المساعد الشخصي الرقمي

مشاهدة النسخة كاملة : جاتني فكرة وإن شاء الله تلقى القبول


أبو طلال
01-08-2013, 03:06 PM
طبعا توها فكرة طازجة ماطبختها صح
وماني مطلعها من مخي أخاف تخترب
وإذا ماطلعتها كيف آخذ رايكم ؟
طيب لو طلعت شوي منها يصلح والا ﻻ ؟
وإلا تدرون مش مطلع منها شوي
بخبي منها الكثير والباقي بقوله

والله مادري وش أسوي
المشكلة اﻷكبر أني أنساها وتحترق في مخي

والله مشكلة
طيب خلوكم صفين
اللي يبي يعرف يكون هنا واللي مايبي يعرف يكون هناك
بس ﻻحد يلخبطنا تكفون

وادي حنيفة
01-08-2013, 03:32 PM
حطها في الثلاجة ولا تخترب!!!ههههههههه!
والأ أقول علمني بها أنا بس ووعدك ما أحد يدري علشان إذا نسيتها أنا أذكرك بها!!
والأ أقول قطع الفكرة اللي جاتك قطع صغيرة ووزعها في زوايا البيت علشان إذا ضاع منها شي تلقى بقاياها في زوايا البيت 00والأ أقول لك خذ لك غرشه كوكا كولا واشربها ثم أعصر الفكرة من مخك في الغرشة00 وبذلك تحفظها00 والأ أقول لك 00 أنسى الفكرةأحسن لك00
والأّ أقول لك 00 خلالالالالاص نسيت لما أفتكر بكمل00
تحياتي لأبوطلال0

أبو طلال
01-08-2013, 06:59 PM
ول ول ول

تراك لحست مخي
مافهمت وش تبي أنت قسم
شنهو شكيف أسوي يعني
الثلاجة باردة ترى وأخاف أن الفكرة تزكم
كوكا كوﻻ عاد
أصلا فكرتي مسوية رجيم توها صغيرة
بحول الله إذا كبرت وربربت بقول لك

خخخخخخخخخخخخخخ كلش صدقتك ماتعلم
شكلك بتوقف عند باب الملتقى وماسك مكرفون بعد

عابر سبيل
01-08-2013, 07:47 PM
وانا عند تسجيل الخروج




اطرح فكرتك حتى لاتنسى واخاف تصير مثل بعض المواضيع السابقه الي بعد العيد والي بعد فتره




كلنا معك وعلى حسب تواجدنا

والاغلبيه الي من صفي قليل مايشاركون معك وراح نقول لك بعد مانقراء الفكرة

أبو طلال
01-08-2013, 10:15 PM
أنت مش مستوعب الفكرة اللي عن الفكرة اللي جاتني
أنت مفكر أن الفكرة مفبركة وهي فكرة سبحان الله جاتني
أصلا أنا فكرت بيكون فيه تفكير يفكر أن الفكرة للحين ماجاتني

وادي حنيفة
01-08-2013, 10:44 PM
الفكرة اللي فكرت تجيك كنت فاكر أنك فكرت فيها وأفتكرت أنك ولا عبرتها بالتفكير ,ففكرت في فكره تفكك منها وتفكها منك , فقامت وفككت صواميل أفكارك لتفك حالها من تفكيرك وافكارك ؟؟وخلك فاكر ومفكر وفكران ومفتكر أن أصل الفكرة فكرتي وأنت سطيت عليها!!
هل أستوعبت الفكرة المبتكرة المفبركة المشربكة00 إذا فهمت قابلني00؟؟هههههههههههههههههههه!!

أبو طلال
01-08-2013, 11:50 PM
أفتكر أن التفكير بالفكرة يفكرني أني أفكركم بأني أبي آخذ رايكم فيها
وماشفت أحد يقول لي قول


خخخخخخخخخخخخخخخ
أقابلك
أنت هالحين شككتني بتفكيري وتبيني أقابلك عشان تخليني أعد نجوم الظهر

اسماء الشدي
01-09-2013, 01:03 AM
فكيت من عقلك تفاكير وأفكار ** فكيتها لكن فككها شبيكه
فكره تناهت له تباريك واكبار ** وغيرك على الأفكار فكره ركيكه
أن كان تبغيها تفاكير وأفكار** وأفكارك الفكهات تصبح وشيكه
كز الفكيره في مكاريف نكار **وتجيك ذا الفكره لدربك سليكه ؟؟!!:164:
نظم : أسماء 0

عَبقْ
01-09-2013, 04:21 AM
*

ههههههههههههههههههه
نصيحة قبل لآيدخل أحد هنآ يترك مخّه برا

أبوطلآل إذا طبخت الفكرة قدّمهآ لنآ بس انتبه لآتحترق :008:

أبو طلال
01-10-2013, 02:45 AM
فكيت من عقلك تفاكير وأفكار ** فكيتها لكن فككها شبيكه
فكره تناهت له تباريك واكبار ** وغيرك على الأفكار فكره ركيكه
أن كان تبغيها تفاكير وأفكار** وأفكارك الفكهات تصبح وشيكه
كز الفكيره في مكاريف نكار **وتجيك ذا الفكره لدربك سليكه ؟؟!!:164:
نظم : أسماء 0


خبيت في عقلي كل الأفكار ، وجدران عقلي تراها سميكة
بس يمكن أبيح بالأسرار ، للي يمد لي قطعة كيكة

أبو طلال
01-10-2013, 02:47 AM
ههههههههههههههه يخلي مخه برى ههههههههههههههههه

بجد بجد بجد إذا قلت الفكرة وحبيتوها راح أنفذها إن شاء الله

اسماء الشدي
01-10-2013, 04:49 AM
خبيت في عقلي كل الأفكار ، وجدران عقلي تراها سميكة
بس يمكن أبيح بالأسرار ، للي يمد لي قطعة كيكة


يا اللي لأجل الكيك بتبيح الأســـــــــــــــــرار** بجيب لك كيك إنجليزي وعريـــــــــكه!!
وعطني من الخافي خفيات الأفكار ** وأصبح معك في الفكر أذكى شريكه
والاّ ترى با قول يا ناس مكــــــــــــــــــــار** يضحك عليكم بالهروج الشكيــــــــــــــــــــــكه
كنه معاكم راعي الشام بشــــــــــــــــار ** يضحك على شعبه بقصه ركيـــــــــــــــــكه
وبنجيك ثوّاركما جيش الأحــــــــــــرار ** بنحرر الفكره وتصبح فكيــــــــــــــــــــــــــــكـــه

أبو طلال
01-10-2013, 11:55 AM
هههههههههههههههههههههههههههههه

قلتي بلسان أهل الأنبار يوم قلتي كصة ركيكة
وأنا أعمل عمل المنشار فهاتي لي بعد فريكة
وتـرى لـي أتباع وأنصار فلاتنسينهم من العريكة


تم تم تم
الليلة بعد العشاء بقول الفكرة
وأنتوا تساعدوني في بلورتها وتطبيقها

أبو طلال
01-10-2013, 11:40 PM
جيت وجبت معاي فكرتي اللي هي
أني فكرت أسوي مسابقة


اووووووووووووووووووف
أخيرا قلت اللي كان راك على صدري
اييييييييييه الآن حسيت بالراحة

اسماء الشدي
01-11-2013, 12:18 AM
أبو طلال
فكرة جميلة ستشعل الحماس في الملتقى أن شاء الله تعالى
وأن شاء الله أفووووووووووووووووووووووووووووز!!!!!:099:

نبض الأمل
01-11-2013, 10:48 AM
حمدلله اني مالحقت قبل ماتقول الفكره عشان ماينشغل تفكيري وافكر :٪

حلو حلوووو مسابقه ، خلصصنا اختبارات ان شاءالله معها يتحمسون الاعضاء الغايبين ويردون :d

أبو طلال
01-12-2013, 09:52 PM
زين أنها عجبتكم فكرتي

ههههههههههههههههههههههه كني جايب فكرة جديدة على العالم

المهم
ليه ماحد سألني عن ماهية هذه المسابقة ؟

اسماء الشدي
01-12-2013, 10:36 PM
زين أنها عجبتكم فكرتي

ههههههههههههههههههههههه كني جايب فكرة جديدة على العالم

المهم
ليه ماحد سألني عن ماهية هذه المسابقة ؟

مادام أنها مسابقة أكيد بتعجبنا00!!!!!
صحيح أن فكرة المسابقات ما هي جديدة00 لكن نريدها مسابقة مبتكرة وجديدة!!!
والمسابقات في حد ذاتها فكر وإبتكار لأنها تشعل الحماس وتشغل الذهن وتنفض عنه غبار الخمول والبلادة 0

فكرة مشرف الملتقى فكر واشعــال ** لا جات من فكــــــــــــــــرٍ ذهين ٍ وكامل
نرقا بها فوق السراوات وجبــــــــــال ** ومن فوقها غيث الذهانـــــــــــــــــه تهامــــل
يا المشرف الفكر خيلٍ وخيـــــــــــال ** والعز للي روّض الخيــــــــــــــــــل صامــــــــل
الفكرة اللي داخل الفكر تنهال ** ما هي تعجز اللي على العقل شامل

طبعاً نتمنى أن نعرف ما هية المسابقة00
ودمتم0

أبو طلال
01-12-2013, 11:17 PM
إن شاء الله هي جديدة
وهي تعتمد على سرعة كتابة الإجابة
وماتجي الإجابة السريعة إلا بعد معرفة المقصود

والمقصود بقوله لكم بعدين

عَبقْ
01-13-2013, 01:21 AM
*

فكرة جَميلة جداً تكسر روتين الخمول الذي يُخيّم على المُلتقى وأعضاءه
طيب حآبّين نعرف كيفيَّة المُسآبَقَة بآلتّفصيل آلمُمِل :166:

ℓα∂y ℓανєи∂єя
01-13-2013, 11:39 AM
السلاآم عليكم ورحمة الله وبركاته
عدنا لكم من بعد غياب دام طويلا :001:<< لاهـ صدق
المهم
جيت ابدي راآيي بالمسابقه اللي مابعد نعرف ماهيتهاآ ^_^
انا اشوف من خلال ردك يابوطلال انها ليست فكره جديده
وماعتقد << خربتهاآ ^_^

يعني باختصار قصدي اوصل لك انوو
لاتسوي حالك وتطولها
لازم تثبت لنا انها فكره جديده بطرحك لها بسرعه
سئمنا الانتظار خخخخخخ
لابجد نبيها اليوم ترآي عندي حماس بقووه ولابيروح
وخصوصا الملتقى نايم لازم يصحى من جديد
ولاماعاد ادخل الملتقى بسببك هههه
<< امزح
بانتظارها بشغف :191: << يامامي تعبت حسيت اني سويت مجهود لما تكلمت كل هذا ههههههه

دمع!
02-27-2013, 02:39 PM
وييينك يـآبو طلآل ووين فكرة المسـآبقه:148:

وادي حنيفة
02-27-2013, 04:23 PM
وييينك يـآبو طلآل ووين فكرة المسـآبقه:148:

إإإإيه يادمع ما تشوفين الدنيا مقلوبة على أبوطلال فيه حملة للإطاحة بهم لكثرت وعودة اللي يخلفها
روحي أنضمي مع ريا وسكينة يا دمع فأنت قوة لا يستهان بها ..
ههههههههههه..

أبو طلال
02-28-2013, 02:24 AM
هههههههههههههههههههه

بحول الله الاسبوع الجاي أسويها

أبو طلال
02-28-2013, 02:53 PM
خلني أقول لكم ولا تعلمون أحد :189:

المسابقة بتكون مباشرة
يعني لازم وجود العضو في الملتقى أثناء بدء المسابقة اللي تستمر ساعة
وأنصح اللي بييشارك يجيب أمه أو أبوه أو كليهما وحتى إخوانه الكبار لأنه بيحتاجهم كثير
السرعة في الاجابه هو المطلوب

وادي حنيفة
03-01-2013, 02:24 AM
لو تكرمت يا بوطلال , خل موعد المسابقة الساعة 11 مساءً وفوق, حتى أتمكن من المشاركة لأن دوامي يخلص الساعة 10,5مساءً
بعدين ليش الأهل لازم يكونون حوالينا ..؟؟؟؟؟؟ ! أأأأأمممممم ؟؟؟ كني عرفت !!!!.:160: !

دمع!
03-01-2013, 10:31 PM
إإإإيه يادمع ما تشوفين الدنيا مقلوبة على أبوطلال فيه حملة للإطاحة بهم لكثرت وعودة اللي يخلفها
روحي أنضمي مع ريا وسكينة يا دمع فأنت قوة لا يستهان بها ..
ههههههههههه..

ههههههههههه الآشـآيفه وعـآرفه

أبكون عنصر محـآيد كي لآأخسر منصبي:p

دمع!
03-01-2013, 10:35 PM
أهـآ>>تقول أنت قلود

إذـآ 11 وش يصحي لي أمي:(

طيب طيب بحجزهـآ من بكرـآ بس نبي نعرف وش فكرتهـآ علشـآن نتحمس أكثر

أبو طلال
03-02-2013, 07:04 PM
حياكم الله هنا بعد ساعة
القهوة والحلا وبقول لكم وشهي المسابقة

بالعربي
تعشوا وتعالوا تقهووا

أبو طلال
03-02-2013, 08:56 PM
شوفوا ياسادة ياكرام

المسابقة خفيفة وسهلة والكل يقدر يشارك
كل متسابق عليه أنه يسبق الكل في كتابة الحل

وهي أني أضع كلمة وعليكم تحطونها في جملة

الكلمات اللي بحطها هي كلمات عامية منها إندثر ومنها للحين يستخدم

والكلمات يا أفعال يا أسماء لأشياء

وأنا بأكتب الكلمة إن كانت فعل
ماضي أو حاضر أو مستقبل أو بصيغة الأمر

بنفس وضعي لها ستكتبون الجملة

مثلا : يكرب
ماتكون
ابوي كرب الصواميل
بل تكون
أبوي يكرب الصواميل

أو أحقره
أخوي يحقر خويه ويطنشه << غلط
أقول لك أحقره ولا ترد عليه << صح

بنفس صيغة الكلمة اللي أضعها وبنفس رسمها

مافيه أي شروط للمشاركة أي شخص يقدر

فيه جوائز طبعا للي يجيب أكبر قدر من النقاط
وهي عبارة عن أشياء تراثية روعة

مدة المسابقة شهر
كل إسبوع مرتين

المدة في كل مرة وعدد الكلمات ماحددته إلى الآن
شرايكم أنتوا ؟

واللي عنده اللي عنده إقتراح يقوله

دمع!
03-03-2013, 03:17 PM
فكره جميلة المحتوى لكن شالغرض من أن تكون بنفس صيغة ووزن الكلمه اللي تحطهـآ؟

أبو طلال
03-03-2013, 03:30 PM
لو أخصصها بنفس اللي أكتبه أنا بيكون التفكير في صياغتها أصعب بعض الشي

لو أخليكم بكيفكم كل واحد بيطخ من عنده جملة وبدون تعب


خلاص بأبدأ فيها الليلة إن شاء الله
الساعة الثامنة والنصف بحول الله
اللي بيشارك بالمسابقة حياه الله

دمع!
03-03-2013, 03:51 PM
أهـآ.. طيب طيب

مشـآركه مشـآركه بإذن الله
وللنقـآط حـآصده بقدرة الله

والفوزمن نصيبي بمشيئة الله

من يتحدـآني يـآخلق الله

:p

عَذْبَھْہّ
03-03-2013, 06:45 PM
http://www.pp11.com/pic_gif/3hd24882.gif ابوطـhttp://www.pp11.com/pic_gif/xog24882.gif (http://www.pp11.com/) ـلال
وموفقه دموعهـ http://www.pp11.com/upfiles/yki25186.png (http://www.pp11.com/) وربي يوفق الجميع http://www.pp11.com/pic_gif/vwc25186.gif (http://www.pp11.com/)
يمديني أشـآرك http://www.pp11.com/pic_gif/e2k24882.gif (http://www.pp11.com/) وأقول لليدي تجي تشـآرك مع ـنآ http://www.pp11.com/pic_gif/psv24882.gif (http://www.pp11.com/)
ويـآرب أفوز http://www.pp11.com/upfiles/qge25186.png (http://www.pp11.com/) واكمل فوز الهلال على النصر http://www.pp11.com/pic_gif/c8d24882.gif (http://www.pp11.com/)

هل الاسبقيه في أول رد صحيح يحسم الحصول ع النقطه أم مــآذا ؟
لأن الكلمة ممكن تجي صياغتها في كذآ جمله
وتكون مناسبه وصحيحه؟!!
وعسى الكلمات نعرفها ماتكون مانعرفها لأن أمي وابوي مو فيه http://www.pp11.com/upfiles/yki25186.png (http://www.pp11.com/)
وعسى النت مايخرب ويجيب العيدhttp://www.pp11.com/pic_gif/viy26504.gif (http://www.pp11.com/)

أبو طلال
03-03-2013, 08:09 PM
:125:

أينعم
أول شخص يقول جملة صحيحة بتكون النقطة له