لاتلبق سيارتك عند بيتنا وخر سيارتك عنا

[ماجدونا]

الحمدلله ان فيه موقع يطلع عليه الشارع العيوني والقاصي والداني
لوسمحت لاتلبق سيارتك عند بابنا ..........كتبت في ورقة ووضعت على سيارتي قل ابشر ماطلبت الا حقك
ووخرت سيارتي عن بيبانهم لانه مايصلح تلبق عند بيت ساكنيه ليسو اهلك ولو ان احنا في العيون كلنا اهل
لكن الورقة كتب فيه كلمة حق امنا بالله ووخرنا السيارة نتفاجاء ان الاخ الفاضل قام يلبق في المكان اللي رحنا نلبق فيه
ومكان بيته يصير فاضي !!!!!!بحجج تافهه وهذا ينم عن مدى الحب الدفين لجاره الكريم
طيب وبعدين يعني وين نروح علمونا ياعالم ايش نسوي نحرق سياراتنا ولا نشد من الحاره مررررة وحده ونريح ونستريح
مااقول الا الله يرحم اباءنا واجدادنا وجيرانهم والله كانو مثل الاخوان ولم ترى يوم من الايام مر عليهم الا ويذكرون جارهم
بالخير ويسألون عنه اذا افقدوه ويزورونه اذا مرض .......اما جيرانا استغفر الله العظيم لو بودهم حرقوك
كلمه في خاطري احب ان اوصلها لأخي وجاري الكريم
ويارب ماتفضي ارواحنا الى الله الا وقلوبنا صافيه من الكراهية والحقد

[حربيه قمر]

في هاذي صدقت مافي الان ناس مثل ايام اول ع ايام اجدادنا

الان دوم اسمع ابوي مع جيرانه ع سالفه اسياره ودوم يحطون سيارتهم عند باب بيتنا

حتى مانكلمهم اوقات مافي جار ياراعي مشاعر جاره الان

والله يهدي جارك

[حربيه قمر]

بس الموضوع حلو ههههههه

[مناحي هلالة]

جار حقي يتوقف موتره وين مايريد منشان هو جار حقي من لزوم ماتمشكل معاه
من بكره تمكن انا اتمقوف وهو مايتمكلم لني جار حقه

[ماجدونا]

الله يزيد فضلكم يااخواني واخواتي في حقيقة الامر احنا ماودنا بالمشاكل ولو كنا على حق ,,, والله يااخوي مناحي انت تقول كذا لانك طيب وتظن كل الناس مثلك طيبين
ان شا الله توصل الرسالة لهم ويحسون شوي ويرحمون جارهم من التصرفات اللي مالها سنع الجار شاريهم وهم يظنون انهم امتلكو الشارع باكمله
الله يهديهم بس ويصلحهم

[عطر الاماكن]

موضوع جدا قوي
انا اعتقد انه لابد على الجيران يراعون مشاعر الجوار فالجار قبل الدار
مثلا احنا عندنا بحارتنا بلاوي عزاب هنود بنقاليه مصرين ابد تقول البطحا الرياض
اضافة لذلك فيها واحد سكار والشهاده لله ان السكار طلع ارجل من هؤلاء كلهم
سواء السعودي او البنقالي يعجبني احترام هذا السكار لجاره
طلع السكار اصلح وافود من الصاحي

[بوأحمد]

الاسباب المؤديه لتلك حركات صبيانية هي كالاتي
الغرور وحب الذات واحتقار الاخرين وهذا اهم عنصر فيمن يتصرف بتلك الطريقة
العقول الصغيرة والاجسام الكبيرة وقس على ذلك الكثير من مثل هؤلاء
واهم عنصر هو قلة الصلاة والعباده نسال الله السلامه وان شاء الله مايكون هذا موجود في مجتمعنا العيوني
الله يعينكم على جيرانكم

[نوخذة العقير]

جاري يوقف عند بيتي ما امنعه لكن ان كان يجي عندي عشان عند بيتي شجره او جداري يسوي ضل ويبيه له هذا شي يغيظ وماينبغى
لكن ان كانت الحاره ضيق ومافيه اماكن وعندي موقفي الخاص مافيه مشاكل يوقف
لكن مثل حالتك يوقف عند بيتكم ويهاوشكم عشان مالقيتوا موقف ووقفتوا عند بيته هذا يبي له شغل

[ضامي الشوق]

والله موضوعك كويس ولابد تتأذا من جارك بس ما اقول الله يعينك

[ماجدونا]

كل كلامكم احبتي على راسي والله ان احنا خجلانين من ابائهم فابائهم لهم مكانه والتقدير
طلبو مانلبق عند بيتهم سوينا اللي يبونه وخرنا سياراتنا عنهم بعيد ونتفاجاء يجيبون سيارتهم في الاماكن اللي نلبق فيها بعيد عن بيتهم
ايش نسوي ((أعتقد انه لابد علينا ان نسلم بالامر والحكومه لازم تقلب الصك باسمائهم للشارع والحارة بأكملها))

[مدمن نت]

الموضوع يحتاج الى خطبة في يوم الجمعة
اما من وجهة نظري انه ليس لك الا الصبر
مثل ماقال ابن فطيس مالك الا الصبر وش وداك له
تصبر واصطبر لعل الله يحدث بعد ذلك امرا
لانهم شكلهم مغمضين

[MaHaNaa]

السلام عليكم


يا خوي السياره والبيت مايسلمو من اعيال الجيران

الله يعينك ويعنا معك

محد حولك

[رٍسِـــلآنٍ]

عندنا عينات كثيره مريضه نفسيا وتعتقد انها الاقوى وتتسلط على كي شي ...

هاذي العينه تحتاج كسر عين وليس دعوة للحوار او التفاهم ...


الله يعينك عليه ... في العاده الي مثل هذا لايعرف استخدام الانترنت .. لهذا لا اعتقد ان رسالتك سوف تصل ..

[النشــ بنت ــامى]

هالزمن النفوس تغيرت
مومثل زمن اول

والله يعينك ويهدي الجميع

والناس ماتستفيد شئ من هالدنيا وماردهم الرحيل
المفروض تصفي نفوسهم

[ماجدونا]

اشكر كل من مر وادلى بدلوه في تلك التصرفات الانفة الذكر من قبل جاري الكريم الله يسلمه
وان شاء الله ان رسالتنا توصلهم يخوك يارسلان خلنا متفائلين يمكن لعل وعسى تتحرك فيهم المشاعر تجاه جيرانهم المغلوب على امرهم
واقدم شكر لكل عضو /هـ للتعقيب وابداء الرأي والمشوره والنصيحه فلكم منا جزيل الشكر والعرفان

[سعد الغريب]

هههههههه

والله هذي حالات كثيرة

جارنا ذبحنا والله