تسجيل الدخول

مشاهدة النسخة كاملة : روضه الجمعيه مب حاله معاكم

سامي
10-20-2010, 08:18 PM
تصدقون انهم الى الحين يستقبلون مسجلين جدد في الروضه
والروضه تغص باللي فيها من طلاب
والباص الواحد يشيل اكثر من 50 طالب
اللي قاعد واللي واقف واللي ( متغلصص )
كم باص في الجمعيه
مايشتغل فيهم الا 2 يوصلون الطلاب
متنا واحنا ننتظر عيالنا
يطلعون من الساعه 11 مايوصلون البيت الا 12 ونص
ويوم تكلمت عن تشغيل الباصات اللي راصينها قدام الجمعيه
قالوا في اجتماع المجلس الجاي نعرض عليهم هالامر

اي شي لازم يجتمعون عشانه ويشوفون يوافق المجلس والا مايوافق

اجل شوله حاطين مدير للجمعيه اذا مايقدر يقرر شي مثل تشغيل باص يوصل طلاب الروضه اللي دافعين فلوس

فيه واحد من عيال عمي يوم قلت له انهم يبون يستنون قرار مجلس الجمعية مدري شسمهم
ضحك وقال ماتدري يعني
اصلا اذا الدباسه خلص منها الدبابيس مايقدرون يفتحون الدرج يركبون دبابيس الا بموافقه من هالمجلس

ترى احنا مانبي صدقه والا معونه احنا نبي شي من حقنا وحق فلوسنا اللي دفعناها

والا صاحوا علينا بعض الجيران وقالوا سجلوا عيالكم في روضه جمعيه المراح ولا تندمون بس ماطعناهم وسجلنا عندكم فلا تخلونا نندم

اجل ساعة كامله وعيالنا في الباص في هالظهريه ماصارت ياروضه جمعيه العيون

ماعندكم سواقين يمكن
ترى فيه كثار منهم يدورون شغل من عيال العيون
شغلوهم سواقين عندكم واكسبوا فيهم اجر
AL2o0y0u5n
10-20-2010, 08:31 PM
ليه ما تخاطب الجمعية
سامي
10-20-2010, 08:39 PM
وانا ماقصرت
بس يقولون بيشوفون قرار المجلس مالهم

وهنا بعد اخاطب الجمعيه لانهم يكتبون هنا ويحطون مواضيع
اكيد بيشوفون موضوعي هذا وان شاء الله يتحركون مثل ماجمعيه المراح متحركه

قلت كلامي عاد خذوه كنصيحه وتلافوا كلشي شين في الجمعيه او ازعلوا منه عشان بغيتهم يتحركون مثل جمعيه المراح

ترى انا ابي الجمعيه احسن شي من بين الجمعيات الخيريه اللي بالشرقيه
عطر الاماكن
10-20-2010, 09:51 PM
اذا الله اراد بسجل بنتي في المراح
aloyun
10-21-2010, 05:57 PM
ماعتقد ان يكون فيه باصات واقفه ويكدسون الطلاب في باصين يوزعون لاحياء العيون كلها
تولين
10-21-2010, 11:21 PM
انا والله قايله ما أبي أتكلم في هالموضوع لإني تكلمت عنه من قبل وهجومت لحد ماقلت بس


لكن للأمانه ما أقدر أمر ع الموضوع بدون ما أترك رد حتى لو بسيط


جمعية العيون الخيريه من سنه الى سنه لاجديد يعني الواحد يحرق أعصابه ودمه علشان يبي يشوف خطوه الى الأمام لكن مافيه أمل أبدا


كثير من منتسبي الجمعيه وموظفينها يدخلون ويقرأون اللي إحنا نكتبه لكن مطنشين ولا عمرهم بيتحركون إلا بإجتماع على قولك



نأمل بتغير الوضع وكل هالشئ علشان أطفالنا


ربي يحفظك
اسد العيون
10-22-2010, 07:47 PM
نأمل بتغير الوضع وكل هالشئ علشان أطفالنا


ربي يحفظك


فديت الجميع
سامي
10-25-2010, 01:36 AM
ان شاء الله يسمعون ويعون ويطبقون اللي المفروض يطبقونه
عادي
10-25-2010, 02:09 AM
صدقت يا اخ سامي والله اهلي دائما في خلاف مع الجمعيه وسواقها المغلوب على امرة

خافوا الله في ابنائكم ياروضة جمعية العيون

والله ماترضونها على عيالكم

دائما العيون متراجعه في اي مجال

الا

التفحيط ولازعاج متفوقون فيه
النشــ بنت ــامى
10-25-2010, 02:55 AM
الله يعين الأطفال ويعين اهليهم
ابوغسان
10-25-2010, 03:06 AM
الله يعين الأطفال ويعين اهليهم
مغليك بالحيل
10-25-2010, 09:50 AM
اهي حاله وحدة الله يهديك على كلامك اخوي سامي مب حاله اهي عدة حالات وتتعب ونت تتكلم اقولك ابد مافيه تطور والقطار يمشي بطيءما نقول الاشوفو لنا طاقم للجمعيه بالكامل من خارج العيون ابرك على الأقل بيكون فيه انصاف ان شاء الله ..... دمتم بود واحترام
سلمان
10-25-2010, 01:33 PM
والمشكله ماهي على الرجعه فقط
تخيل الام وهي تنتظر باص الروضه العجيب ساعتين قبل المجيى

يجب على المحترمين النظر في هذا الموضوع