطية وهبة من ماله
ههههههههههههههههههههههههههههههههه

Gamrat Gaza
01-05-2014, 03:44 AM
ههههههههههههههههه

الله يرحم الحال ,
من فيه مايفسر بكيفه هالوقت :182:

أبو طلال
01-06-2014, 06:37 PM
هههههههههههههههههههههه
هههههههه ماعطي عياله ولا حتى نحلة وحدة
والله انه تفسير مايفكر فيه المحشش

أبو طلال
02-23-2014, 07:53 PM
قبل يومين في العصر رحت أنا وصاحب لي نشتري له خيمة
دورنا له خيمة في محل اللي يشتغل فيه أفغاني
دخلنا المحل وسألناه :
نبي خيمة عامود واحد إذا فيه خلنا نشوفها
قال : نعم يوجد خيمة عمود واحد وأشر لنا بيده وقال : إتبعوني
لحقناه وكان فيه مجموعة خيام بألوان مختلفة
البايع سألنا : مالون الخيمة التي تريدون أي صناعة ؟
بعد اللف والبحث قلنا له : نبغى هالخيمة
قال : حسنا ولكن ليس لدينا سيارة لنقلها لكم ولا نستطيع تركيبها
للنقص في عدد العمال لدينا
قال له صاحبي : مش مشكلة ناخذها إحنا
قال : حسنا إدفعوا الآن وأخبروني متى تأتون لأخذها ؟
دفعنا له وراح يكتب الفاتورة وصاحبي يضحك على الأفغاني اللي ماسكة معاه اللغة العربية الفصحى ويقول حتى الأفغاني صار مثل عيالنا يتابع أفلام الكارتون ويتكلم مثلهم وقعدنا نطقطق عليه شوي
جانا ومعاه الفاتورة الأصل وبعد ما عطانا إياها وقال :
من الذي سيأتي لحملها ؟
رد صاحبي بلغة عربية فصحى وقال :
أنا بكل سرور
سجل في الورقة اللي معاه وقال :
حسنا ولكن إعلم أن وقت الإغلاق هو الساعة العاشرة مساء
قال صاحبي حسنا وشكرا لك

بعد العشاء على طول رحت له أنا ومعاي الفاتورة
وطلبت الخيمة وسألني ما أسمك ؟
قلت له إسمي
قال لايصح هذا
قلت ليه إن شاء الله ؟
قال الإسم لايطابق مع المكتوب عندي
قلت ماخبر إنه عطيناك إسم تأكد ربي يحفظك عموما خذ هذه الفاتورة ومافيها أي إسم
وقال حسنا بما أن الفاتورة معك تستطيع أخذها
قلت له ياخي وش الإسم اللي عندك ؟
قال إنه يخص الشخص الذي أتى معك
وأعصر مخي عشان أتذكر متى قال له الإسم
بصراحة ماتذكرت وقلت له مستحيل
كيف عطاك إسمه وأنا معه من يوم دخل للمحل لين طلع
قال خذ تأكد
ومد لي نسخة الفاتورة ومكتوب في مكان الإسم
بكر سرور
سألته أي بكر سرور ياصديق
قال أنا سألت من الذي سيأتي لحملها ؟
رد صاحبك أنا بكر سرور

هههههههههههههههههههههههههههههههههه
ومسوي فيها لغة فصحى
ههههههههههههههههههه خويي قال له بكل سرور
يحسبه يقول بكر سرور

ههههههههههههههههههههههههه
أصلا من يومها وأنا أنادي صاحبي أبو سرور ههههههههههههههههههه

aloyun
02-23-2014, 09:46 PM
ههههههههههههههههه سلم لي على بوسرور كثير السلام

أبو طلال
05-14-2014, 05:47 PM
يبلغ إن شاء الله

أبو طلال
05-14-2014, 05:47 PM
ساعة وأنا ألف وألف وألف
وأدور وأدور وأدوووووور
على مستشفى الإنسان مالقيته
هذا كان كلامي لشخص متصل عليه عشان يقول لي مكان هالمستشفى
ويرد علي ماعمري سمعت بالمستشفى هذا
خير عسى ماشر ؟
قلت له أبد سعيد أرسل لي رسالة
عشان أجيه المستشفى لأن سيارته موديها الورشة
قال لي : ياخي إتصل عليه وفك عمرك !!
قلت له : ياخي أتصل عليه ويقفل أحيانا وأحيانا يرن ومايرد
قال لي دبر عمرك وياه ،،،،، وقفل

شوي بسيطة إلا سعيد يتصل علي ويقول كلام مافهمت منه شي

ياسعيد ترى وربي مافهمت شي ،، أنت وينك ؟
قال وينه ،، وهو قريب حيل مني ورحت له
الله يهديك ياسعيد
لفيت الحارة ذي أدور على مستشفى الإنسان مالقيت
قال لي وهو مستغرب : أي إنسان ؟
قلت له أنت مرسل لي أنك في مستشفى الإنسان
قال ياخي أنا كنت في مستشفى الأسنان ،،، ماتشوف القطن في فمي
أم اللحسة خذ هاك شوف رسالتك يابو إنسان

طبعا ماعلقت كثير عليه
هههههههههههههههههههههه لأنه حتى أنا أغلط في الملتقى كثير
لما أقدم حرف على حرف هههههههههههههههه