خبزه تمشّى

[الفضلي]

خبزه تـمشى في نواحي المديـنـه = شـافـت لـها بـيـن المخاليق خبـاز



قـالـت عـلامي وقت الاول متينه = والـوزن زايـد والطعم حيل ممتاز



عـلى جذوع النخل ناري لسيـنه = واليـوم مخبـوزه عـلى شبّــة الغـاز



حـالي تـراها ياجـماعة غبـينه = مـا أشبـع مـن النـاس يابوي معتاز



سالت دموعه من حـرارة حنـينه = لايّــام زيـــنــه لوبـها صار لـعـواز



يبكي على الذكرى بماضي سنينه = كنّــه يـهــزّه لاجـمل الـوقت هزّاز



قال اسـمـعي مني مشاعر دفيـنه = قـلـبي لوقـت(ن) فات يابنـت منحاز



ماهـو زمـانك ذا ترى اللي تبينه = هـذا زمـان البـوق واللـص يـجتـاز

[عبدالرحمن الغريب]

الفضلي

صح الله لسانك يالشاعر ابو سعد

كـفو

تمثيلية شعرية هادفة

تحياتي لك

=

[الفضلي]

أبو أديب

أديبنا الغالي حياك الله وبيّاك


صح بدنك


لك مني أجمل تحية