جرب نفسك كشاعر .....!

[مفلح بن وسمي]

هذه الموضوع سبق انت تم تجربته من قبلي انا واحد الشعراء في احد المنتديات الادبيه ........

فالمضمون من هذه الموضوع ايجاد نسبة السجع في القصائد المعروضه وتنقيحها .....


يعني بالمعنى الصريح ..

الله لا يهينك امسك ورقه وقلم واجلس لحالك واختار لك موضوع حتى تبداء بكتابة قصيده
واحنا هنا علينا النظر في قصيدتك اذا تترقع رقعناها مع التوجيه واذا ما تنفع قصيده راح تتاح الفرصه لكتابة اخرى .

الفائده من الموضوع *****

في هذه المنتدى شريحه من الاخوان يكتب الشعر ولاكن دائما ما تكون كتاباته في نفسه لانه يرى فيها نقص
والنقص طفيف ومع الاهمال تذبل هذه الموهبه لعدم تنميتها ..

وهذه الموضوع راح يتم من خلاله التلاحم والاخذ والعطى بين الشعراء لكسب الاحتكاك والمعرفه .....



**@** ومن يرى نفسه اهلاً لها كشاعر او ناقد شعر يبدي رايه ويدلي بما يراه الى الصواب **@**


" ودمتم "

[لاعب الشطرنج]

حقيقة الموضوع اللي طرحته يامفلح تشكر عليه و انتم أهل لذلك وقدها و قدود و نشاء الله نرى المبدعين من خلال هالصفحة

[مفلح بن وسمي]

سنبدا بهذه الطرق :

مثلاً

قامت تعاظم غربة الروح يـا سعـود
يالله دخيلـك و استـجـدّت جـدايـد
تغرّبت وسـط الجسـد روح مجحـود
في دارهـا وشلـون راحـت بدايـد
والشوف ذاب و خالطت بيضها سـود
و الزّود نقص وناقـص العلـم زايـد
من اول(ن) و الطيب للناس مقصـود
و اليـوم صـارت طيّباتـه شـرايـد

القصيده للامير الشاعر / خالد الفيصل ( غربة الروح )



الكلمات الملونه تعتبر القافيه
وهناك قافيتين اللي باللون الاحمر قافية الصدر ويعتبر الالتزام فيها بحرفين وهما ( الواو و الدال ) مثل :

سـعـ ـود ــ مـجـحـ ـود ــ وغيرهما من الكلمات

واللون الازرق وتمثل قافية العجز ويعتبر الالتزام فيها بثلاثة احرف وهما ( الالف واليا والدال ) مثل :

جــد ايـد ــ بـد ايد ــ وغيرهما من الكلمات


................

[أعــــدام]

أما أنا مستحيل أصير شاعر

يعني مافي أمل

<< جاي يقولك يامفلح علشان ماتعتب عليه وتقول مادخل أعدام

الا اذا انت بتتبنى موهبتي ذا شي ثاني عاد

عموما ليه مانسميها مدرسة الشعر أفضل

ويعطيك ربي العافية أخوي مفلح

ولك خالص حبي وأحترامي

تحياتي

[شَ ـآعُ ـٌر ٍ مُـً ِش‘ـًآعٌ َـْر ِ]

امــــــــا انا اهل لها ولابوها كماان

<< احلى المنسم

انا معكم في الموضوووع

لكن مو اووووول واحد انا

لالالالاع

اذا انتوا كتبتوا

انا بكتبها

على فكرررررره توني كاتب وحده وبشارك فيها هنا

يالله انتظررررركم

[مفلح بن وسمي]

لاعب الشطرنج

مرحباً بك الف

ومشكور على هالثقه

مع تمنياتي لك بالتوفيق

اخوك مفلح
تحياتي

[مفلح بن وسمي]

اعدام

مرحباً بك الف


تذكر هذه الجمله بين قوسين :

( هل كانت تخدعني ) وردينا عليه من الحماس بكلمة نعم ....

هذه الشخص جرب ولم يخف اتمنى تستفيد منه ..:D:D:D:D:D:D

[line]

الله يعافيك ويخليك
انتظر مشاركتك .

اخوك مفلح
تحياتي

[مفلح بن وسمي]

امــــــــا انا اهل لها ولابوها كماان

<< احلى المنسم

انا معكم في الموضوووع

لكن مو اووووول واحد انا

لالالالاع

اذا انتوا كتبتوا

انا بكتبها

على فكرررررره توني كاتب وحده وبشارك فيها هنا

يالله انتظررررركم

المنسم

ونعم فيك انشاء الله انك تكون قدها .



قصيدتك راح تكون اول وحده .. قرار غير مرجوع فيه


يمكن مافيها شي وتطلع بالصوره الجميله ؟؟؟؟؟؟؟؟؟؟؟؟؟؟؟؟

[بوشقير]

أما أنا حبيت اسلام عليك لاني من زمان ماشافتك يامفلح

[مفلح بن وسمي]

أما أنا حبيت اسلام عليك لاني من زمان ماشافتك يامفلح

بوشقير

مرحبا ً الف بك حبيبي ( بو شقير ) والله يسلمك ويخليك

تسئل عنك العافيه انشاء الله

ان الله خلانا راح نشوف بعضنا قريباً

عالموم اتمنى مشاركتك معانا هنا في هذه الموضوع ولا تبخل علينا

تقبل تحياتي
اخوك مفلح

[ذكريات]

موضوع مره رائع يامفلح وبنتظار ابداع الأخوان 0

[شَ ـآعُ ـٌر ٍ مُـً ِش‘ـًآعٌ َـْر ِ]

احم احم

ابدا انا قصيدتي المتواضعه مع ادري انكم بتطنزون علي بس يالله
نجرررررب

----------------------------------


لو يصير الي يصير

لو الكل نوى فرقاي وصار الانسان بلا شعور
وكلن تغير وابتدى بالوقت تدمير السنين
والكون تحطم والدنيا كل مافيها يجور
وكل شي فينا تهدم والفرحه يغلبها الانين
والصادق في طبعه تغير وفي كلامه يلف ويدور
والامانه مالها ذمه والكاذب هو الامين
ويبتدي بالكون مالانعلمه وكل شي يبور
والكل نساني ومن شافني قال انت مين
تبقى احبك بقلبي لو تختلف كل العصوور
واجي مكتف يدي واقول خذيني عندك سجين

-------------------

ابيات متواضعه جداااا

وانا ادري ان قصيدتي بتضييييييع امام قصيدة مفلح والبقيييييه

لكن انتوا قلتوا مايمنع المحاوله هههههه

يالله سسسسسسسسسيو

[مفلح بن وسمي]

لو الكل نوى فرقاي وصار الانسان بلا شعور
وكلن تغير وابتدى بالوقت تدمير السنين
والكون تحطم والدنيا كل مافيها يجور
وكل شي فينا تهدم والفرحه يغلبها الانين
والصادق في طبعه تغير وفي كلامه يلف ويدور
والامانه مالها ذمه والكاذب هو الامين
ويبتدي بالكون مالانعلمه وكل شي يبور
والكل نساني ومن شافني قال انت مين
تبقى احبك بقلبي لو تختلف كل العصوور
واجي مكتف يدي واقول خذيني عندك سجين


بعد التعديل


الا ياكل من ينوي فراقي من بليا شعور
والا يامن تغير بالبدايه ودمر سنيني
تحطم هالكيان ومابقى في دنيتي من جور
نعم شفت الحزن واشلون بالبسمات يطويني
عجزت اصدق مع نفسي واكذب قلبي المقهور
واشوف اللي يسونه واقول الله يعفيني


اخوي المنسم كلنا بدينا من هالمنطلق
واحتكينا بالشعراء وتعلمنا , هذه انا عدلت فيها وزدت في قافية العجز حرف اليا حتى تتناسق موسيقيا ً مع قلفية الصدر
ووحدت الوزن مع حذف بعض الكلمات اللي ماتتناسب مع الوزن الجديد ولكن احتفظت بالمعنى الحقيقي للقصيده
والان ابيك تكملها معاي على نفس الطرق الموجود .


* ملحوظه

اذا في حرج من هالكلام وتتمنى ان حنا نتناقش موضوعك على الخاص انا ماعندي مانع كي تستفيد ولك الخيار حتى تلائم البيئه اللي ممكن تستفيد منها *

تحياتي

[مفلح بن وسمي]

وين الناس

[شَ ـآعُ ـٌر ٍ مُـً ِش‘ـًآعٌ َـْر ِ]

استاذي مفلح

مشكووووووووووووور على تعبك معي

بس فيه مقووووله تقول (( المعنى في قلب الشاعر ))

وانا قصيدتي تختلف عن قصيدتك

بس تقدر تحتفظ فيها لك لان معناااها يختلف عن الاولى بمليون مررررره

------------

لكن ماعندي مانع اني اكمل معك قصيدتك

[شَ ـآعُ ـٌر ٍ مُـً ِش‘ـًآعٌ َـْر ِ]

بعد التعديل


الا ياكل من ينوي فراقي من بليا شعور
والا يامن تغير بالبدايه ودمر سنيني
تحطم هالكيان ومابقى في دنيتي من جور
نعم شفت الحزن واشلون بالبسمات يطويني
عجزت اصدق مع نفسي واكذب قلبي المقهور
واشوف اللي يسونه واقول الله يعفيني



--------------------------------------------------------
تحملت الحزن بسكات وانا صابر على الي يدور
تغافلني الفرح لحظه وصار الحزن هو كل مافيني
تعب قلبي على قلبه عشان الحب يكون محصور
ولكن ابتدى ينسى وهو من قبل ناسيني

[مفلح بن وسمي]

مرحباً اخي العزيز ( المنسم )


من ناحية الفكره انا شفت في قصيدتك اكثر من فكر وموضوع ومن الحفاظ على جماليات القصيده ان تحمل فكره وموضوع واحد ..


انا اخذت الموضوع الاول اللي وضح لي من قصيدتك فبنيت عليه التعديل . ..

[شَ ـآعُ ـٌر ٍ مُـً ِش‘ـًآعٌ َـْر ِ]

طيب ووين قصيدتك انت ؟؟

يالله شد حيلك

[عطارد]

مشكر أخوي مفلح على هالموضوع الطيب

أنا بصراحهـ أحب أسمع شعر لاكن بصراحهـ ما أحب أكون شاعر

[مفلح بن وسمي]

حط القوافي واطلب اللي تريده
واعزف واغني لك مع احلا القوافي
حط اختيارك واستهل القصيده
واوجد معاني لغزها والتنافي
اغلب قصيدي فلسفه بس جديده
واخر دروبي للغرام الخرافي



تحياتي
للمنسم

[شَ ـآعُ ـٌر ٍ مُـً ِش‘ـًآعٌ َـْر ِ]

حط القوافي واطلب اللي تريده
واعزف واغني لك مع احلا القوافي
حط اختيارك واستهل القصيده
واوجد معاني لغزها والتنافي
اغلب قصيدي فلسفه بس جديده
واخر دروبي للغرام الخرافي
0000000000000000000000
من يوم شفتك ما اميز بين قطن وحديده
صرت اشوف الذيابه تخاوي الخرافي
كل شي مختلف عندي الا القصيده
صاغها مفلح ورد المنسم بنفس القوافي



تحياتي
لمفلح

[مفلح بن وسمي]

المنسم

وراك طالع من الموضوع ستين الف

احنا قلنا نتحاور في نفس الموضوع

قطن ـــ حديده ـــ ذيابه ــــ خرافي ـــ

على فكره المعني لكلمتي خرافي ترجع للخرافه ـــــــ مو للخرفان

الشي الثاني اخوي المنسم انت في بداية خطوات الشعر وكل شاعر مر في هالمرحله بس لازم تستفيد
والا (كنك يازيد ماغزيت )

عالعموم الهدف الاكبر هو الاحتكاك واتمنى نستفيد انا وانت
واذا حبيت تتوسع بالمعرفه بالشعر ففي بيت عبدالرحمن الغريب كل اربعاء بعد الساعه 9 تجمع للشعراء منتدى القوع اتمنى حضورك تراه حضور قيم وانت شاعر جديد لازم تحتك بالكبار

تحياتي

[مفلح بن وسمي]

موضوع مره رائع يامفلح وبنتظار ابداع الأخوان

ذكريات

مرحباً اختي ذكريات

الموضوع رائع وبمشاركتك راح يكون اروع

تقبلي تحياتي

[مفلح بن وسمي]

مشكور أخوي مفلح على هالموضوع الطيب
أنا بصراحهـ أحب أسمع شعر لاكن بصراحهـ ما أحب أكون شاعر

منبعي العيون

هلا بك اخوي منبعي العيون
العفو يالغالي وتعجبني صراحتك ..
بس هناك علامة استفهام .. ليه ما تحب تكون شاعر ؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

[شَ ـآعُ ـٌر ٍ مُـً ِش‘ـًآعٌ َـْر ِ]

هلا مفلح

ششششفت ان المعنى في قلب الشاعر زي ماقلت لك

انا في قصيدتي الاوليه ماكنت اقصد الي تقصده

وانت الحين كتبت قصيده وانا شفت فيها اكثر من فكره
ورديت عليها على فهمي

وانا بعدين فاهم انك تقصد الخرافه

وانا يوم رديييت اقصد الخرفان

انت في قصيدتك تتكلم عنه انه يطلب الي يريده ومن هذا القبيل

وبعدين صرت تتكلم عن نفسك ودروب الغرام

انا رديت صرت اتكلم عنه

ان من يوم شفته ما اميز بشي من حبي له وهكذذااا

وانت شاعر وتفهم

انا صحيح توني على الشعر لكن ما اشووووف الي انت تشوفه الحين

لاني ماتعديت عن معاني قصيدتك

وانا استفيييد من جهه ثانيه وهي النت

عندي منتديات هنا تتكلم عن الشعر وتعطيك معلومات كثيره عنه

والمبتدء يصير كبير

وما نخلى من معلوماااتك وتوجيهاتك يا استاذ مفلح

[شَ ـآعُ ـٌر ٍ مُـً ِش‘ـًآعٌ َـْر ِ]

بس عندي فكرررره

لو نصير نكتب قصيده والثاني يررررررد عليها يكون الموضوع

احلىىى

يالله شد حيلك واكتب قصيده وانا برد عليك

[مفلح بن وسمي]

مرحباً اخوي العزيز المنسم

اخوي انا قصيدتي تحمل موضوع واحد وفكره واحده الا وهو الشعر .

حط القوافي واطلب اللي تريده
واعزف واغني لك مع احلا القوافي

ان تطلب القافيه لكتابة الشعر ... المرجع للموضوع الشعر

ولماذكرت

حط اختيارك واستهل القصيده
واوجد معاني لغزها والتنافي

هنا اتكلم عن القصيده اللي راح اطرح واطلب منك ايجاد اللغز والتنافي ..... ومرجعية الموضوع للشعر

ولما ذكرت

اغلب قصيدي فلسفه بس جديده
واخر دروبي للغرام الخرافي

هنا اشرح لك القصيد اللي ممكن اتميز فيه واخر دروبي بالقصيد الغزلي الغرامي ...... ومرجعية الموضوع للشعر

تمثيل سريع ومبسط ...

نقف عند موضوع التعبير لما يتطلب من التعبير عن ( الشجرة) فالشجرة اصبحت الموضوع المعني ففي الموضوع عدة انواع من الشجر فهذه النوع يعطيني اتساع كبير لكتابة النص في الشجرة لتعدد الفصيل .

ونقف عند موضوع اخر وهو تحديد نوع الشجره مثلاً ( شجرة الرمان ) فهل اصبح الموضوع واحد للتمثيل الاول وهل الاتساع للموضوعين واحد .

انا تكلمت بموضوع الشعر ولي الحريه في التكلم حسب الاتساع الموجود لمرجعية هذه الموضوع #

[line]


اما عن فكرة تغيير الموضوع من .......... الى .............. فهذه التغير مقبول بس ابسألك هل سيكون هناك تجاوب
ام سيبقى الموضوع كما كان عليه بالموضوع السابق ......؟

اترك الاجابه لك وللجميع ,


تحياتي

[شَ ـآعُ ـٌر ٍ مُـً ِش‘ـًآعٌ َـْر ِ]

ههههههه


اذا ماكااان فيه تجاوب

منهم

بيكوووون مني انا

وانا لي الفخر اني اصير معك في الشعر

يالله ششششد حيلك

[أبو محمد]

تم تثبيت الموضوع
مع تمنياتي بدوام تواصل هذالإبداع ..
والشكر الجزيل لشاعرنا ( مفلح بن وسمي )