>> أمــــــي <<

[السندباد]

هذي قصيده عن الأم أهديها لأمي الله يخليها لي، ولجميع أمهات ملتقى العيون ....



ياكثر ماكانـوا حبايـب وخـلان
ووقت الليالي السود محد بيمـي
وقت تخالط فيه صاحب وعدوان
واللي مدحك اليوم بكـره يذمـي
إلا حبيبه عمر من ماضي الأزمان
يهمها طيبي ووضعـي وهمـي
عرفتها قبل ماأعرف فلان وفلان
ومن قبل ما أعرف خالي وعمي
الأم معنى التضحيه لاجل الانسان
من خوفهـا دايـم عليـه تسمّـي
هي الدفاء لاصرت جايع وبردان
وهي الشتاء لاحرق الصيف دمي
لو ينشري شبابها باغلى الاثمـان
ارخص لها عمري ومالي ودمـي
والله مايلحق على أمـي نقصـان
مـادام رأسـي للهبايـب يشمـي




.
.
.

[شَ ـآعُ ـٌر ٍ مُـً ِش‘ـًآعٌ َـْر ِ]

الله الله صح السسسسسسسسسانك

ولااااااهنت

اذا هي من خط يدك ؟

فسسلمت اناملك

واذا هي لشاعر ثاني

صح الله لسسسانه

قصيده حلوووووه
والاحلىى انها عن الاااااااام ..

[الفضي99]

الله يخلي لك امك وجميع أمهات المسلمين ويجزاهم الله كل خير على ماقدموه .


يعطيك العافيه أخي السندباد كلمات رائعة بارك الله من كتبها ونقلها .

[المحــــــروم]

الله يعطيك الف الف عافيه يالغالي ..

فعلا ُ الام مدرسه والكل يتعلم منها الكثيررر ..

يالله يالرحمن أسألك بجميع صفاتك ان تشافي أمي وتقومها لي بالسلامه ...

<<<<<<<<<<>>>>>>>>>>>د

سلمت يمناك اخوي ...

مع التحيه
المحروم

[السندباد]

المنسم

يعطيك العافيه عالتواجد

وحبيت اقولك اني مااحب انشر قصايدي

وشكرا لك

[السندباد]

الفضي99

الله يسمع منك

ويعافيك يا الطيب على رايك ..

لا عدمنا تواصلك الحلو..

[السندباد]

المحـروم

تسلم عالحضور والتعليق..

ويارب يشفي امك وجميع امهات المسلمين

العفو ... ولا تحرمنا طلتك

[الاميره]

اشكرك
اشكرك

وماقصرت اخوي
سعوديه وترفع الراس

[السندباد]

الاميـــره
واشكرك ايضا اختي على حضورك ,,

عساه دووم ,,,

[عيوني العيون]

جزاك الله خيرا
واسمح لي أن أضيف بعضا مما قيل في الأم


الأُمُّ مَـدْرَسَــةٌ إِذَا أَعْـدَدْتَـهَـا
أَعْـدَدْتَ شَعْبـاً طَيِّـبَ الأَعْـرَاقِ
الأُمُّ رَوْضٌ إِنْ تَـعَهَّـدَهُ الحَـيَــا
بِـالـرِّيِّ أَوْرَقَ أَيَّـمَـا إِيْــرَاقِ
الأُمُّ أُسْـتَـاذُ الأَسَـاتِـذَةِ الأُلَـى
شَغَلَـتْ مَـآثِرُهُمْ مَـدَى الآفَـاقِ
( حافظ إبراهيم )


ليس في العالم وِسَادَةٌ أنعم من حضن الأم
( شكسبير )

******

قلب الأم مدرسة الطفل
( بيتشر )

******

من روائع خلق الله قلب الأم
( أندريه غريتري )

******

إني مدينٌ بكل ما وصلت اليه وما أرجو أن
أصل اليه من الرفعة إلى أمي الملاك
( لينكولن )

[بحر الاخوه]

بسم الله الرحمن الرحيم...

السلام عليكم ورحمه الله وبركااته

اخي السندباد دائما تتحفنا بما هو جديد لك من موااضيع مفيده تفيدنا كثيرا

وها انت اليوم تضع بينا ايدينا ابياات لاغلى من في الكون.....

فسوف اضع هنا احرفا لاتفي في الام حقها ولو قلت وكتبت

لكن اخاف ان اسكب حبري في قوالب ويتجمد ومع هذا مهما قلنا لن نفيها حقها

مرت عليها ليالي ما تصورها

لو قلت ما قلت ما صورت ماضيها

و تحملت من همومك في خواطرها

من وين ما رحت ولا جيت ماليها

من اول الخطوة اللي في تعثرها

حتى آخر الخطوة اللي تو ماشيها

تسقيك منها و تلعب في ظفايرها

الين تروى عروقك من سواقيها

و ان نامت الليل صحت لك مشاعرها

تخاف تحتاجها ولا تناديها

كانت تحطك بيدها مثل اساورها

و لو لحظة غبت عنها باح خافيها


اخي السندباد دمت في حفظ الرحمن

وبارك الله فيك

واسئل الله ان يجعلنا باارين بوالدينا ابد العمر ماحيينا

[أعــــدام]

أخوي السندباد يعطيك العافيه على نقل هذه القصيدة

وصح لسانك ولسان قايلها

وعسى الله يخلي لي أمي ويخلي لكم أمكم كلكم

....


أخوي المحروم الله يشفي أمك ويعطيها طولت العمر أن شاء الله

وطهوره بأذن الله


هذا ماتقدم والله ولي التوفيق

تحياتي

[أعــــدام]

أخوي السندباد يعطيك العافيه على نقل هذه القصيدة

وصح لسانك ولسان قايلها

وعسى الله يخلي لي أمي ويخلي لكم أمكم كلكم

....


أخوي المحروم الله يشفي أمك ويعطيها طولت العمر أن شاء الله

وطهوره بأذن الله


هذا ماتقدم والله ولي التوفيق

تحياتي

[السندباد]

عيوني العيون

حيااااااكـ الله اخوي

وتسلم على اضافتك يالطيب ..

لا خلا ولاعدم ..

[السندباد]

بحر الاخوه

ألف مليون شكر لك أخي على هذا الكلام

ولا تحرمنا طلتك الحلوهـ

[السندباد]

اعـــــــــــدام

يسلمك ربي اخوي براد

والف شكر عالمرور والتواصل الطيب