صورة لمديرة متوسطة وثانوية الخالدية الأهليه بالأحساء

[مابغيت اسجل]

صورة لمديرة متوسطة وثانوية الخالديه الأهليه بالأحساء (كوكو)
اولاً : بتكلم معاكم عن اهم مميزاتها>
انسانه جايه من العصر الحجري يعني لاتعرف كمبيوتر ولا نت ولاطابعات< كيف صارت مديره مدري؟
امور الاداره الداخليه من تاسيس سجلات وملفات ابداً ابداً ماتعرف شي وتاركه الشغل كله على الكادر الأداري الي عندها
مبسوطه انها انحطت في مدرسه اهليه فيها كادر ادارئي متكامل يعني موزعه الشغل كله عليهم وهي شغلتها بس جالسه على الكرسي وتكتب في اوراق صغيره ( نوتات) وترسلها مع مستخدمتها الخاصه فيها الى الملعمات والاداريات < يعني مافي احترام انها تتكلم مع المعلمه وتفهمها وش تبي؟ < فوق هذا اصلا ماعندها اسلوب في التفاهم والتعامل
تعطي اوامر من راسها يعني بدون لا تعاميم ولا شي < كل الي في بالها والي هي فاهمته انها هي موظفه حكومه يعني تسوي الي تبي ! وان موظفات المدرسه اهليات < فاهمه انهم يجهلون في امور الوزارات ويجهلون في التعاميم الي لهم والي عليهم !( يعني انهم بيخافون على وظايفهم وبيسكتون وبيسون الي هي تبي من اوامر غبيه ماتدري ان كل الي عندها من معلمات واداريات اعلى منها شهادات ومستوى تعليمي والاهم اكبر منها بالعقل وفاهمين شغلهم وفاهمين القوانين عدل ومستحيل يمشون كلامها الغلط)
نجي الى تعاملها مع المعلمات:> لما تجي تطلب منهم دفاتر التحضير وش تقول لهم؟ > تهددهم اما تجيبون دفاتركم اليوم والي ماتجيب بكرا بقول اساميكم في الطابور< بزران احنا تهددينا !! تراحنا معلمات
_من بكرا غيرت التهديد> الي ماتجيب دفترها بنقص من درجاتها! < تهددهم بالأداء الوظيفي!!
_الأعذار الطبيه ماتقبلها !! ليش يا ابلى كوكو ماتقبلينها؟ تقولك لان من مستشفى اهلي ماقبلها ولاني ادري انكم تشترون الاعذار الطبيه!!!!!!
تخيلتوو هذا اسلوب مديره مع ملعماتها!! وفوق هذا يا كوكو مين الي مايتعالج عند مستشفى اهلي الان!!!!
الكل يتعالج عند اهلي وفي كل الحالات ونااااادر مايروحون مستشفيات حكوميه
والاجازات الأظطراريه > هو صحيح من المعروف ان الأظطراري من حق المديره توافق عليها او ترفض
بس هي انسانه مافيها من صفات الانسان ذره يعني عديمة الاحساس ولاتقدر ولاتحس بظروف المعلمات ابدا
اذا المعلمه صار عندها ظرف وغابت وطبعا كوكو لاتقبل لااظطراري ولا طبي تجي ثاني يوم تقول للمعلمه> هااااه كثرانه فلوسك هالايام؟؟؟ < وش معناته؟ انا اقولكم معناته > ان رواتبكم يا الاهليات ولاشي واني راح ارفع لك غياب من غير عذر يعني لاتستحقين عليه الراتب
وصحيح نشوفه في دفتر التوقيع ثاني يوم كاتب قدام اسم المعلمه> بدون عذر لاتستحق عليه الراتب!!!
خلصنا من المعلمات
نجي للمدرسه>
دفتر التوقيع الي هو دفتر الحضور> هي المديره ماتجي الا الساعه 6 وربع واحيانا توصل الى 6 ونص
المعلمات وين يوقعون؟؟ يوقعون في ورقه برا !!! < تدرون ليش؟ لان اذا طلعت الظهر تقفل على دفتر الحضور يعني تطلع الظهر وتقفل عليه والموظفات من معلمات واداريات يطلعون ما وقعو خروج
ويجون ثاني يوم وهي ماجت ويقعون على ورقه خارجيه لان مقفله على الدفتر وفوق هذا متاخره الصباح!!!
وكذا مره الصباح ماتجي الا الساعه تسعه او عشره مادري عندها موعد او شنو عندها المهم انها تقفل على الدفتر والموظفات الصباح وقعو في ورقه خارجيه ولما جت الساعه تسع اعطت الدفتر للاداريه حتى تنقل اسماء حضور المعلمات من الورقه الخارجيه الى دفتر الحضور!!!!
طييب ماقولك اقعدي في المدرسه للعصر ولا اقولك تعالي للمدرسه الفجر بس دفتر الحضور طلعيه برا في غرفة المراقبات في أي غرفة بالاداره.
واذا حضرت حصص قفلت غرفتها واذا طلعت للحمام قفلت غرفتها ووين ماتروح قفلت غرفتها
احيانا يكون في خطابات واوراق مراجعات ضروري تنختم في وقتها ولما بيختمونها يلاقونها حاضره حصه وطالعه ومقفله على الختم وهذا ياخر في الشغل وانجاز العمل في اننا ننتظرها لين تخلص من حصصها وتجي تختم!!
قبول الطالبات والتسجيل>> ترفض تسجيل الطالبات بحجة انها ماتبي تقبل المقبول والجيد
وانها تبي تقبل الممتاز والجيد جدا حتى ترتقي في مستوى المدرسه<< لكن يا ابلى كوكو التسجيل في المدرسه ضعييييف جدا مقابل الاعداد الكبيره الي رفضت تسجلينها!!!
والمدرسه صارت فاضيه!!!
ولاتنسين هذي جهه اهليه يعني ماننكر الجانب المادي منها وان اصحابها مافتحوو مدرسه الا انهم يبون يربحون ويكسبون
ومن ناحيه ثانيه كل مازاد عدد الطالبات زادد احتياج التوظيف من المعلمات والاداريات يعني في فتح لابواب رزق لناس محتاجه الوظايف
الي صاير انك تقلصين بعدد الطالبات وبالتالي راح تضطر المدرسه الى الاستغناء عند عدد من الموظفات وهذا فيه قطع للارزاق<< طبعا هدف كوكو انها تستغني عن الموظفات واستبدالهم بموظفات من جهتها!!!
المصيبه الاكبر انها رفضت طالبات ممتاز وطالبات مقبول وفي المقابل قبلت > طالبه راسبه وطالبه منقطعه وطالبه مقبول!!
كثير يجينا احساس ان عندها انفصام في الشخصيه!!!!
نجي للموضوع الاهم والطامه الكبرى> بوابة المدرسه
ماتخلي الادريات او المعلمات او حتى المستخدمات يقفلونها > يعني تبقى مفتوحه من ست الصباح الى وقت الخروج وحده ونص
حضور الطالبات الصباحي الى 8 ونص او تسعه دخوول << تتخيلون الطالبات دخول الطالبات الى الساعه 8 صباحا
والاجراء الي تسويه ماهو؟ < يلا وقعي في سجل التاخير!!
طيب الطالبه ليش جايه متاخره؟ ومع مين جايه؟ وهل طالعه من البيت متاخر او لا؟ والوقت هذا وين كانت؟؟
حرام طالبات مراهقات وفي ذمة المدرسه
المفروض البوايه حدها سبعه او سبعه وربع وتتسكر وأي تاخير بعد ذلك ماتدخل الا ببطاقة الي موصلها الي هو ولي امرها
نفس الشي الظهر والفسحه البوايه مفتوحه والطالبات في الساحه!!!! يعني هذا ثقة الاهالي في المدرسه ان بناتهم في ايادي امينه
واذا قالو لها شي من معلمات واداريات قالت لهم انا المديره !! أي مديره وانتي ماعندك أي احساس بالمسئوليه!!!
انتم تعالو وشوفو مكتبها!!
مافيه أي شي من الاوراق والسجلات ولاشي غير النوتات الي ملصقتهم يمينها ويسارها حتى تلقي اوامر للاداريات والمعلمات
اذكر المديرات يكون في سجلات في شغل عندها مزحوم مكتبها< كوكو لا لا تااااركه الشغل كله على الاداريات وهي بس تعطي اوامر< فاهمه منصب المديره غلط
حتى كمبيوتر ماتعرف تشغله طابعه ماتعرف تستخدمها
هذا كوم وشبكة التجسس الي هي مسويتها كووم ثاني!!
مشغله وحده من المستخدمات ووحده من الاداريات حتى ينقلون لها كل الاحداث برا
واذا ماقدرت توصل للي تبيه تسئل باقي المستخدمات عن الموظفات> فلانه جالسه على مكتبها وش تسوي؟ فلانه جالسه مع فلانه وش تسوي؟ شنو يقولون؟
واحيانا تجلس الى نهاية الداوم!!! تدرون ليش؟؟ < حتى تفتش في مكاتب الاداره
كذا موظفه طاحت على المديره لقتها تفتش في المكاتب الثانيه والله العالم عن ماذا تبحث؟؟
وهذا كله وكوكو المسكينه فاهمه ان الموظفات مو فاهمينها ولا عارفين حركات
واذا قالو لها شي قالت> انا موظفه حكوميه!!!!؟؟؟؟ يعني لو صار ماصار انا مو ضايعه وبرجع لمدرستي او أي مكان في التعليم > اما انتم؟؟؟
في الختام ادعو ان الله يرفع عن مدارس الخالديه ويصبرهم على ما ابتلاهم

ص/ للجهات المختصه
ص/ للمنتديات
ص/ لاسرع ذبذيه توصل هالكلام لمدير ادارة التربيه والتعليم في الاحساء حتى ينظر في امر مدارس الخالديه الاهليه.

[Gamrat Gaza]

الله يعينكم عليهآ صرآحه ,, حكله بدرجة الآستفزاز
وإن شاء الله رسالتكم توصل لـ الجهآت المسؤله ..

..