كنتاكي عشاي لأهلي الليله ومعه طبقين حياكم ربي

[مملكة الاحساس]

بسم الله الرحمن الرحيم

السلام عليكم ورحمة الله وبركاته


زمان عنه التصوير في المطبخ
:123: من رمضان :123:
بس اليوم قلت ابصور العشاء الي سويته حق اهلي
وانا من العصر في المطبخ الين الساعه 8 :180:
بس يستاهلون اهلي فديتهم
واهم شيء انه عجبهم
والحمدلله خلص الاكل
:159:
طبخت لهم دجاج كنتاكي وشرائح التوست بالجبن وكيك
صراحه صورت كل الخطوات من هالثلاث الاطباق
بس عجزانه وتعبانه :180: احمل كل الصور
بس قلت اكتفي بالصورة النهائية لاني الحين اعيوني مثل كذا :174::174::174:
وبيني وبين النوم:134:


ابتدي معكم الطبق الاول
دجاج كنتاكي

http://www13.0zz0.com/2012/09/30/19/918959878.jpg



اولا سلقت الدجاج والدجاج على حسب الافراد حطيت مع موية السلق دارسين وورق غار واشوي بهارات
بعد السلق خلطت خلطه عباره عن زبادي وخل واشوي مايونيز وفلفل اسود وملح وثوم بودرة
بعدها خلطت هالخلطه مع الدجاج وحطيته شوي بالثلاجه
جهزت طحين وحطيت اشوي معه فلفل اسود وملح وثوم بودرة وشوي بهارات وجهزت البيض وحطيت بعد معه اشوي ملح وفلفل اسود
بعد ماطلعت الدجاج من الثلاجه غمسته بالطحين بعدين بيض بعدين طحين بعدها خليته شوي علشان تتماسك الخلطه بعدها قليته
وقليت معه بطاطس
وقدمت معه كاتشب والثومية
والثوميه مقاديرها هي
بطاطس مسلوقه وثوم مهروس وفلفل اسود واشوي ثوم بودرة وملح ومايونيز وزبادي وكلها بالخلاط وبس
.................................................. .......
الطبق الثاني الي قدمته لهم
شرائح التوست بالجبن

http://www13.0zz0.com/2012/09/30/19/279339825.jpg


وهو سهل جدا ينفع فطور وينفع عشاء خفيف
جبت توست وحطيته بالصينية
وجبت لي صحن حطيت فيه جبنة كرافت مبشورة وجبن سائل وكزبرة واذا بغيتوا بقدونس انا ماكان عندي بقدونس واشوي مايونيز وزيتون اسود شرائح وفلفل اخضر وملح واشوي بهارات والي عنده فلفل مجروش يحط معه للي يحب الحار خلطت المقادير كلهم وحطيتهم على شرائح التوست وبعدها بالفرن ونشغل الفرن من فوق وتحت وننتبه لها لانها بسرعه تستوي وبعد ماتستوي نقطعها مثلثات ونقدمها
بس خلاص

.................................................. ..
والطبق الثالث هو
كيك بني بكريمة بيضاء

http://www11.0zz0.com/2012/09/30/19/993523127.jpg


وهنا تورطت :180:
جبت كيك ابيض علبتين وجهزت مقاديرهم من بيض وزيت وماي وحطيت العلبه الاولى علشان اخلطها وبعدها اخلط الثانيه اكتشفت ان العلبه الثانيه كاكاو مو كيك ابيض بس قلت يالله خليني اجرب وخلطتهم مع بعض وطلع اللون كله بني والطعم شيء كيك بني خفيف مو ثقيل بس حلو طعمها واشوى ان اختراعي ما فشل سويت له كريمه سريعه وزينته بهرشي وحبوب الفارمسيل بالكاكاو وبس خلاص


دجاج كنتاكي مع البطاطس والكاتشب والثومية

http://www6.0zz0.com/2012/09/30/20/888664938.jpg

وهذا عشاء مصغر يجمع 3 اطباق

http://www11.0zz0.com/2012/09/30/19/572824692.jpg

بس خلاص خلصت
وعليكم بالعافيه
والحمدلله الذي أطعمنا وسقانا من غير حول منا ولاقوة
:123::123::123::123::123::123::123:

[بالصبر تنال]

http://www.ibtesama.com/vb/imgcache2/38025.gif (http://www.ibtesama.com/vb/urls.php?ref=http://forums.graaam.com/)http://www.ibtesama.com/vb/imgcache2/38031.gif (http://www.ibtesama.com/vb/urls.php?ref=http://forums.graaam.com/)

تســــــــلم الأيــــــــادي مـــلوكـــــه :001:

[ماسة الشرقية]

الله يعطيك العافية

[طموح بلا حدود]

تسلم دياتك عالاطباق
تعبك ماراح هدر :sm1:

[عابر سبيل]

وانا من العصر في المطبخ الين الساعه 8 :003:

الله يعطيك الصحه والعافيه

مداخيل العافيه والصحه لهم كان يوماً :sm1:

[Gamrat Gaza]

عليكم السلام ورحمة الله وبركاته

على القوه الديمه , والله يديم هالسفره يارب , ويسلم ربي دياتك , آمين :001:

http://www11.0zz0.com/2012/09/30/19/572824692.jpg
البروستد , وتوست الجبن , والكيك , كل وحده تقول الزين عندي , وتعزم نسمي ونجلس :141: :001:
سلمتي , والله يعطيك الف عآفيه ولا يكفون لتعبك :001: :118:

تعآلي شوي ابيك بكلمة رآس سريه :099:

" قولي عسآني اصير قدعه , وأسوي كيك َو ورق عنب وإلي هو يتبعه , يوم الأربعآآء , أدعي لي صايره سودآنيه هآلفتره "!
بس خلص السر . :016:"

..:118:..