ابي رايك

[سلسال الذهب]

مساء الخير

وشرايك هذا البيت موزون

اقول وابتدي والبدايه حكايه
عشت حكايه مابي لها نهايه

[عبدالرحمن الغريب]

سـلسـال الــذهـب

مرحـبا بك ويا هـلا .


أولا ً : بالنـسـبة للي كـتبته يالغالي :

- أنت ما كـتبته على شـكل بيت شـعر .

- لو جـزأنا المكـتوب يمكـن يكون بعض أجزائه موزونا ً .

ثانيا ً : أنت تكـتب مرة واحـدة ثم تنقطـع ولا تواصل كما حصـل في

السـابق ، ثم أني أحاول معـك من ناحية النـقـد والوزن

وغـيره لكـنك تتوقف . ومثل كذا ما تسـتفيد أنت .

بانتـظــارك عـزيزي .

=

[سلسال الذهب]

يعني واشسوي

انا من اول صراحه تحطمت خلاص

وتقول لي انت اول اكتب بيت وخلني اشوفه والحين مو بيت
عموما ماقصرت عمي بيض الله وجهك

الله يوفقنا

[سلسال الذهب]

طرى على بالي اكتب لي قصيده
لكن اليوم مالي فرصه فريده
حاولت اكتب مرات(ن) عديده
وحاولت اغير الفكره بفكره جديده

[عبدالرحمن الغريب]

سـلسـال الــذهـب

يا هلا بك ومرحبا ألف بدون حـلف .

أول شي : صـل على النبي محمد .

ثاني شي : أنا قلت لك وجهة نظري فيما تكـتببه . .

أنت مـو مشـكلتك إلا الوزن .

طـيب : أبغـيك تواصـل معي مثـل أخـتنا ( قصيدة منسـية ) بشـرط :

أن تتبع وتنفـذ التعـليمات ولا تسـتعحل ولا تتوقـف .

- أييييييييييييييـش رايييييييييييييييييـك ؟ .

- يالله قـل لي أنا بانتـظــارك عـزيزي .

=

[سلسال الذهب]

طيب صار

[عبدالرحمن الغريب]

سلسال الذهب

أهلين وسهلين ومرحبتين .

أنا يالغالي باكـتب لك هالحــين بيتـين وأطـلب منك تقراهما وتكرر القراءة كثـيرا ً

كثيرا ً كثيرا ً كثيرا ً باللحـن بصوت عالي ( يعـني تغـني ) .

واللحـن اللي تغـني به حاول تحـفظه والأحسن انك تسـجله في

مسـجل على شان ما تنسـاه .


( إذا ما تقـدر تغـني بصوت عالي في بيتكم اطـلع إلى البـر.. وغـني وارفع الصـوت على مزاجـك ).


يالله هـذا البيـتين :

مني على الوافي سـلام //// عـدّ النـجـــوم اللي نشـوف
أعـنيك في لفـظ الكــلام //// سـلسـال يا شـوق الهـنوف


- هات بيـتين على نفس اللحـن .


يالله بانتـظــارك .


=

[سلسال الذهب]

لك مني ياعمي كلام****لك مني ياعمي هنوف
هنوفً ماطرت بالاحلام..تعطيك امان وتنسى الخوف

[عبدالرحمن الغريب]

سـلسـال الــذهـب


مـــرحـبا مـــرحـبا .


أولا ً : ما قلت السلام عليكم .


ثانيا ً : ما قلت اللهم صـل على النبي محمد .


ثالثا ً : ما قلت لي وش سـويت .. لازم تشـرح وتبـين لي - هل فعـلت

اللي قلت لك ، هـل غـنيت باللحـن ، هـل غـنيت بصوت عالي في

بيتكم أوفي البر، هـل حـفظـت البيـتين اللي كـتبتهما أنا لك غـيب في قـلبك .


- أبغـيك في كل مـرة تقـول لي وش سـويت لازم .


رابعا ً : ما قلت لي مشـكور .
-------------------------


خـااااااااااامـسـا ً : بالنـسـبة للبيـتين اللي كتبتهما أنت :


لك مني ياعمي كلام****لك مني ياعمي هنوف
هنوفً ماطرت بالاحلام..تعطيك امان وتنسى الخوف


1- الوزن جميل جدا ً .. بس اللي تحـته خـط منكسـر مو على نفـس اللحـن .

2- الكلام اللي يقـوله الشاعر قـبـلك ما تقـوله أنت مثـل كلمة ( الهنـوف ) .

سـادسـا ً : حاول تجـيب بيتـين جـديدين على نفـس اللحـن

واحـرص على ضـبط اللحـن لا يزيد .


يالله عزيزي أنا بانتـظــارك .


=

[سلسال الذهب]

سلام عليكم

واسف يابو اديب وع راسي من فوق

لكن اني تحمست وهذا الي ابيه من زمان لاني انا صجه بالبيت اغني واشيل بالبيت شيلات ورجه

وهذا اللي ابيه وغنيتها وسجلت اللحن بالجوال وجلست اغنيه وانرسخ في المخ مايحتاج

عاد جلست الحن عليها

وانا يوم قلت نفس كلمتك لاني ابي اهديك ياعمي هنوف فرحتني

وشرايك بهذا

خذ مني ياقلبي امان**بعطيك امان وتنسى الخوف
لك بوسط قلبي مكان**والله لك والله ماعوف


وع راسي

وبيض الله وجهك

[عبدالرحمن الغريب]

سـلســال الــذهـب

هلا والـله هلا

- أعجبتني بحماسـك .. لكنـك نسـيت ما صـليت على النبي محمد .

- أيـوَه كـذا أبغـيـك دائما ً توضح لي كل شي تسـويه قبل ما تكـتب الأبيات .

- بالنـسـبة للبيتـين اللي كتبتهما فهما جميلين والوزن عـدل بس انه ركـيك

غير سـلس ( يعني ثـقـيل ) .. لكـني سـامحـتـك هذه المـرّة .

- وش هي هـنـوف اللي بـتـعـطيني إياها ؟ .

يالله عـزيزي اكـتب بيتـين جـديدين على نفـس اللحـن لكن غـيّر القافـية .
( انـتـبـه أنا قلت لك الوزن ركـيك )

( وعلشان تعرف انه ثقيل ركيك اقرأ أبياتي وتشوف الخـفة والسلاسة )

بانتــظــارك .

=

[سلسال الذهب]

بهديك ياعمي وسام---عد الحروف والالوف
مكانك عالي المقام---تلبس حريروتلبس صوف

[عبدالرحمن الغريب]

ســلســال الــذهـب

هلا هـــلا هــــــــلا بك

- أولا ً : ما صـليت على النبي محمد .

- ثانيا ً : ليش ما اتبعت اللي قلت لك ؟ ..
( أبغـيـك دائما ً تـنـفـذ اللي أقـول لك .. ثم تقـول لي عن كل اللي تسـويه قبل ما تكـتب الأبيات ) .

- ثالثا ً : أنا قـلت لك غيّر القافية في البيـتين . . ليش ما غـيّرتها ؟

- رابعا ً: الأبيات جميلة ومعناها زين لكـن الوزن فيه خـلل قليل (يعـني ركيك) لازم تـتـقـن اللحـن إتقانا ً جـيدا ً.

خـامسـا ً : جـاوب على كل فـقـرة .

- سادسا ً : إذا أتـقـنـت اللحـن وصار ما فيه كسـر ولا ركاكة سـوف نـنـتـقـل إلى الخـطوة اللي بعـدها .

- يالله عـزيزي - اقـرأ التعـليمات زيـــن ونـفـذها ، وهـات بيـتين جـديدين ولا تسـتعجـل ..
وقبل ما تكـتب البيـتين حاول أن تقـرأ وتكرر البيـتين اللي كـتبتهما أنا لك علشـان تذكر اللحـن .

يالله أنا بانتـظــارك .

=

[سلسال الذهب]

اصلي في نفسي

اللهم صلي على محمد
انا اتبعتها وغنيتها يمكن اني ماعرف ويمكن اني البارح استعجلت علشان ترد البارح لكن ماحصل


اللي اسويه اجيب كلام اغني هذيك الابيات وارجع اردد الابيات الجديده


ركيك يعني مكسور في الجايات ان شاء الله

يالله مشكور عمي يعين الله ان شاء الله

ماقصرت وبيض الله وجهك

وسلام نشوفك ع خير

[عبدالرحمن الغريب]

سـلسـال الذهب

مرحبا بك يا هلا .

- زين زين أنا أبغـيك كـذا تعـلمني اللي يصير واللي تسـويه قبل تكتب الأبيات دائما ً عـلمني .

- قال سلسال الذهب : ركيك يعني مكسور في الجايات ان شاء الله يالله مشكور عمي يعين الله ان شاء الله ماقصرت وبيض الله وجهك وسلام نشوفك ع خير .

قال عبدالرحمن : يعـني مـو مكسـور واجـد . . ( هـذا بالنسـبة لك ) يعـني يمشـي الحال لكـن أبغـيـك تهـتم وتضـبط الوزن من البداية . يعني من البداية
أبغـيك تمشـي عـدل ما تمشـي عـرج .

وإياي وإياك لا تـمل ولا تـزهـق واصـل المشـوار واتـبـع التعليمات .


ياللـه نراك عـزيزي . اكـتب بيتين جـديدين .

=
</b></i>