اضحك مع المصطلحات العيونيه

[نآع ــم آلإح ـسـآس]

السلام عليكم ورحمه الله وبركاته

الاخوان كبرو الموضوع وسوا فيها مش عارف ايش
ههههههههههههههههههههههههههههههه
الله يسعدكم يارب
لذلك حذفت الموضوع

[دمع!]

مدري انت حـآط هذي المصطلحـآت للضحك ولالوشو؟ اي صح عنوـآن الموضوع يقول اضحك

بس انااقول المصطلحـآت مـآتضحك

شلون تضحك على كلمـآت امك وأبوك وأجدـآدك يقولونهـآ؟وأنت نفسك تقولهـآ

يعني انت مثلآ مـآتقول شفطني الكهرب؟!

ولآأزعق لفلآن؟.. تدري ان كلمة زعق لفظه فصيحه
وغيرهـآ كثير

معلومه ثـآنيه.. المصطلحـآت هذي مولأهل العيون لحـآلهم دقق ولآحظ اللهجـآت متدـآوله بدول الخليج

اكثر من مصطلح مشكل قرأتهم عالسريع اعطيك مثـآل

برع= متداوله بكثره بالأمـآرـآت وقطر

بلآليط= االكويت مـآيعرفون شعريه مـآيعرفون الآالبلآليط

الغطوه>>تقول وش تبيهم يفولون انت قلتهـآ غطـآء الرأس>>تتخيلك تقول لأهلك البسي غطـآء الرأس

وغيرهم كثير بس اكتفي بهذـآ

رـآجع ودقق باللغه قبل لآتقول لنـآ اضحكوـآ:)

[نآع ــم آلإح ـسـآس]

تم حذف الموضوع

[عبدالرحمن الغريب]

دمـع!

مساء السعادة يظـللك ..

أشكرك على حسن الاطراء

- أكيد أن أخانا نآع ــم آلإح ـسـآس - ما يقصد الاستهزاء

بلهجة الاهل والاجداد .. لكنه قصد أن فيها ظرافة وطرافة ..

وهذه اللهجة واقع لا محيص عنه إلا ماشاء الله .. ولا شـك

أن 99 % من كلماتها تعود في أصولها إلى لغتنا العربية ..

- كما لا يخفى أن كل مجتمع له لهجته الخاصة ، لكن

أغلب كلمات اللهجات متداول بين شعوب البلاد العربية

لانبثاقها من اللغة العربية الأم ولمساسها بها ..

- ولا أخفيك أختي العزيزة دمـع! .. أني اصـطدت ُ بعض

الكلمات القديمة من طرح أخينا ناعم الاحساس . كعادتي في

اقتناص الكلمات القديمة من اللهجة في المجالس والمناسبات

وغيرها ، ومن خلال المسلسلات لكي أجري عليها البحث

لإرجاعها إلى حـضـن أمها اللغة العربية مثل أخواتها

المجموعة في بقشـتي ( بقشة : فصيحة ) .

لك وااافر تقديري
و
تحياتي الخاصة

=

[نآع ــم آلإح ـسـآس]

تم حذف الموضوع

[مملكة الاحساس]

كلمات نقول اغلبها والبعض منها تغير واستبدلناه
لكن يبقى الاصل هو الاصل واغلب الكلمات التي ذكرتها موجودة في قاموس اللغة العربية
مثال: كزه او لاتكز
هذه موجودة بالقران الكريم

قال تعالى:

{وَدَخَلَ الْمَدِينَةَ عَلَى حِينِ غَفْلَةٍ مِنْ أَهْلِهَا فَوَجَدَ فِيهَا رَجُلَيْنِ يَقْتَتِلانِ هَذَا مِنْ شِيعَتِهِ وَهَذَا مِنْ عَدُوِّهِ فَاسْتَغَاثَهُ الَّذِي مِنْ شِيعَتِهِ عَلَى الَّذِي مِنْ عَدُوِّهِ فَوَكَزَهُ مُوسَى فَقَضَى عَلَيْهِ قَالَ هَذَا مِنْ عَمَلِ الشَّيْطَانِ إِنَّهُ عَدُوٌّ مُضِلٌّ مُبِينٌ}

واغلب الكلمات تستخدم في بعض مدن المملكة وبعضها بالخليج
بس احسن كلمة عندي
تهقى- هبابك-هبشة -يمديك-
كلمات احب اقولها ومازلت
شكرا لك اخي ناعم الاحساس على هذه الكلمات التي تذكرنا باحلى زمن
زمن الاجداد والجدات والاباء والامهات
ونحن ان ضحكنا نضحك فخرا بهذا الزمن الذي مضى والذي يجرنا الحنين دائما اليه
بارك ربي فيك

[Gamrat Gaza]

.
.

عنوآن الموضوع فعلاً غلط ..!

لأن بالعكس نفخر كلنا بلغة اجدادنآ .. ولآ أخفي لما أجلس مع خالة امي انبسط عليها وعلى كلامها
كلامهم جداً جمييل ولغه ولآ أحلى بعيدة عن المظاهر المسطنعه .. كيف اضحك عليهم وهم أصل تراثنا
وكلمة أهقى .. وشهوله .. مطنقر .. بغيطه .. يقب .. مطيور .. أرعص ..
دوآعيس ..أمحق .. وشحقه .....والخ
ممكن بعضهآ أندثرت وماننطقهآ كثير وأنآ أقولها كتآبه عاادي وإلي بيضحك بسلآمة عمره ..
ويازينهآ من لغه وعآدي لو نطقتهآ نطق ..
وهم صحيح بعض الكلمات لما نقولها يقولون أسكت فشلتنا ..
يعني بكره بجلس مع أجدآنا وبسمع كلامهم وبضحك وبسويهم مصخره :(
ربي يعين بس أتمنى تغيير عنوان الموضوع لـ لغة اجدادنا أفضل =)

[نآع ــم آلإح ـسـآس]

تم حذف الموضوع

[العنيد 12]

اولا السلام عليكم

بغض النظرر عن الموضوع المحزن وليس المضحك عندي عدة نقااط اوود طرحها

اولا - اسلوبك اخي في الرد ع العضوو الذي اختلف معك في وجهة النظرر لم تكن مناسبه ابداا ,, لقد هجمت عليه وكأنه اخطأ عليك شخصيا ام انك "ان لم تكن معي فأنت ضدي"
لأني اراك امتدحت ابو اشررف خلاف ماكنت عليه من العصبيه مع العضو الذي سبقه .

ثانيا - الكلمات الموجود كلها وان كانت صحيحه ويقولها اهل هذه المدينه الجميله فنحن لم نخترعها من انفسنا بل هي موجوده اباَ عن جد , استغرب انك تضحك ع ترراث من المفترض ان تفتخرر فيه .

ثالثاَ- اذا كانت هذه اللهجه لاتعجبك لماذا تتعب نفسك وتكتب مووضوع له اول ليس له اخرر لتضحك على لهجتنا بل تكلم بلهجة اهل نجد ام بلهجة اهل الحجاز ربما سوف ترووق لك . ام تعجبك لغة البي بي > برب , تيت , باك ,,,,الخ

رابعاَ - سأغض النظرر عن اخطائك الاملائيه الفادحه ,, عند نظرري لملفك الشخصي او بروفايلك بمعنى اصح وجدتك باكالوريس لغه عربيه ,, من الافضل لك ان تكتب لنا عن اللغه العربيه الفصحى وتثررينا بكلمات وقواعد لغة الضاد وليس ان تتصيد كلمات لها من العفوويه وعبق الخليج العربي الشيء الكثيرر .

اخيرا وليس آخرراَ- ليس انتقادي لموضوعك انتقادا لك ولكن محبتي وغيرتي وعلى هذه المدينه الجميله جعلني انتقد الموضووع ,, اتمنى ان تأخذ ردي برووح رياضيه ولاتغضب مني ولكن فكرر في نقااطي المذكووره اعلاه



والسلام

[عَبقْ]

وعليكم آلسلآم ورحمة الله وبركآته

بآلعكس آلموضوع مآفيه شيء من الإسآءة لآهآلي مدينة آلعيون
كله كآن من بآب آلمزح وآلدعآبة
كلمآت ولهجة قديمة قد تكون مُتدآولة ولكن نفخر بهآ
ولهآ آصول ومعآني في آللغة آلفصحى
ومعروفة عند آهل آلعيون على وجه آلخصوص والأحسآء والخليج بشكل عآم
وآنآ آستخدمهآ في آلمُرآسلآت من بآب آلدعآبة
آنتوآ ليه آخذتوآ آلموضوع بحسآسية ؟
مآفيه إسآءة ولآ فيه إنتقآص لأهل آلعيون ولآ للهجتهم
لو كتب آلموضوع (إضحك مع المصطلحآت آلحسآوية) مآكنتوآ زعلتوآ صح :208: !!

هذآ آلموضوع فكرني بجدتي وجدّي الله يرحمهم
وبعض آلكلمآت كنت آجهلهآ
لمآ كنت صغيرة كآنت عندنآ وحدة من معآرفنآ تقولي: زعقي لفلآن ,, وأحياناً : صَوّتي لفلآن
كنت آروح لآمي وأسألهآ أيش يعني زعقي هههههههه

مشكور آخوي نآعم الإحسآس لطرآفة موضوعك
الإختلآف في آلرأي لآيُفسد للود قَضيَّة
لآتحرمنآ جديد موآضيعك :118: ~

[نآع ــم آلإح ـسـآس]

السلام عليكم ورحمه الله وبركاته

اليوم كتبت لكم بعض المصطلحات الع ـيونيهـ التي تقال في جميع أحياء العيون
ملاحظه: لاأحد يتحسس ويتعصب على الموضوع الموضوع فقط للعقلاء


وإليكم بعض المصطلحات العيونيه:-

1- بروح أنام على الكرفايه.
الكرفايه:- السرير
ــــــــــــــــــــــــــــــــــــــــــــــــــ
2-رح أقولك عني لا أمردغك تمردغ.
أمردغك تمردغ:- اكفخك تكفخ
ــــــــــــــــــــــــــــــــــــــــــــــــــ ــ
3- اقول مريومه اهوف الكتاب.
اهوف:- هاتي
ــــــــــــــــــــــــــــــــــــــــــــــــــ ــــ
4-محمد انتبه من الرسته.
الرسته:- الشارع
ــــــــــــــــــــــــــــــــــــــــــــــــــ ــــــ
5-بابا السياره ماتيزي لنا واجد.
ماتيزي:- ماتكفي
ــــــــــــــــــــــــــــــــــــــــــــــــــ ــــــــــ
6-اقول راشد واضي انت والا لا.
واضي:- متوضي
ــــــــــــــــــــــــــــــــــــــــــــــــــ ــــــــــــــ
7-يا شاندرا وين الصفريه الكبيره.
الصفريه:- القدر
ــــــــــــــــــــــــــــــــــــــــــــــــــ ــــــــــــــ
8-خليتني اتميصخ عليك الله يهداك.
اتمصيخ:- اشتمك
ــــــــــــــــــــــــــــــــــــــــــــــــــ ــــــــــــــ
9-يلا صويلح هبابك توصل للخبر.
هبابك:- مافي وقت
ــــــــــــــــــــــــــــــــــــــــــــــــــ ــــــــــــــــــ
10-حسين انت اللي بايق ساعتي.
بايق:- سارق
ــــــــــــــــــــــــــــــــــــــــــــــــــ ــــــــــــــــــ
11-شهوله الحين هالزحمه.
شهوله:-ليش
ــــــــــــــــــــــــــــــــــــــــــــــــــ ــــــــــــــــــ
12-دش ياولد دش المكان مكانك
دش:-ادخل
ــــــــــــــــــــــــــــــــــــــــــــــــــ ــــــــــــــــــ
13-مايمدي ترى تعال بسرعه.
مايمدي:-مافي وقت
ــــــــــــــــــــــــــــــــــــــــــــــــــ ــــــــــــــــــ
14-اقول لاتزمر عاد ماني اصغر عيالك.
لاتزمر:-لاترفع صوتك
ــــــــــــــــــــــــــــــــــــــــــــــــــ ــــــــــــــــــ
15-جالس تتوصوص علينا انت.
تتوصوص:-تتجسس
ــــــــــــــــــــــــــــــــــــــــــــــــــ ــــــــــــــــــ
16-تهقا بيجي هو والا.
تهقا:- اكيد
ــــــــــــــــــــــــــــــــــــــــــــــــــ ــــــــــــــــــ
17-زعق على اخوك بسرعه
زعق:- نادي
ــــــــــــــــــــــــــــــــــــــــــــــــــ ــــــــــــــــــ
18-يؤ يؤ البركه بغيطه واجد.
بغيطه:- عميقه
ــــــــــــــــــــــــــــــــــــــــــــــــــ ــــــــــــــــــ
19-انتبه من الواير لايشفطك.
الواير:- السلك...يشفطك:- يكهربك
ــــــــــــــــــــــــــــــــــــــــــــــــــ ــــــــــــــــــ
20-انتبه لايقب عليك الكهرب.
يقب:- ينفجر
______________________________
21-وين الكمشه والشوكه.
الكمشه:- المعلقه
________________________________
22-هالحزه جاي لي شتبي
الحزه:- هالوقت
_________________________________
23-شعرك مطنقر ياخويلد
مطنقر:- متجعد(مفلفل)
________________________
24-عطني جغم بيبسي تكفى.
جغم:- شوي
_______________________
25-يمه وين الشخاط بسوي اندومي.
الشخاط:- الكبريت
______________________________
26-مطيور انت شفيك.
مطيور:- مستعجل
________________________
27-لاتصير مشحوف عاد
مشحوف:- تاكل بسرعه
_____________________________
28-طبقه طبقه لايهج
طبقه:- امسكه...يهج:- ينحاش
_______________________________
29-بطل الباب ياولد
بطل:- افتح
__________________________________
30-شمل ترى السمبوسه هاتو جديد
شمل:- خلص
______________________________________
31-عندي هبشه صور حلوه
هبشه:- واجد/ كثير
_________________________________________
32-اقول لاتكزني شفيك
تكزني:- ترميني
__________________________________________
33-عبدالله شوف محميد يتعنتل فوق السياره
يتعنتل:- يتعلق
___________________________________________
34-يالجعص عطني شوي
الجعص:- البخيل
__________________________________________
35-منهوله هذا الموتر
منهوله:- من حقه
__________________________________
36-لاشفته كمخه على وجهه
كمخه:- ضربه
_______________________________________
37-خلك عند الدشه ولاتتعدا
الدشه:- عتبة البيت
_______________________________________
38-زعقي حق اخوش يجي يتغدا
زعقي:- نادي عليه
_____________________________________
39-وش ركبك فوق الاحجهالاحجه:- السطح
__________________________________
40-رعصه بقوه عشان يطيب
رعصه:- اضغط عليه
________________________________
41-اقول لاتزعط علينا بس
تزعط:- تشوف نفسك
_________________________________
42-انت لماك ياسويلم
لماك:- كذاب
_________________________________
43-وين الكنبل يمه مت برد
الكنبل:- اللحاف
__________________________________
44- عندي دسه شراخيه انا.
دسه:- كثير.....شراخيه:- طراطيع
_______________________________
45-كفس هالفرشه يلا وحطها فوق.
كفس:- اطوي...... الفرشه:- الزوليه
__________________________________
46-لاتروح على الداعوس هذاك فيه عقارب.
الداعوس:- الطريق الضيق.
____________________________________
47-صج انك جعافه مالت بس عليك.
جعافه:- قذر/وسخ
____________________________________
48-بابا شنو اللي بيدك عيب كته مو زين.
كته:- ارميه
____________________________________
49-يلا شباب خلونا نلعب زنجفه.
زنجفه:- ورقه
_____________________________________
50-يلا سويره لبسي الغطوه بسرعه.
الغطوه:- غطاء الرأس للبنات.
_____________________________________
امــحق من بنت بس:
يعني مالت عليك

الله فطوم تراشيش حلوين: حلق اذن

هالحزه تبي الاغراض:
يعني هالوقت

يمه يمه المغطس متروس:
ممتلئ

عويدل شوف الماي جالس يخر:
يتسرب
وحيمد شفت سياره خويلد القرمبع: الخربانه

شفيك صويلح صاير دثوي & هطق & دلخ:
غبي

يمه الكبت حقي مكسور بابه؟
الدولاب

اقول سويلم الغرض زهبه كاني جايك:
جهزه بسرعه

اقول لايكثر بس ودرعمي بالموضوع:
ادخلي

والله انك شلاخ ياحمودي:
كذاب

شحقه هالاوراق الكثيره شولا هاه:
ليش

الله يالجعص معطيني حب نتيفه: بخيل - فصفص - قليل

سلطان شفت عند سعيد هبشه شراخيه: كثير

الله ياخذك عزوز صنديحتك قويه عورتني:
جبهتك

اقول اذلف عن وجهي لايجيك شيء بس :
رح طس

-تبيني ادجك الحين:
ادجك يعني اذبحك اضربك

- وش عند جالس عند الدشه:
الدشه يعني عتبه البيت

- أها عاد اخلص علينا.
اها عاد: يعني يلا بسرعه

2-فلعه لاتخليه ألحقه.

فلعه: ضربه بشيء

3-فطيم لاتحطين حمره واجد.

حمره: روج

4-هاتي الباديه سويره خليني اصب لخالش حليب.

الباديه: الإناء

5-يمه الجوتي حقي مقطوع اهئ اهئ.

الجوتي: الخذاء الرياضي

6- بابا ودنا الزحليقه نبي نلعب.

الزحليقه: المرجيحه

7-نوير تعالي وانا امش همزينيه شوي.

همزينيه: دلكيني=مساج

8-ياميري هاتي العسو بسرعه.

العسو: العصا للتنظيف

9-سلوم جيب هالخرجه خلنا نغطي الدريشه.

الخرجه: القماش
الدريشه: النافذه

10-جوده جوده جويسم جوده.

جوده: امسكه امسكه

11-اي خليفه زنطه زنطه ايه.

زنطه: اي اخنقه

12-والله انك بطران ياحمد.

بطران: اي رجال مايهمه شيء

13-ابراهيم قم اطلع برع دام النفس طيبه عليك.

برع: خارج المكان

14-شفيك خويلد مطفوق انت

مطفوق: عجول

15-والله مااخليه الهيس الاربد.

الهيس الاربد: اي الولد الفوضي قبيح الخلق
-رحم الله والديك عطني قطيره ماي.

قطيره: شويه- قليل

17-الخبز اللي بالثلاجه مقطن لااحد ياكله

مقطن: معفن منتهي

18-بلبص القطوه مقطوع ههههههههههههه

بلبص: ذيل

19-لاتخاف الحين بديّور له.

بديور له: بيرجع له

20-الحين من جاب هالكنكري هنا.

الكنكري: الحصى الابيض الصغير

21-شفت سعدون كيف متغلغص ههههههاي

متغلغص: اي محكور في مكان ضيق

22-اي لاتسكت له ياحمودي دمل عليه.

دمل عليه: اي ارمي عليه التراب

23-لاتسكت له رح بط راسه.

بط راسه: اي شق راسه

24-خلاص اللي عندي امباح من وين اجيب لك

امباح: انتهى خلص

25-لاتحمق علي عاد يه.

لاتحمق: اي لاتصرخ لاتعلي صوتك

26-حسومي تبي بلاليط والا لا

بلاليط: اي شعريه(اكله شعبيه)

27-كم مره اقول لكم لاتخلون الباب مشرّع كذا

مشرع: اي مفتوح بالكامل

28-حرام عليكم امدى خلص العشاء.

امدى خلص: مسرع خلص

29-ياعبود وين الشخاط اللي فوق الدولاب.

الشخاط: الكبريت

30-هههه شفت دحومي شلون مدلقم

مدلقم: اي متين صغير==سمين

31-بشويش بشويش لايطيح علينا حنشك بس

حنشك: اي الفك


شرنقـــة او شـرنقا :
تعني مانوعة

يدين الذشــــــــــر:
با المعنى الحالي مالت عليك

امحــطك با العـــقال :
تعني اضربك ضرباً قوياً

لا اجي الحين وافنغــــــك :
تعنــي اشبعــك ضرباً الى حد الموت

قجــــة با السشيـنة : تعني اطعــنة با السكين
تحياتي لكم

اتمنى منكم الرد بعقلانيه دون التجريح او اخذها بتعصب فردي
ناعم الاحساس

[aloyun]

ناعم الاحساس
لاتكتب اكثر من موضوعين في اليوم الواحد
ولايحق لك حذف الموضوع اذا شفت ان فيه منهو ضده
زودنا وقت التعديل عشان يتدارك المشاركات ويتم تعديلها مش حذف الموضوع
لو تبي تحذف ارسل للاداره ( بأقلل وقت التعديل من الآن )

الموضوع بشكل عام مافيه شي لكن يعيبه انه جاء في المكان الغلط وعنوان مايخدمه
الاستاذ عبدارحمن الغريب
الاخ بومضحي
الاخ بوطلال
واخوان آخرين عندهم مواضيع مشابه في التراث العيوني وهو مخصص للمشاركه وليس للضحك

مثل ماقلت الموضوع عادي ومافيه شي مشكلته جاي في مكان ماهو مخصص ال للضحك والفرفشه

[نآع ــم آلإح ـسـآس]

طيب المواضيع السابقه ليش حذفتوها رغم اني كاتبها من يومين كل موضوع على حدا

عالعموم اسفين واعلن توقفي عن الكتابه والله يوفقكمـ

[aloyun]

هذه قوانين ياخوك لو كل واحد نقول له هالمره بس ماننتهي
للمصلحه العامه وعشان الناس تلحق تشوف المواضيع للي ماتدخل لفتره يوم او يومين
فلو كل واحد يشك لي مواضيع ثلاث او اربع كل يوم وش بقى في الصفحات الاولى
ارجو انك تتفهم الموضوع هذا ووسع صدرك وانا اخوك

[نآع ــم آلإح ـسـآس]

اي قوانين هههههههههه

انا كاتب المواضيع اللي حذفتها انت لي 4 سنوات كاتبها موضعين
وموضيعين كاتبهم لي يومين

انت حذفتهم من غير ماتشاورني

تحسب المواضيع انكتبوا مره وحده

ناظرهم وقلي ان طلعت انا الغلطان عطني بلوك

[aloyun]

خلاص عطيتك بلوك

بشكوى ازعاج عبر الرسائل الخاصه

الله يستر علينا وعليك