مسابقة تركيب الكلمات العامية في جملة

[دمع!]

من وين اجيبه ياخلاف

ربي يخلف عليك ويرزقك

[خواطر]

الله يعوض علي

[عَذْبَھْہّ]

اقول بس ياخلاف
الله تخلف علينا وتعوضنا

[اسماء الشدي]

يا خلاف اي يا حظي يا خلاف ما عندي شي

[أبو طلال]

النقطة لقالوا علامك




عذبة = 29
ليدي = 3
دمع = 15
خواطر = 8
قالوا علامك = 9
أسماء الشدي = 2

[عَبقْ]

بمعنى عليه العوض ومنه العوض ياسكينة :012:

دائماً يقولون من وين ياخلآف

يعني الله يخلف أو يعوض عليه

[عَذْبَھْہّ]

ياجبار يعني
جبر للمصيبه

[أبو طلال]

باقي كلمتين الليلة وحدة صعبة ووحدة سهلة

[عَذْبَھْہّ]

مبروووووك قالوا

[دمع!]

مبرووك قالوعلامك

[عَبقْ]

يبارك فيكم

[اسماء الشدي]

مبروك لريا ..

[عَبقْ]

يبارك فيكي ياختشي

[أبو طلال]

الكلمة الجديدة هي :


كروة

[دمع!]

هات الكروة اول

فلوس او راتب

[ℓα∂y ℓανєи∂єя]

عط الرجال كروته

[عَذْبَھْہّ]

عط الرجال كروته
اجرته

[خواطر]

اجره
اشتر لي واعطيك الكروه

[اسماء الشدي]

عطو السواق كروه اي اجرة

[عَبقْ]

أبوكروة هههههههه

جيب لي كروة بدل البضاعة

ممكن الثمن المقابل لاي سلعة

[خواطر]

اعيالنا مايرحون الابكروه
بفلوس

[خواطر]

المعاش اوالراتب يسمونه كروه

[عَبقْ]

الكلمة هذه السهلة أو الصعبة يآبوطلآل

كروة كآنت صعبة بالنسبة لي

[أبو طلال]

النقطة لدمع



عذبة = 29
ليدي = 3
دمع = 16
خواطر = 8
قالوا علامك = 9
أسماء الشدي = 2

[عَذْبَھْہّ]

مبرووووك دمع

[عَبقْ]

مبرووووك دمع

[خواطر]

مبرووووك دمع

[دمع!]

يبارك فيكم .. الحمدلله بديت اركز هههههه

[اسماء الشدي]

مبروك لدمع

[دمع!]

يبارك فيك اسوم

[أبو طلال]

الكلمة الجديدة هي :

مجغجغ

[عَذْبَھْہّ]

مجغجغ الاكل
لين

[دمع!]

وش فيه مجغجغ

مليان

[عَذْبَھْہّ]

رخو ....
او الولد مجغجغ مربب

[دمع!]

او مربرب

[ℓα∂y ℓανєи∂єя]

ممتلئ

[اسماء الشدي]

يمكن متين ذا الولد مجغجغ
او متلكع زي العجين

[خواطر]

مليان
من الماي
اوسمين

[عَذْبَھْہّ]

لين رخو

[عَبقْ]

حلوة المعاني ههههههههههههههه

مآعرفتهآ

[عَذْبَھْہّ]

هالرجال مجغجغ
يعي فلوسه واجد

[اسماء الشدي]

يمكن متين ذا الولد مجغجغ
او متلكع زي العجين
العجين متجغجغ

[ℓα∂y ℓανєи∂єя]

مجغجغ : عنده أموال كثيرة

[عَذْبَھْہّ]

قلنا لين قلنا رخو قلنا مربرب قلنا فلوسه واجد

[عَبقْ]

الخبر مجغجغ بالموية

صار مبلول ومليان موية

[خواطر]

مليان دهن

[عَذْبَھْہّ]

امي تقول لين كنه فيه ماي

[اسماء الشدي]

والله الأولين مأثرين عليهم الفرس والهنود ذا اللوز بتطلع من هذه الكلمات هههههه هع

[خواطر]

اللقيمات مجغجغة بالزيت

[عَذْبَھْہّ]

المرقوق اذا ماه واجد او الرز يقولون مجغجغ

[أبو طلال]

لها معنيين مليان ولين
البادية متروسة لحدها
الشي صار لين من كثرة السائل فيها


عذبه لها نقطة
دمع لها نقطة



عذبة = 30
ليدي = 3
دمع = 17
خواطر = 8
قالوا علامك = 9
أسماء الشدي = 2

[اسماء الشدي]

ثيابه مجغجغه ماي يعني مرطخة وفسر الماء بالماءِ ههه

[أبو طلال]

الإسبوع الجاي عاد شي غير

يهو إنتوا بتتعبون خخخخخ

[خواطر]

قلت في البدايه مليان ماي

[عَبقْ]

مبروووك دمع + عذبة

ومبروووك لبقية المشتركات

[ℓα∂y ℓανєи∂єя]

بالعكس حلو التعب ممتع

[دمع!]

حنا تعبنا من الحين

راح اغط في نومً عميق

[أبو طلال]

أسماء ضحكت من ردها
بصراحة اللوز كانت تتعب من حجينا

[دمع!]

الله يبارك فيك قالواعلامك

[خواطر]

ابوطلال اي احد يجاوب في نفس الوقت عطاه نقطه
اجبر بخاطرنئ :137:

[أبو طلال]

صح حلج ياخواطر بس سبقوج في الرد

وانتي بديتي صح الليلة بس شكل النت عندك معاندك

[خواطر]

:013::026:

[خواطر]

مبرووووووووووك للفائزين
ونلتقئ يوم الاحد علئ خير

تصبحون علئ خير
واحلام سعيده

[أبو طلال]

بما أن هذا الإسبوع إجازة والجو مخليها ولا أحلى بأجل المسابقة للإسبوع الجاي

يعني بكرة الأحد مافيه مسابقة والثلاثاء الجاي مافيه

[أبو طلال]

بسم الله نبدأ

مع أني ماشوف أحد من اللي شاركوا طوال الشهر هذا

وين الهوز بغسل درج الملتقى لين يجون

[دمع!]

السلام عليكم..

ورى البـآب معلق ..دور لك احد يشطف المويه معـآك:p

[عَذْبَھْہّ]

انــآ هوون ,,http://www.pp11.com/pic_gif/z7u55424.gif (http://www.pp11.com/)

[ℓα∂y ℓανєи∂єя]

وانا كمان هووون :123:

[أبو طلال]

ثلاث موجودات

اليوم ليدي مبكرة شكلها تبي تحقق مركز متقدم

[بحر الاخوه]

أصبر أنت وياه أبلعب:012:

[دمع!]

يممه دخلتك تخوف.. حسيتك عرريف فصل:d

[عَذْبَھْہّ]

http://www.pp11.com/pic_gif/zxv55234.gif (http://www.pp11.com/)

ألووو ألووو ,,
هل تسمعني أين أنتم يـآرفاق قالوا واسماء وخواطر ؟!!

[أبو طلال]

أما

بحر الاخوه

ياهلا ياهلا

يالله يالله بأبدأ

فيه ملاحظة لابد من ذكرها
وهو من شروط المسابقة أن تكون تركيبة الجملة على حسب الكلمة

مثلا :

حلجي

الجمله تكون فيها كلمة حلجي مش الحلج ولا حلجه أو حلجها .... إلخ

[أبو طلال]

إستعدوا ردي الجاي بيكون فيها أول كلمة



عذبة = 30
ليدي = 3
دمع = 17
خواطر = 8
قالوا علامك = 9
أسماء الشدي = 2

[خواطر]

السلام عليكم

[دمع!]

وعليكم السلام

حاضرين طـآل عمرك

[أبو طلال]

الكلمة هي :


غبيب

[عَذْبَھْہّ]

اكلهم غبيب
يعني مبطي

[دمع!]

اكلكم غبيب

يعني من البارح

[عَذْبَھْہّ]

بايت من ليله او بيوم

[خواطر]

اللاكل البايت
الي يتاكل في الصباح

[خواطر]

على اللبن اللي مضى له اكثر من يوم يقولون لبن غبيب . يعني له غب . مضى عليه يوم

[أبو طلال]

صح
الغبيب هو الأكل البايت

النقطة لدمع

عذبه صح لكن كلمة مبطي قد لاتعني البارح أو أمس



عذبة = 30
ليدي = 3
دمع = 18
خواطر = 8
قالوا علامك = 9
أسماء الشدي = 2

[أبو طلال]

لعل الكلمات الليلة شوي غلجة عليكم
يعني لازم تستعينون بكبار السن

[خواطر]

مبروووك دمع

[دمع!]

الله يبارك فيك خواطر

[عَذْبَھْہّ]

مبروووك دمع
ابوطلال امي زعلت عليك ,,

[خواطر]

:149: ماعندي الا هالشيبه ههههههههه

[دمع!]

الله يبارك فيك عذوب

[أبو طلال]

الكلمة الجديدة هي :

الـمـاجـلـة

[خواطر]

جيب الماجله
يعني العزبه

[دمع!]

وين الماجله

يمكن المونه او العزبه

[خواطر]

مقاضي البيت

[أبو طلال]

خواطر لك نقطة




عذبة = 30
ليدي = 3
دمع = 18
خواطر = 9
قالوا علامك = 9
أسماء الشدي = 2

[اسماء الشدي]

الماكلة عزبة البيت
هات ماكلة للبيت

[دمع!]

مبرووك خواطر

[خواطر]

الله يبارك فيك

[بحر الاخوه]

بل بل مايمدي الواحد يجاوب

[عَذْبَھْہّ]

مبروووك خواطر ,,

[أبو طلال]

ليدي وينها
بحر الاخوه اختفى
اسماء الشدي جات
عذبه شكل النت عندها خانها

[اسماء الشدي]

بس الماكلة .. يستعملونها اهل الكويت .. حنا نقول عزبة والمصريين تموين ومونه والبدو ميرة

[خواطر]

:062: صل علئ النبي

[أبو طلال]

الكلمة الجاية هي ...............................

في ردي الجاي

[دمع!]

والزاد من يستعملهـآ؟:d

[أبو طلال]

الكلمة الجديدة هي :

عكروشة

[اسماء الشدي]

الزاد بدو المسلسلات هههههههههههههههههه

[عَذْبَھْہّ]

حطي براسكعكروشه
مشمووم

[دمع!]

سوي لي عكروشه لشعري

ربطة مشموم

[خواطر]

المشموم علئ الشعر

[اسماء الشدي]

امشموم حطي في شعري عكروشه

[عَذْبَھْہّ]

عكروشه وسروووح

[ℓα∂y ℓανєи∂єя]

معنى كلمة عكروشه لقد أطلقه على أحد مربي الجمال وتعني الجمل الصغير المعكرش أي الذي له كشه فوق رأسه.

[عَذْبَھْہّ]

طبعا العكروشه منفرده .. والمسروح مشبووك

[أبو طلال]

عذبة لك نقطة



عذبة = 31
ليدي = 3
دمع = 18
خواطر = 9
قالوا علامك = 9
أسماء الشدي = 2

[دمع!]

مبرووك عذبه

[اسماء الشدي]

معنى كلمة عكروشه لقد أطلقه على أحد مربي الجمال وتعني الجمل الصغير المعكرش أي الذي له كشه فوق رأسه.


يا عيني على معجم اللغة ,, فتح الله عليك ههههههههههههههه:159:

[خواطر]

مبرووك عذبه

[عَذْبَھْہّ]

يبارك بعمرك يااارب

[عَذْبَھْہّ]

يبارك بحياتك يااارب

[أبو طلال]

الكلمة الجديدة هي :

زنـجـفـرة

[اسماء الشدي]

كلكم مبروك مرة وحدة النت اخاف يغشني ههههههههههههههه

[عَذْبَھْہّ]

شايفه ياأسسسوم قالت كشه على راسه مثل المشموم هههه

[ℓα∂y ℓανєи∂єя]

هههههههههههههههههههههههههه
اي اعلمك بسس هههههه
وش اسوي ماعندي الا قوقل يساعدني هههههههههههه

[اسماء الشدي]

زنجفرة يمكن اضرب له هرن هههههههههههههههههههههههه

[عَذْبَھْہّ]

يمكن ريحة الاكل زفره
او زنجبيل
البس الزنجفره يعني الجاكيت او جبه لبس هي

[خواطر]

زنجفره : فانيلة
البس زنجفرتك

[عَذْبَھْہّ]

لبس داخلي او فانيله

[اسماء الشدي]

زنجفرة اوأمنعه وشاغلة 000000000000000000صعبه اول مرة اسمعها

[أبو طلال]

خواطر لك نقطة



عذبة = 31
ليدي = 3
دمع = 18
خواطر = 10
قالوا علامك = 9
أسماء الشدي = 2

نقولها زنجفرة
جدي الله يرحمه مايقول الا زنجفرة مو فنيله ولا فلينه :012:

[دمع!]

مرووك خواطر

[دمع!]

فانيله علاقي خخخ

[اسماء الشدي]

لا تكون الدقلة الطويلة اللي تشبه الجاكيت لكنها طويلة ااقطع ذراعي ان ما كانت كلمة فارسية

[عَذْبَھْہّ]

مبروووك خواطر

[خواطر]

الله يبارك فيك

[اسماء الشدي]

ما انت سهلة يا خواطر لاتكونين من الطيبات اوتغشين من نت ثاني ههههههههههههههههههههههههههه

[أبو طلال]

الكلمة الجديدة هي :


قحمي

[دمع!]

قحمي الباب

قفلي

[عَذْبَھْہّ]

قحمي الباب
سكري

[خواطر]

قفل الباب
قحمه

[اسماء الشدي]

اقحمي الباب صكيه بالمزلاج اوالمفتاح

[اسماء الشدي]

تري فيه فرق بين صك الباب وقحم الباب الصك تسكرهدون قفل وتقحمه اي بالمفتاح اوالمزلاج . ابي نقطة هههههههههههههههههههه

[أبو طلال]

نقطة لدمع




عذبة = 31
ليدي = 3
دمع = 19
خواطر = 10
قالوا علامك = 9
أسماء الشدي = 2


أذكر خواطر
أن الكلمة تحطينها في الجمله بالشكل اللي أنا حاطها

مثلا قحمي وانتي قلتي قفل البال وفسرتيها قحمه
والمفروض تقولين قحمي الباب وفسريها بقفلي

[خواطر]

تري فيه فرق بين صك الباب وقحم الباب الصك تسكرهدون قفل وتقحمه اي بالمفتاح اوالمزلاج . ابي نقطة هههههههههههههههههههه


:090:
صح عليك

[عَذْبَھْہّ]

http://www.pp11.com/pic_gif/mnv55234.gif (http://www.pp11.com/)

النتتتت بهدلني

[دمع!]

ههههههههههههههههههه اسوم انا من قريت ردك قلت جابت الاجابه وجات بالجبهه موبالصميم هههههههه

[اسماء الشدي]

ههههههههههههههههههه اسوم انا من قريت ردك قلت جابت الاجابه وجات بالجبهه موبالصميم هههههههه
بهدلني النت ههههههههههههههههههههههه تسلمين دموع:180:

[أبو طلال]

والله وأسماء هي الصح
هههههههههههههههههههههههه

تسحب النقطة من دمع وتروح لأسماء
الحين أسماء وليدي تعادل


عذبة = 31
ليدي = 3
دمع = 18
خواطر = 10
قالوا علامك = 9
أسماء الشدي = 3

[عَذْبَھْہّ]

حركاااات اسووووم
مبروووك

[دمع!]

ياكثر ماتسحب مني يابوطلال

بطالب بتعويض خخخخ

مبرووك اسووم

[اسماء الشدي]

والله وأسما هي الصح
هههههههههههههههههههههههه

تسحب النقطة من دمع وتروح لأسماء
الحين أسماء وليدي تعادل


عذبة = 31
ليدي = 3
دمع = 18
خواطر = 10
قالوا علامك = 9
أسماء الشدي = 3


اويها وجبت نقطة :159::159::159::159::159::159::159::159::159::159: :159::159::159::159:

[خواطر]

مبروووووك

[اسماء الشدي]

تشكرات لكم جميعا

[أبو طلال]

الكلمة الجديدة هي :



يتعافر

[دمع!]

اخوك يتعافر مع الولد

بمعنى يتهاوش

[عَذْبَھْہّ]

يتعافر مع اخوه
يدافس
يتهاوش

[اسماء الشدي]

يتعاعفر الولد مع اخوه يتهاوش في التراب

[خواطر]

يتافر مع اخوه
يتهاوش

[دمع!]

يمزح

يتعار مع خويه

[أبو طلال]

دمع لك نقطة



عذبة = 31
ليدي = 3
دمع = 19
خواطر = 10
قالوا علامك = 9
أسماء الشدي = 3

[اسماء الشدي]

بخرب عليكم
هههههههههههههههه يتعافر مايسمى تعافر الأ اذا كان في الرمل لان العفر التراب وتطلع الغبرة والعفار
تعافر الولد مع اخيه

[دمع!]

طيب شنو المعنى الصحيح

انا حطيت معنى وامي حطت المعنى الثاني

[أبو طلال]

يتعافر يتهاوش بالعموم كان صجي والا مزح

[دمع!]

اهم شيئ جبت نقطه بدون سحب هههههه

[عَذْبَھْہّ]

مبرووووك دموعه

[اسماء الشدي]

تستاهلين دمع

[خواطر]

مبرووووك دموعه

[أبو طلال]

عاد من قبل ماعندنا إلا الرمل
ههههههههههههههههههههههههههه
سكيكنا رمل
حوشنا رمل
دهريزنا رمل
النخل رمل
رملنا رمل

[دمع!]

الله يبارك فيكم

[دمع!]

يستاهلك الطيب اسووم

[اسماء الشدي]

عاد من قبل ماعندنا إلا الرمل
ههههههههههههههههههههههههههه
سكيكنا رمل
حوشنا رمل
دهريزنا رمل
النخل رمل
رملنا رمل


علشان كذا سموه معافر !!!! ههههههههههههههههههههههههههههههههه

[أبو طلال]

الكلمة الجديدة :


متولمة

[دمع!]

متولمه يلا تعال

جاهزه

[عَذْبَھْہّ]

اختك متولمه
جاهزه

[خواطر]

متولمه بروح العرس
جاهزه

[اسماء الشدي]

متجهزة متولمه اروح البيت

[عَذْبَھْہّ]

ياحرآآآآآآآآآم اهيء نفس الدقيقه وصح ,, كم مررررا تجي معي كذا http://www.pp11.com/pic_gif/mkv55234.gif (http://www.pp11.com/)

[أبو طلال]

دمع نقطة


عذبة = 31
ليدي = 3
دمع = 20
خواطر = 10
قالوا علامك = 9
أسماء الشدي = 3



الكلمة الجاية من بيعرفها

[عَذْبَھْہّ]

مبروووك دموووعه

[دمع!]

يبارك بعمرك

الجايه لك ان شـآء الله:)

[أبو طلال]

الكلمة الجديدة :


إدمسه

[عَذْبَھْہّ]

اخوك ادمسه
يوطي فوقه يدمس رمته

[خواطر]

دمسه في الارض
دفنه

[اسماء الشدي]

ادمسه في التراب دفنه

[عَذْبَھْہّ]

دخله في الرمل دمسه دفنه

[اسماء الشدي]

اوحط رجلك وانتم بكرامه على راسه

[عَذْبَھْہّ]

ههههههه

[أبو طلال]

هههههههههههههه

عذبه شكلها تعرف المعنى بس تبي تلحق ولخبطت خخخخ

خواطر صح



عذبة = 31
ليدي = 3
دمع = 20
خواطر = 11
قالوا علامك = 9
أسماء الشدي = 3

[دمع!]

مبرووك خواطر

[خواطر]

:159:

[عَذْبَھْہّ]

مبرووووك خواطر

[خواطر]

الله يبارك فيك

[اسماء الشدي]

أويها وجابت خواطر نقطة :090:

[خواطر]

أويها وجابت خواطر نقطة :090:

مشكوره اوي

[أبو طلال]

الكلمة الجديدة :



زاده

[دمع!]

الازاده وين رحت امس

كلكه نقولها اذا تذكرنا حاجه

[عَذْبَھْہّ]

هو جاي زاده
ا
يعني اثاريه تذكرته

[دمع!]

كلكه= كلمه

[اسماء الشدي]

ليه زاده بنتك ليه عصقوله هههههههههههه

[خواطر]

زاده كم نقطه عندي
كيف يعني

[خواطر]

تذكر
اوشلون كذا

[أبو طلال]

ونفس الوقت ههههههههههه

زاده كأن نقول بالمناسبة

دمع لك نقطة



عذبة = 31
ليدي = 3
دمع = 21
خواطر = 11
قالوا علامك = 9
أسماء الشدي = 3

[اسماء الشدي]

كلمة لبداية الكلام نقول زادة انتم معهم

[دمع!]

هههههههههههههههههههه

[أبو طلال]

ههههههههههههههههههههههههه

أسماء طيرت كلمة من اللي جمعت

عصقولة

يالله راحت عليكم والسبب أسماء خخخخخخخخخخ

الكلمة الجاية إستعدوا

[أبو طلال]

الكلمة الجديدة :



حِـقـة بكسر الحاء

[عَذْبَھْہّ]

حط له حقه
اللي تصيد الفيران

[دمع!]

مصيده

هات الحقه للفيران

[خواطر]

حط الفار في الحقه
المصيده

[اسماء الشدي]

طاح الفار في الحقة المصيدة

[عَذْبَھْہّ]

الحقه الغالب للفيران وهي تصيد الكلاب والقطاوه
يحبلونه للموذي

[اسماء الشدي]

كلكم موسهلات ..شاء الله عليكم

[عَذْبَھْہّ]

هههههههههههه

[اسماء الشدي]

ههههههههههههههههههههههههه

أسماء طيرت كلمة من اللي جمعت

عصقولة

يالله راحت عليكم والسبب أسماء خخخخخخخخخخ

الكلمة الجاية إستعدوا




ابي نقطة حطمت الوقت قبل ما تسال ..هههههههههههههههه

[أبو طلال]

نقطة لعذبة


عذبة = 32
ليدي = 3
دمع = 21
خواطر = 11
قالوا علامك = 9
أسماء الشدي = 3


خواطر سامحيني
شكلي صكيتك بعين
لأنك جبتي جملة ومدحتها اللي حقت متولمة للعرس
والحين خربطتي كيف نجيب الفار للحقة
احنا لو صدناه دعسناه ههههههههههههه

[خواطر]

هههههههههههههههههههه

[أبو طلال]

وقت مستقطع


رااااااااااااااااااااااحة
بقوم أتمغط وراجع بعد عشر دقايق

لا أحد يحش

[اسماء الشدي]

نقطة لعذبة


عذبة = 32
ليدي = 3
دمع = 21
خواطر = 11
قالوا علامك = 9
أسماء الشدي = 3


خواطر سامحيني
شكلي صكيتك بعين
لأنك جبتي جملة ومدحتها اللي حقت متولمة للعرس
والحين خربطتي كيف نجيب الفار للحقة
احنا لو صدناه دعسناه ههههههههههههه



هههههههههههههههههههههههههههههههههههههههههههههههههه هههههههه
سحبنا اويها خخخخخخ

[خواطر]

خذ راحتك

[دمع!]

مبرووك عذوب

[اسماء الشدي]

اشلونكم ابنيات .. بخة عطر وشلونك.. علميني وما علم احد حاطة نصف الصفحة قوقل ههههههههههههههههههههههههههه وتغشين انا حاولت ما عرفت ..!!!!
وين قالوا علآمك مالها حس .. ؟؟
خواطر وعذبة ودمع وش رايكم نمتحن حنا ابو طلال نجيب له كلمات من الدولة العيونية الأولى ونخليه يفحط فيهم لين يقول حقي برقبتي على قولة المصرييين ..هه
هههههههههههههههههههههههههههههههههههههههههههههههههه ههههههههه!!

[دمع!]

ههههههههههههههههههه وربي كنت افكر فيها بعد مايخلص نستقعد له حنا ههههههه

[خواطر]

ولايهمك هاتي كلمات غلجه

[اسماء الشدي]

ههههههههههههههههههه وربي كنت افكر فيها بعد مايخلص نستقعد له حنا ههههههه

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه

ايه ما حدش احسن من حد قدعة يا بت دمع .. تعقبيني ..ههههههههههه!!!:012:

[دمع!]

هههههههه أومال ايه انتي اجري وحنا نجري وراكي ههههههههه

[أبو طلال]

إستعداااااااااااااااااااااااااااد

[عَذْبَھْہّ]

يبارك بعمرك يااارب ,,

[اسماء الشدي]

ولايهمك هاتي كلمات غلجه


والله ها الغلجة غلجة طاحت اللوز وضرب ضرس العقل من ذا الكلمة ..هههههههههههههههههههههه

انت هاتي كلمة غلجة !!! :144:

[دمع!]

بسم الله

[أبو طلال]

يالله كل واحد يقعد مكانه

يا أسماء هدي شعر خواطر
الحين وقت تعجف شعر

[خواطر]

:134:

[خواطر]

حاضر 0000000

[أبو طلال]

الكلمة الجديدة :



دوشق

[عَذْبَھْہّ]

جيبي الدوشق فراش

[دمع!]

فراش

انسدح عالدوشق

[اسماء الشدي]

افرش الدووشق الفراش

[عَذْبَھْہّ]

للجلوس عليه ولا طراحه

[خواطر]

اقعد علئ الدوشق
الفراش

[اسماء الشدي]

يالله كل واحد يقعد مكانه

يا أسماء هدي شعر خواطر
الحين وقت تعجف شعر


ههههههههههههههههههههههههههههههه

[أبو طلال]

عذبة نقطة





عذبة = 33
ليدي = 3
دمع = 21
خواطر = 11
قالوا علامك = 9
أسماء الشدي = 3

[دمع!]

مبروكيشن عذووب

[عَذْبَھْہّ]

يبارك بحياتك يارب

[اسماء الشدي]

:134:


الله يسامحك يابو طلال شيشت خواطر علي .. هديني خلالالالاص !!!ههههههههههههههههههههه:125:

[خواطر]

:018:

[أبو طلال]

يالله يالله كم كلمة صعبة

إستعدوا

[عَذْبَھْہّ]

انا 33 مو 32

[أبو طلال]

الكلمة الجديدة هي :


كشمة << حتى ربعنا يقولونها يا أسماء

[عَذْبَھْہّ]

البس الكشمه النظاره

[دمع!]

عطني كشمه

اعرف كمشه يعني الملعقه

[دمع!]

النظاره

[خواطر]

كشمه حلوه
النظاره