«¤¶`جارالله`¶¤»
03-18-2006, 07:22 AM
السلام عليكم ورحمة الله وبركاته
\
/
\
/
قصيده لي ألفيه وهي من قديمي وأحببت أن أصافحكم بها
وعسى أن تنال إعجابكم وإستحسانكم
\
/
\
/
ألفٍ أولف كل شعري دواوين=يسمع صداها كل شاعر وطربان
الباء بدايه تحمل الزين والشين=والضو لا شاعت تعمك بدخّان
التاء تبنيت الشعر والعناوين=وأصبحت سيد الشعر فارس وسلطان
الثاء ثريٍ بالمعزه على الدين=هذي غناة الذيب ماني بندمان
الجيم جوي واحدٍ ماغدا اثنين=وأعز منه بالمعزه على شان
والحا حماني خالق التوت والتين=أحفظ جنابي من مشاره ونقصان
والخا خويي مرحبابه ملايين=ترحيبةٍ أصفى من الماء وسفطان
الدال دربي ماتسيره وراعين=دربي مشيته بين حقٍ وإيمان
الذا ذرانا معطي الصاع صاعين=عبدالله اللي من عرفته قهيدان
الرا ء ربينا تحت ظل محشومين=لاهان قدرك يابو متعب ولا هان
الزين نزوي بالحقايق حقودين=نزوي أيادي كل ناكر و خوّان
السين سعودي عهدنا له موالين=وفعولنا لا ثارت الهيه تبان
الشين شدودٍ بالمواقف سلاطين=زبن الدخيل مروضه كل شيطان
الصاد صادق وإن بغيتوا براهين=يشهد لنا التاريخ حضرٍ وبدوان
الضاد ضوي تحرق اللي معادين=ضويي تراها دافيه لكل بردان
الطا طريقي سالكه دون تخمين=دربي أدله ما ترجيت عنوان
الظا ظروفي ماتعرف القوانين=تتقلب أفكاري ليا صرت شفقان
العين عيني جاوبتني بحرفين=ناسٍ تشوف وكنّها اليوم عميان
الغين غيبي وأحضري ياتلاحين=زفي بيوتي وأعزفيها بالألحان
الفا فدائي دون ربعي والأدنين=نعم فدائي دون أهلي والاوطان
القاف قمه وأعتلوها مجانين=يالعنبوهم بين كافر وسجّان
الكاف كيه وسط قلبي لها سنين=لامن طرا بالحال قدسٍ وشيشان
واللام لعنه وافيـه للشياطين=لعنه ولعنه ثم لعنه مع ألعان
الميم موتي ما أهابه بعد حين=الموت حقٍ كلنا له بالأكفان
النون نذرٍ ثم نذرٍ على دين=ماينحني راسي على مر الأزمان
الها هبوبي نفح ورد وبساتين=عنبر ومسكٍ للنشاما وريحان
الواو ونّه كنّها ضرب سكين=دنيا جمعتنا وموعد فراقنا حان
الياء يِمـه وقبلةٍ للمصلين=وأختامها صلوا على أشرف إنسان
ولكم القصيده من ديواني المعتمد بأبيات كوم
أضغط هنا (http://abyat.com/poem.php?id=5949&uid=987)
وسلامتكم
جارالله بن خالد الشدي
\
/
\
/
قصيده لي ألفيه وهي من قديمي وأحببت أن أصافحكم بها
وعسى أن تنال إعجابكم وإستحسانكم
\
/
\
/
ألفٍ أولف كل شعري دواوين=يسمع صداها كل شاعر وطربان
الباء بدايه تحمل الزين والشين=والضو لا شاعت تعمك بدخّان
التاء تبنيت الشعر والعناوين=وأصبحت سيد الشعر فارس وسلطان
الثاء ثريٍ بالمعزه على الدين=هذي غناة الذيب ماني بندمان
الجيم جوي واحدٍ ماغدا اثنين=وأعز منه بالمعزه على شان
والحا حماني خالق التوت والتين=أحفظ جنابي من مشاره ونقصان
والخا خويي مرحبابه ملايين=ترحيبةٍ أصفى من الماء وسفطان
الدال دربي ماتسيره وراعين=دربي مشيته بين حقٍ وإيمان
الذا ذرانا معطي الصاع صاعين=عبدالله اللي من عرفته قهيدان
الرا ء ربينا تحت ظل محشومين=لاهان قدرك يابو متعب ولا هان
الزين نزوي بالحقايق حقودين=نزوي أيادي كل ناكر و خوّان
السين سعودي عهدنا له موالين=وفعولنا لا ثارت الهيه تبان
الشين شدودٍ بالمواقف سلاطين=زبن الدخيل مروضه كل شيطان
الصاد صادق وإن بغيتوا براهين=يشهد لنا التاريخ حضرٍ وبدوان
الضاد ضوي تحرق اللي معادين=ضويي تراها دافيه لكل بردان
الطا طريقي سالكه دون تخمين=دربي أدله ما ترجيت عنوان
الظا ظروفي ماتعرف القوانين=تتقلب أفكاري ليا صرت شفقان
العين عيني جاوبتني بحرفين=ناسٍ تشوف وكنّها اليوم عميان
الغين غيبي وأحضري ياتلاحين=زفي بيوتي وأعزفيها بالألحان
الفا فدائي دون ربعي والأدنين=نعم فدائي دون أهلي والاوطان
القاف قمه وأعتلوها مجانين=يالعنبوهم بين كافر وسجّان
الكاف كيه وسط قلبي لها سنين=لامن طرا بالحال قدسٍ وشيشان
واللام لعنه وافيـه للشياطين=لعنه ولعنه ثم لعنه مع ألعان
الميم موتي ما أهابه بعد حين=الموت حقٍ كلنا له بالأكفان
النون نذرٍ ثم نذرٍ على دين=ماينحني راسي على مر الأزمان
الها هبوبي نفح ورد وبساتين=عنبر ومسكٍ للنشاما وريحان
الواو ونّه كنّها ضرب سكين=دنيا جمعتنا وموعد فراقنا حان
الياء يِمـه وقبلةٍ للمصلين=وأختامها صلوا على أشرف إنسان
ولكم القصيده من ديواني المعتمد بأبيات كوم
أضغط هنا (http://abyat.com/poem.php?id=5949&uid=987)
وسلامتكم
جارالله بن خالد الشدي