يـاشيـن فرقــــاكـٌ

[المـشتاق]

العين هلّت دمعها يوم ممشاك
و يا شينها لا دحدرت دمعت العين
بعدين تعرف وش كثر حرّ فرقاك
و منهو يكفكف دمعة العين بعدين
وسنين عمري كلها لك و شرواك
ياما شريت ارضاك بدهور وسنين
من وين ما ميّل هوا الحب مأخطاك
إنشد خفوقك وابل الحب من وين
بين الوفا و الوصل قلبي ترى جاك
تبقى المحبّة دوم ما بيننا بين
ثنتين حبّك لي و بسمة محيّاك
هي لذّة العشّاق هي بس ثنتين
يا زين سجّ الفكر مع شخصٍ أغلاك
و ياكيف تنسى سجّت الفكر يا زين
هالحين خلّك يهجرك أو بيجفاك
شتان بين أوقاتنا أول و هالحين
سبعين طعنه في حشا شخصٍ أسقاك
من شربة أهل الودّ بالكاس سبعين
الطين به ميزه ليا دست بخطاك
يحفظ أثرك و ليتك أنته كما الطين
الدين به ميزه ليا شخصٍ أعطاك
تبقى أسيره لين تُوفي له الدين
مخطين يا درب الردى لو مشيناك
و درب الوفا لو ما مشيناه مخطين
دارين دار تعزّ و أخرى توطّاك
و دار الردى عنها و أنا أخوك دارِين
أهلين يا طيفٍ تأشّر بيمناك
زيارتك ذا الليل تستاهل أهلين
حرفين تجبرني على دحر الأفّاك
بين العين والباءقول أنت حرفين

يلي على بالي يـاشـيـن فرقـاك(~_~)





للمزيد من مواضيعي

(http://www.aloyun.com/vb/search.php?do=finduser&u=71443&starteronly=1)

[حتى ظلي يعشقونه]

مشكووور ويعطيك الف الف عافية على القصيده الرائعه...^-^